AUTHOR: agir_briga TITLE: EIS O PROGRAMA DA XIII ESCOLA DE FORMAÇOM! BASENAME: eis-o-programa-da-xiii DATE: Thu, 10 Mar 2016 15:02:00 +0000 STATUS: publish PRIMARY CATEGORY: EF ´16 CATEGORY: Programa TAGS: ----- BODY:

Como já temos avançado, este fim de semana decorrrá mais umha Escola de Formaçom, e já vam 13!. Nesta ocasiom, o ponto geográfico escolhido é Ferrol, cidade histórica e um dos referentes para a classe obreira galega. Aliás, o programa de atividades da Escola vém carregadinho de novidades e, portanto, conteúdos que nom encontramos ao longo das ediçons anteriores.

Como bem sabemos, a Escola define-se polos seus três grandes eixos característicos: a formaçom teórica, o conhecimento da realidade do ponto geográfico escolhido e também o tempo de lazer. E estes pontos continuarám a manter-se intactos nesta nova ediçom:

Para começar, sexta-feira desfrutaremos dumha atividade que tivo bastante sucesso nas últimas anos. Estamos a falar evidentemente do ?Trivial?, organizado por umha companheira que, com certeza, porá as cousas difíceis às participantes com perguntas sobre a história de luita da classe obreira galega. Seja como for, é um momento divertido onde podemos encontrar umha incrível mistura de lazer e formaçom, além de oferecer um espaço agradável e convívio que permite umha maior e grande integraçom entre todas as participantes da Escola.

Já dentro do sábado, de manhá poderemos conhecer mais de perto essa cidade histórica que comentamos anteriormente, através dum roteiro intitulado ?Ferrol Rebelde?, onde teremos a oportunidade de ampliar o nosso conhecimento sobre a história da luita da classe obreira galega, e concretamente ferrolá, através dumha terceira pessoa encarregada de conduzir o ato. À tarde, com a Fundaçom Artábria como espaço elegido, desenvolverá-se a projeçom do documentário ?Fios Fora?, o qual tivo enorme sucesso nos últimos meses e onde se amostra a realidade do setor têxtil galego, com entrevistas e conversas mui clarificadoras de trabalhadoras e patrons. Recomendável, sem dúvida!. Aliás, teremos um pequeno espaço de tempo para o debate e a participaçom das presentes no ato.

Mas tampouco queremos deixar passar sábado sem o tempo de lazer, para o qual organizamos à noitinha um concerto com um grupo local, Eira, na própria Fundaçom Artábria.

E para cobrir o programa de atividades, deixaremos para domingo a palestra que tratará, desta volta e como nom podia ser doutra forma num dos pontos referentes do país, sobre história e intervençom sindical, onde um companheiro nos dará algumhas das chaves para umha prática revolucionário no eido do sindicalismo nacional e de classe.

Sem dúvida, um fim de semana no que o compromisso com a formaçom militante e a camaradagem, serám os protagonistas.

----- -------- AUTHOR: agir_briga TITLE: Chega a XIII ediçom da Escola de Formaçom BASENAME: title-391 DATE: Wed, 02 Mar 2016 21:22:00 +0000 STATUS: publish PRIMARY CATEGORY: EF ´16 CATEGORY: Programa TAGS: ----- BODY:

Mais um ano acolhemos umha nova ediçom da Escola de Formaçom, e já é a décimo terceira desde que em 2004 a organizaçom estudantil AGIR punha em andamento este encontro formativo dirigido por e para a juventude rebelde galega. Desta volta, no contexto do ilusionante processo de unidade do estudantado da esquerda independentista e nacionalista galega que o vindouro 5 de março deverá culminar com a criaçom dumha nova entidade estudantil, BRIGA convoca esta jornada em solitário, após anos desenvolvendo-a junto as companheiras/os de AGIR.

Ante um panorama caraterizado pola fragmentaçom e debilitado estado geral do Movimento Juvenil Galego, falarmos de 13 ediçons consecutivas dum espaço de formaçom, trabalho e convivência auto-organizado pola juventude independentista galega, nom é tam doado como pode semelhar.

A constante perseguiçom e criminalizaçom da esquerda independentista galega acentua a crise na que nos últimos anos se vê sumido o Movimento de Libertaçom Nacional Galego, e nom é umha tarefa simples para as e os jovens organizados em BRIGA continuar a manter acesso o facho da luita por umha Galiza livre, vermelha e lilás.

