Continuam com a falsidade argumentativa de sempre. Dentro dos pressupostos "filosóficos" reintegracionistas atribuem-nos a consideraçom do "galego" como um "dialecto" do "português", para picar o orgulho galego e assim provocar a rejeiçom do reintegracionismo por cometer tal heresia. Os reintegracionistas sempre dixemos, com Joam Vicente Viqueira por exemplo, que o galego é umha forma de português como o andaluz o é do castelhano, e que se notem as diferenças nom implica que sejam "línguas outras". Em todas as línguas, em especial nas muito espalhadas, as diferenças convivem com as semelhanças; a consciência sócio-lingüística dessas diferenças aparece por vezes influída por preconceitos (como a falsa equivalência entre fronteiras políticas e lingüísticas, por exemplo), preconceitos superáveis com informaçom objectiva e cultura base de todas as liberdades.