Neste próximo dia 3, haverá de novo jornada de troca. Vem trocar aqueles objectos dos que te quigeres desfazer, por outros que necessitares.

Na próxima sexta feira, 25 de Fevereiro, a intérprete e professora de guitarra clássica Isabel Rei ofereceráum concerto no que tocará peças tradicionais galegas e também de países de tradiçom celta. Concretamente o programa inclui temas do arquivo de Marcial Valadares, da "Suite Rianjeira" - transcriçom para guitarra de temas tradicionais rianjeiros feita por ela própria - e da "Suite Céltica", com arranjos tanto próprios como do seu mestre David Russell sobre peças irlandesas, bretás ou galesas entre outras.

Isabel Rei nasceu na Estrada no ano 1973 e acabou a sua formaçom de conservatório superior em 1995 na Corunha, da mao do professor António Rocha Álvarez. Continuaria os seus estudos na Hochschüle für Musik "Franz Liszt" de Weimar (Alemanha) recebendo aulas de outros músicos
como David Russell e Thomas Müller-Pering. Dá recitais desde o ano 95 (o mesmo no que acaba os seus estudos no Conservatório Superior da Corunha)e tem no seu currículo estreas de arquivos como o de música medieval da família Valadares, a Suite "Deu - la - deu" do mestre Rudesindo Soutelo ou a Sonata do seu ex-professor no conservatório, António Rocha.

No dia seguinte, 26 de Fevereiro, teremos de novo repichoca no Gaioso. Tod@s aqueles e aquelas que toquedes instrumentos (preferentemente tradicionais) vinde com eles e participade da festa.

Esta semana, os dias 17 e 18 haverá no Centro Social umha palestra sobre a reforma laboral e mais umha mesa-redonda sobre internacionalismo respetivamente. Na palestra sobre a reforma laboral intervirám um membro da CIG e outro da COG. Na mesa-redonda estarám presentes a Brigada Fuco Gomes, o COSAL, Galiza por Palestina e o Movimento Continental Bolivariano. Ambas as duas serám às 20h30.

Os dias 9 e 10 de fevereiro o nosso centro social vai apresentar dous livros novos da Associaçom Galega da Língua. O dia 9 às 21h00 será o Séchu Sende que apresente o seu último livro "Animais". O dia seguinte à mesma hora, o presidente da Comissom Lingüística da AGAL, Carlos Garrido, apresentará "Por um Galego Extenso e Útil. Leituras de Aquém e de Além", este livro é umha coletánea de artigos de membros da CL da AGAL.

Nós também apoiamos a greve geral

Do Centro social Gomes Gaioso também queremos fazer um chamamento ao Povo Trabalhador Galego para apoiar a greve geral que a CIG encetou para esta quinta-feira 27 e que outros sindicatos apoiárom depois.

Apoiamos a greve porque o ataque da burguesia contra as redes populares continua para nom perder a sua taxa de benefício na crise económica, alimentar e energénita que estamos a padecer.

Apoiamos a greve para evitar retrocessos nas conquistas atingidas polas geraçons anteriores à nossa e contribuir a que os direitos colectivos sejam maiores para as geraçons vindouras.

Apoiamos a greve para nom cair na trampa dos sindicatos espanhóis maioritários, que reducem o problema no seu discurso ao das pensons, o problema é mais de fundo e estes sindicatos estám a pactuar por nós o futuro dos nossos direitos, contribuindo a que estes se vejam reduzidos. C.C.O.O e U.G.T estám a negociar, pondo-lhes um preço, os direitoas das trabalhadoras e dos trabalhadores.

Para apoiar que a iniciativa da CIG contribuiu a que no resto do estado a esquerda real também se mobilize nesta jornada, favorecendo umha defesa global ao ataque da burguesia espanhola sobre o conjunto dos povos do Estado espanhol.

Por todo isto

todas e todos à greve geral!
a luita é o único caminho!
por umha Galiza ceive, vermelha e lilás!

Corunha, Janeiro de 2011