Páginas: << 1 ... 4 5 6 7 8 9 10 11 12 13 14 ... 78 >>

09-10-2015

  12:23:47, por csggaioso, 124 palavras  
Categorias: Associaçom

Sense València no hi ha independència!

Outubro 2015

Esta semana de atividades nom acaba! Amanhá sábado convidamos-vos a tod@s a umha paelha preparada por nós, de graça com a consumiçom, e também a água de valència.

Fazemos esta pequena festa gastronómica, com música valenciana, para honrar o Dia da Pátria daquele País, do País Valencià, na sua particular Diada.

Nós, independentistas galeg@s amig@s da cusa da emancipaçom nacional, social e sexual dos Països Cataláns, desejamos um País Valencià livre nuns Països livres, socialistas e feministas.

A partir das 15 horas, e durante toda a tarde, tardinha e parte da noite de sábado, passa-te polo Centro Social.

Da Corunha a València toda enviamos umha saudaçom imensa. Sabemos que "SENSE VALÈNCIA NO HI HA INDEPENDÈNCIA".

VISCA VALÈNCIA!
VISCA LA TERRA!
VISCA ELS PAÏSOS CATALÁNS!

07-10-2015

  23:40:57, por csggaioso, 224 palavras  
Categorias: Associaçom

Da Flotilha ao Boicote

Outubro 2015

Por desgraça Palestina volta a estar de atualidade. Os episódicos e desesperados rebentos de resistência popular contra o invasor israelita estivérom de passeio esta semana polos meios de comunicaçom. Mais preocupados com encher páginas e minutos de tertúlia intrascendentes, sem achegar nada novo, que por solucionar o genocídio constante a cargo do "amigo sionista".

Com certeza que as nossas ponentes amanhá, sexta-feira dia 9, nom virám ao Centro Social para cobrir o expediente e narrar-nos por enéssima vez a história dum conflito sem sutura. Porque as dúas estám há anos involucradas em virar radicalmente a situaçom para encontrar umha soluçom política e real ao massacre quotidiano do irmao povo palestiniano.

Do Centro Social Gomes Gaioso sabemos que "Palestina cansa", porque assumimos a cadência de fracassos internacionais e de cumplicidade terrorista com Israel como um facto incontornável. É dever nosso porém ajudar a que o cansaço da derrota e a humilhaçom diárias se dissipe na vontade transformadora de pessoas internacionalistas e solidárias como as ponentes deste encontro-debate. Ana Miranda, eurodeputada do BNG e Lucía Barros, ativista de BDS-Galiza, som parte dessas raízes galegas que podem fazer agromar, frente ao cansaço, mais e melhor solidariedade, e frente à derrota, a inevitável construçom dumha Palestina livre como única saída.

Da Flotilha ao Boicote. Sexta-feira a partir das 20h30 no Gomes Gaioso.

GALIZA COM PALESTINA. CORUNHA COM PALESTINA.

04-10-2015

  19:07:48, por csggaioso, 143 palavras  
Categorias: Associaçom

Mais três cursos começam esta semana

Outubro 2015

Esta semana começam mais três cursos no Centro Social das Atochas.

Primeiro, amanhá segunda-feira (luns) às 20h30 bota a andar o curso de clarinete polo segundo ano consecutivo. Com o mesmo professor e com ganas de incrementar a participaçom e fazer umha jeitosa coral de vento.

Segundo, será a vez de ukelele, dirigido por Fernando R., quem na quarta-feira (mércores) às 20h30 praticará com quem queira apontar-se este cómodo e manejável instrumento.

Por último, na quinta-feira (xoves) o Pedro Campos, estudante de último curso do conservatório da Corunha, dará aulas de guitarra (quer clássica, quer eléctrica), a partir das 18h30.er desses cursos podes participar escrevendo a gomesgaioso@gmail.com ou passando-te polo Centro Social em horário de abertura a consultar as condiçons, ou diretamente nos horários indicados arriba para provar gratuitamente e sem compromisso.

VENHAM MAIS CURSOS!
ARTE E CULTURA POPULAR NA NOSSA LÍNGUA!

02-10-2015

  22:28:51, por csggaioso, 447 palavras  
Categorias: Associaçom

A festa dos ladrons e exploradores na Corunha

Outubro 2015

O Congreso da Confederación Española de Directivos y Ejecutivos em Palexco em 6 de outubro é um exemplo de turismo de elite e de propaganda e autobombo da grande patronal. Também umha farsa de normalidade num dia em que, enquanto mais de 1.000 diretivos se confabulam contra a maioria social, nós trabalharemos para ir pagando faturas.