Porém, nom esperávamos caminhos doados nem que os nossos objetivos tam frontalmente opostos a quem detenta o poder, nos vinhessem dados. E é justamente por isso polo que somos conscientes das enormes eivas e dificuldades que padece a esquerda independentista e da necessidade de formar-nos para saber melhorar a nossa intervençom política, dotar-nos de ferramentas úteis que nos permitam avançar e somar mais moças e moços à fermosa luita pola liberdade.

Em 2016, após a dissoluçom da nossa organizaçom política referencial, Nós-UP, há menos de um ano, e num contexto de alarmante agudizaçom da repressom contra a esquerda independentista, BRIGA anuncia com orgulho esta XIII ediçom da Escola de Formaçom que decorrerá em Ferrol o fim de semana do 11, 12 e 13 de março.

Construindo consciência de classe? é a legenda escolhida para um encontro que, aproveitando a proximidade no calendário de duas datas tam significativas como som o 8 março, Dia da Mulher Trabalhadora, e 10 de março, Dia da Classe Obreira Galega, se centrará no estudo e análise da específica opressom das mulheres obreiras galegas e da luita sindical na Galiza.

Nos vindouros dias iremos concretizando as atividades deste ano, que como novidade, contará com umha parte aberta a pessoas de todas as idades, e que será anunciada proximamente.

Avante a Escola de Formaçom! Avante a juventude da esquerda independentista!

----- -------- AUTHOR: agir_briga TITLE: XII Ediçom da EdF: SOMOS SEMENTE DE VENCER BASENAME: xii-edicom-da-edf-somos-semente-de-vencer DATE: Tue, 03 Mar 2015 23:34:06 +0000 STATUS: publish PRIMARY CATEGORY: EF '15 CATEGORY: TAGS: ----- BODY:

edf15

No final de mês decorrerá a Escola de Formaçom, como todos os anos desde que em 2004 AGIR começasse a organizá-la. Desde aquela, e ininterrompidamente ao longo de doze ediçons, as organizaçons estudantil e juvenil AGIR e BRIGA levamos a cabo este encontro anual em primavera.
A deste ano será a número doze, sim. E como nas anteriores, haverá momentos para o convívio, para o debate, e para a socializaçom do nosso projeto político independentista, socialista e feminista. Sob a legenda ?Somos semente de vencer? a jornada dará começo a sexta-feira dia 27 e finalizará 48 horas depois, domingo 29.
Nesta ocasiom, aproveitando os 40 anos após o assassinato do jovem nacionalista e comunista, Moncho Reboiras, será a sua figura como militante corajoso, disciplinado e rebelde a que inspire os conteúdos formativos deste encontro. Longe de pretendermos dedicar a Escola de Formaçom à aproximaçom da vida e luita de Reboiras, amplamente estudada noutros espaços, sim pretendemos reconhecer e preservar os referentes mais válidos da história da luita do nosso povo, aqueles que encarnárom os valores e atitudes revolucionárias que hoje tanto necessitamos desenvolver e otimizar adaptando-as à realidade dos nossos dias.
O conteúdo manterá pois, o espírito que protagonizou até agora esta Escola para a gente nova do nosso movimento político: charlas-debate, roteiro pola contorna, jogos formativos, e tempo para o lazer.
Toda a militáncia e colaboradores/as das nossas entidades estamos chamad@s a tomar parte deste evento, assim como pessoas convidadas.
ADIANTE A ESCOLA DE FORMAÇOM!

----- -------- AUTHOR: agir_briga TITLE: Somos escola de revoluçom galega BASENAME: cronica-14 DATE: Thu, 17 Apr 2014 10:14:41 +0000 STATUS: publish PRIMARY CATEGORY: EF '14 CATEGORY: Crónica TAGS: ----- BODY:

A XI Escola de Formaçom decorreu com completa normalidade entre a jornada de sexta-feira e domingo passados. A militáncia juvenil de BRIGA mais a estudantil de AGIR juntamo-nos por undêcimo ano consecutivo, desta volta na paróquia viguesa de Candeám, onde um tempo veranego nos acolheu durante toda a estáncia. O Grupo de Base de Vigo, o organizador deste evento, cumpriu com o seu labor desenvolvendo com totais garantias e planificaçom o conjunto de atividades da jornada.

AGIR e BRIGA temos vários agradecimentos que fazer, antes de mais. Nomeadamente às pessoas que do Centro Social Lume! se preocupárom com que tivêssemos umha ceia estupenda num local perfeitamente acondicionado para juntar-nos a todas e todos. A ceia que nos dérom cumpriu as expetativas, e o serviço foi realmente proveitoso.

