Sexta-feira 28 às 20h30 é o momento em que Estaleiro Editora vai apresentar dous livros no nosso centro social.

Outro xeito de ser. Unha introdución ao pensamento de Gianni Vattimo e Da revolta italiana á potencia da multitude. Unha introdución ao pensamento de Toni Negri som os títulos sobre os que se falará no acto.

Para além de achegar-vos ao site web da editorial para conhecer o conjunto das suas publicaçons, podedes topar informaçom sobre os títulos acima citados nas seguintes ligaçons:

http://estaleiroeditora.blogaliza.org/catalogo/outro-xeito-de-ser-unha-introducion-ao-pensamento-de-gianni-vattimo/
http://estaleiroeditora.blogaliza.org/catalogo/da-revolta-italiana-a-potencia-da-multitude/

A festa dos Maios regressa à Corunha trás a sua andaina do ano passado. No Sábado 22, à partir das 17:30 horas, música tradicional e cantares de Maio no Campo de Marte. Por certo, se tens um instrumento tradicional, nom duvides em o trazer para te unires à repichoca.

O grande ideólogo da corrente reintegracionista, além de notável literato e renovador pedagógico Ricardo Carvalho Calero, tem web já impulsionada por vários centros sociais, incluído o nosso. Neste web um pode encontrar dados biográficos, citaçons, material média e informaçom sobre iniciativas reivindicando a sua figura e reclamando a sua rehabilitaçom mediante medidas como dedicar-lhe um Dia das Letras.

Visita já em www.carvalhocalero2010.net

As gentes que povoamos este espaço livre chamado Centro Social Gomes Gaioso apoiamos a manifestaçom que se celebrará em Compostela neste 17 de Maio. Esta convocatória vem marcada polas últimas agressons perpetradas contra a língua galega, principalmente no ensino e na funçom pública, ainda que é evidente que noutros campos de importáncia estratégica nom tam inmediata também assistiremos a episódios de hostilidade descarada. A fim de contas, o que resulta manifesto a todas luzes é que os grupos de pressom galegófobos entenderom a chegada ao poder autonómico do PP como um momento chave para conseguir vitórias importantes que seriam impensáveis há poucos anos.

Ninguém minimamente progressista pode permanecer alheio ao que está a acontecer. Se o governo "neocon" de Feijó consolida as suas medidas contra a língua nacional da Galiza, estarám sentados os cimentos para a liquidaçom do galego. E nom se trata apenas do galego, mas das pessoas que o utilizamos. Nom podemos consentir que se legalice a nossa condiçom já clara a nível extraoficial de súbditos de segunda ordem.

Nesta segunda-feira, acodiremos a Compostela com a esperança de derrotar o delírio fascista e xenófobo do PP, de Galicia Bilingüe, de Rosa Díez e de toda a caterva de ultras e frikies que pretendem arrogar-se o direito de decidir o futuro deste povo, sem sequer conhecer qual é a sua verdadeira vontade. Temos o dever de ganhar e ganharemos.

No sábado 1º de Maio, por volta das 14:30 h, após a manifestaçom da CIG, no nosso centro social terá lugar um jantar de confraternizaçom para as/os nossas/os sócias/os e amigas/os. O dinheiro recadado irá destinado a ajudar economicamente o Centro Social Gomes Gaioso.

Este acto está emarcado dentro da batida de actividades que se realizarám nos vindouros meses dentro e fora do Gomes Gaioso para celebrar o nosso II Aniversário, este será o primeiro deles. Das seguintes actividades teredes notícia proximamente neste blogue.

O jantar custa 10€ e consiste em lacom assado e em salada de massa e vegetal para quem nom comer carne. Ficais convidadas/os a participar.