Após mais de 8 anos de gravíssima crise capitalista, @s trabalhadores e trabalhadoras da Corunha resistimos o dia a dia com dificuldades e tendo renunciado a direitos e benefícios que faziam menos penosa a nossa existência. A consequência de toda esta catástrofe sistémica, umha equipa de governo pretensamente transformadora alcançou o governo da cidade. A Maré Atlántica e Xulio Ferreiro prometérom governar para 99% e atender o mandado de "modificar o modelo de gestom" da cidade.

Desconhecemos se Carlos Slim, o segundo home mais rico do mundo (portanto o segundo mais ladrom), líder da patronal mexicana da construçom; Pablo Isla, patrom de Inditex; Alierta, de Telefónica; e toda a tropa que os segue som parte desse 99%. Mas Xulio Ferreiro, segunda La Opinión de A Corunha, em palavras sobre o evento, acredita que "a participaçom e a opiniom dos distintos setores, em pé de igualdade, constrói um tecido cidadám plural que tem no benestar o seu principal objetivo".

Menuda trapalhada interclassista! Enquanto o povo da Corunha acumula desafiuzamentos, dívidas, problemas de saúde, colas no INEM ou na ETT, horas da sua vida trabalhando sem cobrar... os nossos colegas "em pé de igualdade" de Telefónica duplicárom no primeiro semestre de 2015 os seus benefícios respeito do mesmo período de 2014 (3.693 milhons de ?). Os colegas do "tecido cidadám plural" de Inditex declarárom no último exercício administrativo mais de 2.500 milhons de ?, aumentando 5%. E o "companheiro do benestar" Carlos Slim tem umha fortuna de 77 mil milhons de dólares. E falamos apenas de dinheiros "declarados"...

Para salientar a contradiçom, queremos lembrar-nos agora da luita d@s trabalhadores/as de Atento na cidade, até 2012 propriedade de Telefónica, e que tem ocasionado um dos mais potentes conflitos laborais na nossa cidade nos últimos anos, com despedimentos massivos que devemos confrontar com os dados económicos da sua companhia matriz.

Nom saber de quê lado se está, confundir arriba com abaixo, ou simplesmente desmentir ou nom perceber a existência de classes sociais e de diferentes interesses é tam perigoso, ou mais, que ser declaradamente partidário da opçom dos poderosos.

Do Centro Social Gomes Gaioso apoiamos todas as medidas de protesto contra esta cita em que os expoliadores do planeta pretendem tomar a nossa cidade por assalto, com a comodidade e o pábulo oferecido polas administraçons públicas, incluida a supostamente rebelde do concelho. Nom som bem-vindos. Som os nossos exploradores. Os nossos inimigos. Som a nossa condena.

28-09-2015

  12:00:10, por csggaioso, 216 palavras  
Categorias: Associaçom

Botam a andar mais cursos esta semana

Nesta semana começam três cursos. Além de pandeireta (avançado), que já botou a andar a semana passada, nesta toca a vez de pandeireta (iniciaçom), de catalám e de teatro.

O curso de catalám começará na terça-feira (martes) às 20 horas. A partir de agora esse será o seu horário todas as semanas, com umha duraçom de 90 minutos.

Teatro começará o dia a seguir, mas com umha prova experimental dirigida a todo o mundo. Umha prova aberta, gratuita e sem compromissos que pretende achegar a tod@s o modelo de aulas com Carme Cotelo. Será também às 20 horas. Este curso nom tem, porém, estabelecido ainda horário definitivo para o resto do curso.

Por último, na quinta-feira começará às 18h30 e até as 20 horas, no mesmo horário que o ano passado, o curso de iniciaçom à pandeireta.

Na mesma quinta-feira haverá as provas de nível de inglês para conformar os grupos. Como em teatro, o horário desta semana (20h no local) é apenas para fazer umha prova gratuita e sem compromissos que permita conhecer o nível das pessoas interessadas para eventualmente conformar grupos.

Já depois em outubro esperamos que comecem muitos mais cursos. Por enquanto, se quigeres participar nalgum dos que começam esta semana, apenas tés de apresentar-te no dia e hora indicados e solicitar informaçom, ou escrever-nos a gomesgaioso@gmail.com

<< 1 ... 4 5 6 7 8 9 10 11 12 13 14 ... 78 >>

Quem Somos?

Esta entidade nasce com a ideia de integrar todas aquelas pessoas que, de forma aberta, se quigerem implicar na dinamizaçom deste espaço, que visa organizar iniciativas alternativas que pulem pola transformaçom da realidade em que nos desenvolvemos. + info

gomesgaioso@gmail.com

Biografia Gomes Gaioso

Ferramentas administrativas

Busca

free blog