Nom menos agradecimentos devemos a KaveGZ, cantor de rap galego que nos dedicou com o seu habitual entusiasmo e expressividade um recital de música combativa, de rua, cantada desde a experiência de luita e dedicada à continuidade desta.

Com certeza, também queremos agradecer à associaçom de vizinh@s de Candeám a cessom do seu local para o nosso acomodamento.

E por último, à equipa do Alakrám Vermelho do Porrinho. Um coletivo organizado à volta do desporto de contato que está a socializar no nosso país, aos poucos, a prática sá e consciente de modalidades desportivas que enriquecem o nosso desenvolvimento como jovens com umha cabeça, e também com um corpo, que cultivar e saber utilizar para o nosso próprio bem e satisfaçom.

Jornada de recebimento

Como sempre, sexta-feira transcorreu com a progressiva chegada de companheir@s de distintos pontos do País até Vigo. Quem antes, quem depois, foi chegando até juntarmo-nos todas as pessoas aguardadas para essa noite a escuitar o discurso de boas-vindas do companheiro Óscar, responsável de BRIGA na cidade mais grande do país.

Com as suas palavras de acolhida demos passagem a uns petiscos preparados pola militáncia, que finalizou com a realizaçom dum jogo por equipas de habilidade e agilidade mental. Afinal, sem esperá-lo, adentramo-nos em plena madrugada à volta deste jogo de mesa, para finalmente ir passar a noite nom sem antes ter começado a conhecer nov@s companheir@s e a reencontrar-nos com antig@s.

Sábado: roteiro e formaçom

Os seis quilómetros do roteiro das Mámoas, com direcçom circular e finalizaçom na Madroa, onde jantamos, decorrêrom durante umha manhá que começava a ameaçar umha suorenta calor. Como em todas as ediçons anteriores, o passeio serviu para conhecermos um novo espaço do nosso meio natural. Esse mesmo meio que nos proporciona a riqueza da que somos donos e cujo aproveitamento responsável deve ser inescusável objetivo revolucionário. Um país rico como poucos nom pode permanecer impassível ante a sistemática destruiçom, sobreexploraçom e/ou desuso do seu próprio território, esbanjando as imensas potencialidades económicas que oferece e que som o sustento material do nosso desenvolvimento produtivo.

Durante o jantar, e mesmo durante o percurso, pudemos falar sobre a história dos jazigos arqueológicos (as mámoas neste caso), algo ocultos, testemunhas dum passado nom tam remoto. Testemunhas funerárias dumhas tribos prerrománicas esquecidas na mitologia da história espanholista e fruto de variadas e contrapostas interpretaçons ainda por desenvolver.

Ao regresso ao local, acondicionamos o mesmo para receber o Carlos Morais, membro da Direçom Nacional de NÓS-Unidade Popular e secretário geral de Primeira Linha. Este veterano militante patriota e comunista assistiu carregado de argumentos para colocar sobre a mesa várias ideias chave que devem ser discutidas, argumentadas, expostas e defendidas, para compreendermos porquê umha militante da esquerda socialista ou comunista na Galiza nom pode ser senom independentista. A interligaçom das luitas nacionais, sociais e de gênero, fôrom expostas sob esta interpretaçom unificadora e com um potencial de intervençom de horizontes muito mais avançados que as conhecidas teimas espanholistas, essencialistas, identitaristas, ou confussas práticas e estratégias misturadoras pretensamente novidosas.

Pouco a seguir interveu Carlos Garcia Seoane, durante anos Responsável Nacional da nossa organizaçom e que pola primeira vez participava desta escola apenas como ponente dumha das suas palestras. E nom foi pouca participaçom. Carlos soubo erguer dúvidas, picar o coraçom dalguns dos interrogantes mais ocultos pola ideologia dominante e pola descarada falta de formaçom teórica que reiteradamente propomos subsanar. Formaçom que tanto trabalho requer, e por isso tam frutífera e avançada pode chegar a ser. Dumha óptica claramente marxista, dialética e materialista, Carlos guiou-nos por um roteiro de pensamento inçado de entraves que superar com o exercício do pensamento racional, para achegar-se ao dia a dia da praxe militante, só compreensível e explicável à volta dum esforço inteletual brilhante e exaustivo.

Para rematar... os sábados sempre acabam com algo de festa! Já dentro da área urbana de Vigo, e do nosso Centro Social de referência na mesma, o Lume!, pudemos gozar dumha ceia deliciosa, o concerto de que já falamos, e mais e mais debate, diálogo e camaradagem.

