Páginas: << 1 ... 3 4 5 6 7 8 9 10 11 12 13 ... 78 >>

21-10-2015

  22:05:10, por csggaioso, 76 palavras  
Categorias: Associaçom

Apresentaçom da obra literária "Ostrácia"

Outubro 2015

A professora e escritora Teresa Moure estará connosco amanhá sexta-feira (venres) dia 23 para apresentar o seu livro "Ostrácia". Umha obra ambientada nas paixons mais humanas da Revoluçom comunista de 1917, e a sua experimentaçom polas mais abnegadas militantes revolucionárias.

Sexo, classe, amor, morte, amizade, desengano. Umha trevoada de sensaçons numha época histórica de máxima tensom histórica, social e subjetiva.

A Teresa dirigirá a palestra a partir das 20 horas, com a apresentaçom do também escritor Alberto Lema.

  21:55:24, por csggaioso, 70 palavras  
Categorias: Associaçom

Apanha de castanhas para o Magusto

Outubro 2015

No sábado 24, às 16 horas, sairemos do Campo de Marte junto com companheir@s do Centro Social A Comuna para irmos apanhar castanhas. Faremo-la acompanhad@s dumha experta nos melhores soutos da zona.

Com elas, após deixá-las secar durante vários dias, faremos um magusto na rua, com foliada, na primeira semana de outubro.

Convidamos-vos a participardes do roteiro num dia em que nom se agoiram chuvas, escrevendo a gomesgaioso@gmail.com ou chamando ao 606 101 251

09-10-2015

  12:23:47, por csggaioso, 124 palavras  
Categorias: Associaçom

Sense València no hi ha independència!

Outubro 2015

Esta semana de atividades nom acaba! Amanhá sábado convidamos-vos a tod@s a umha paelha preparada por nós, de graça com a consumiçom, e também a água de valència.

Fazemos esta pequena festa gastronómica, com música valenciana, para honrar o Dia da Pátria daquele País, do País Valencià, na sua particular Diada.

Nós, independentistas galeg@s amig@s da cusa da emancipaçom nacional, social e sexual dos Països Cataláns, desejamos um País Valencià livre nuns Països livres, socialistas e feministas.

A partir das 15 horas, e durante toda a tarde, tardinha e parte da noite de sábado, passa-te polo Centro Social.

Da Corunha a València toda enviamos umha saudaçom imensa. Sabemos que "SENSE VALÈNCIA NO HI HA INDEPENDÈNCIA".

VISCA VALÈNCIA!
VISCA LA TERRA!
VISCA ELS PAÏSOS CATALÁNS!

07-10-2015

  23:40:57, por csggaioso, 224 palavras  
Categorias: Associaçom

Da Flotilha ao Boicote

Outubro 2015

Por desgraça Palestina volta a estar de atualidade. Os episódicos e desesperados rebentos de resistência popular contra o invasor israelita estivérom de passeio esta semana polos meios de comunicaçom. Mais preocupados com encher páginas e minutos de tertúlia intrascendentes, sem achegar nada novo, que por solucionar o genocídio constante a cargo do "amigo sionista".

Com certeza que as nossas ponentes amanhá, sexta-feira dia 9, nom virám ao Centro Social para cobrir o expediente e narrar-nos por enéssima vez a história dum conflito sem sutura. Porque as dúas estám há anos involucradas em virar radicalmente a situaçom para encontrar umha soluçom política e real ao massacre quotidiano do irmao povo palestiniano.

Do Centro Social Gomes Gaioso sabemos que "Palestina cansa", porque assumimos a cadência de fracassos internacionais e de cumplicidade terrorista com Israel como um facto incontornável. É dever nosso porém ajudar a que o cansaço da derrota e a humilhaçom diárias se dissipe na vontade transformadora de pessoas internacionalistas e solidárias como as ponentes deste encontro-debate. Ana Miranda, eurodeputada do BNG e Lucía Barros, ativista de BDS-Galiza, som parte dessas raízes galegas que podem fazer agromar, frente ao cansaço, mais e melhor solidariedade, e frente à derrota, a inevitável construçom dumha Palestina livre como única saída.

Da Flotilha ao Boicote. Sexta-feira a partir das 20h30 no Gomes Gaioso.

GALIZA COM PALESTINA. CORUNHA COM PALESTINA.

04-10-2015

  19:07:48, por csggaioso, 143 palavras  
Categorias: Associaçom

Mais três cursos começam esta semana

Outubro 2015

Esta semana começam mais três cursos no Centro Social das Atochas.

Primeiro, amanhá segunda-feira (luns) às 20h30 bota a andar o curso de clarinete polo segundo ano consecutivo. Com o mesmo professor e com ganas de incrementar a participaçom e fazer umha jeitosa coral de vento.

Segundo, será a vez de ukelele, dirigido por Fernando R., quem na quarta-feira (mércores) às 20h30 praticará com quem queira apontar-se este cómodo e manejável instrumento.

Por último, na quinta-feira (xoves) o Pedro Campos, estudante de último curso do conservatório da Corunha, dará aulas de guitarra (quer clássica, quer eléctrica), a partir das 18h30.er desses cursos podes participar escrevendo a gomesgaioso@gmail.com ou passando-te polo Centro Social em horário de abertura a consultar as condiçons, ou diretamente nos horários indicados arriba para provar gratuitamente e sem compromisso.

VENHAM MAIS CURSOS!
ARTE E CULTURA POPULAR NA NOSSA LÍNGUA!

<< 1 ... 3 4 5 6 7 8 9 10 11 12 13 ... 78 >>

Quem Somos?

Esta entidade nasce com a ideia de integrar todas aquelas pessoas que, de forma aberta, se quigerem implicar na dinamizaçom deste espaço, que visa organizar iniciativas alternativas que pulem pola transformaçom da realidade em que nos desenvolvemos. + info

gomesgaioso@gmail.com

Biografia Gomes Gaioso

Ferramentas administrativas

Busca

free blog