Domingo: dia de folga?

Muitos domingos aproveitamos para folgar algo. Mas nom foi o caso. A equipa do Alakrám Vermelho do vizinho concelho do Porrinho, e a militáncia independentista figemos um coquetel explosivo de entretenimento, sacrifício, e muita muita liçom que levar para a casa: o papel do desporto e da preparaçom física nas nossas vidas. Nom apenas como pessoas preocupadas com a saúde e o cuidado dumha das dúas ferramentas de trabalho que temos: o corpo. Mas também como conhecedores/as da importáncia que tem umha boa disposiçom física para um melhor equilíbrio e para um combate ao que @s revolucionári@s nom podemos prescindir, e no qual o corpo, para bem ou para mal, joga um importante papel.

A introduçom ao grappling, graças a entre outros o camarada e campeom nacional Pichel, sob a direçom do caro Jano, tem introduzido após onze anos umha novidade nas Escolas de Formaçom, como antes o figera por exemplo a gincana na Estrada. A suor foi muita. O sacrifício também. Aproximadamente 4 horas de tempo. E muitas liçons recolhidas deste exemplar projeto de base que é a escola do Alakrám Vermelho. Também, muito entretenimento, técnicas e exercícios físicos aprendidos. Umha experiência inapagável que formará parte do nosso calendário individual e coletivo.

Após o intenso seminário prático voltamos a Candeám para jantar, recolher e limpar o local, nom sem antes recebermos o discurso de despedida por parte da companheira Antia, de AGIR, que transmitiu a importáncia de jornadas formativas e de convivência para a militáncia juvenil revolucionária e os seus desejos de que venha mais umha ediçom da Escola de Formaçom.

AVANTE A UNIDADE JUVENIL DO MOVIMENTO DE LIBERTAÇOM NACIONAL!
AVANTE A ESCOLA DE FORMAÇOM!
ORGANIZA-TE, DEFENDE-TE E LUITA!

----- -------- AUTHOR: agir_briga TITLE: Programa da Escola de Formaçom '14 BASENAME: horario-14 DATE: Sun, 06 Apr 2014 22:06:14 +0000 STATUS: publish PRIMARY CATEGORY: EF '14 CATEGORY: Programa TAGS: ----- BODY:

Dentro duns dias estaremos na comarca de Vigo reunid@s na Escola de Formaçom 2014. Militantes, colaboradores/as e simpatizantes de AGIR e BRIGA preparam já as suas mochilas para o fim-de-semana de encontro que aí vem.

Como poderedes comprovar, o horário e as atividades previstas seguem o patrom das últimas ediçons, combinando diversos formatos de formaçom e convívio.

Fazemos público este horário de atividades da undêcima ediçom:

Horário Escola de Formaçom AGIR-BRIGA

Somos escola da revoluçom galega

Vigo, 2014

Sexta-feira, 11 de abril

21.00: chegada e instalaçom

21.30: Bem-vinda a cargo dum/ha militante de BRIGA

21.45: ceia

22.30: atividade

Sábado, 12 de abril

9.30: diana

10.00: almorço

10.45-12.15: primeira palestra

12.30-13.30: apresentaçom material de Xerfas ediçons

14.00 ? 16.00: jantar

16.00-18.00: segunda palestra

18.00: roteiro

20.00: duches e higiene pessoal

21.30: ceia

23.00: concerto

Domingo, 13 de abril

10.00: diana

10.30: almorço

11.15 ? 13.30: seminário

14.00: jantar

15.00: valorizaçom da Escola e despedida a cargo dum ou dumha companheira de AGIR

16.00: recolhida de cousas e saída

----- -------- AUTHOR: agir_briga TITLE: E venha mais umha: XI ediçom da Escola de Formaçom BASENAME: e-venha-mais-umha-xi-edicom-da-escola-de-formacom DATE: Sun, 30 Mar 2014 20:31:43 +0000 STATUS: publish PRIMARY CATEGORY: EF '14 CATEGORY: TAGS: ----- BODY:

AGIR e BRIGA coorganizamos a que será undêcima Escola de Formaçom da juventude da esquerda independentista. Começárom já os preparativos do evento central de encontro e formaçom do ano político. Mais umha vez deslocaremo-nos ao sul do país. Lá, a militáncia revolucionária do estudantado e da juventude trabalhadora do Movimento de Libertaçom Nacional Galego reuniremo-nos ao longo de três dias e dúas noites.

O motivo das palestras deste ano será o aperfeiçoamento da nossa ferramenta de teoria revolucionária, o debate à volta da nossa proposta política tática e estratégica em base à nossa identidade ideológica marxista revolucionária, independentista, feminista e juvenil.

Sobre o eixo deste denso formato, procuraremos deixar o lugar que se merecem o lazer, o convívio, o conhecimento da contorna natural do território, e outras atividades paralelas para dinamizar o mais e melhor possível essas 48 horas de proveitoso encontro.

Jovens do norte e do sul, recém chegad@s e militantes mais veteran@s, tod@s teremos a oportunidade de participar nesta XI ediçom da Escola de Formaçom, aberta também para colaboradores/as e @s simpatizantes mais próxim@s.

Como nas ediçons anteriores, o Blogue da Escola de Formaçom, acessível clicando aqui, volverá a estar ativo desde agora até a ediçom da Escola informando dos preparativos, e posteriormente para narrar a crónica da mesma.

ORGANIZA-TE, PARTICIPA, DEFENDE-TE E LUITA!

----- COMMENT: AUTHOR: agirbriga [Membro] DATE: Tue, 01 Apr 2014 09:27:53 +0000 URL:

Podedes escrever para nacional@briga-galiza.org, briga.galiza@gmail.com ou comunica.briga@gmail.com

----- COMMENT: AUTHOR: Electra [Visitante] DATE: Mon, 31 Mar 2014 22:05:54 +0000 URL:

E onde é que podemos apontar-nos para participar?

----- -------- AUTHOR: agir_briga TITLE: Crónica da X Escola de Formaçom. A Guarda 2013. BASENAME: cronica-da-x-escola-de-formacom-a-guarda-2013 DATE: Tue, 26 Mar 2013 00:39:30 +0000 STATUS: publish PRIMARY CATEGORY: EF '13 CATEGORY: Crónica TAGS: ----- BODY:

Passou deixando pegada a décima ediçom da Escola de Formaçom. Como em anteriores ocasions, o convívio e a camaradagem fôrom a tónica dominante. Conseguimos assim, mais um ano, envolver vári@s jovens pertencentes às organizaçons BRIGA e AGIR num saudável ambiente que reinou ao longo de 48 horas com grande concentraçom de atividades.

O clima instável estivo presente. Porém, praticamente nom interferiu no desenvolvimento das atividades, cessando as chuvas mais intensas durante as realizadas ao ár livre na comarca sul-ocidental do Baixo Minho.

Todo começaria ao longo da tarde de sexta-feira, durante a qual fôrom chegando jovens de todo o país e incorporando-se ao albergue do concelho da Guarda. Um bingo musical serviria para amenizar o início do encontro, logrando facilitar depressa o divertimento em grupo.

Sábado foi como habitualmente, o dia mais agitado. Era dever erguer-se cedo para abrir a manhá a um fabuloso roteiro de várias horas baixo um céu cambiante. Desta volta, as visitas começárom polo histórico castro de Santa Trega, na elevada cimeira à beira mesmo do mar. Umha professora da escola pública local fixo as tarefas de guia, proporcionando-nos um conhecimento para além do meramente espetacular do visual. Nom faltou umha visita ao museu do castro, onde se encontra algumhas das peças achadas no lugar do jazigo das tribos castrexas, e datadas em há aproximadamente 2.000 anos.

Mais tempo requeriu o seguinte episódio de excursiom, realizada polo roteiro dos moinhos do Folom e do Picom. Umha autêntica joia da natureza nacional, com achegas realizadas por umha companheira sobre a arquitetura e a história destas singulares edificaçons em cadeia construidas nas abas de pronunciadíssimas pendentes no concelho do Rosal. As imagens que achegaremos desde o blogue da Escola de Formaçom chegarám para compreender a enorme compensaçom de ter escolhido esta paragem que movimentou a economia minhota desde há três sêculos aproveitando os recursos hídricos do lugar.

As afortunadas temáticas das palestras que decorreriam de tarde no Centro Social O Fuscalho da Guarda servírom para complementar o dia com a necessária dose de debate, colóquio e formativas intervençons realizadas pola companheira de NÓS-Unidade Popular Noa Rios e do secretário geral de Primeira Linha Carlos Morais. A primeira, achegando-se do significado do marxismo no feminismo moderno, e o segundo, achegando-se da atual conjuntura política da esquerda nacional. Ambas intervençons, denotadamente políticas e didáticas, fomentárom nas horas seguintes e de seguro nos próximos meses as achegas da gente mais nova da nossa esquerda independentista.

A tarde completaria-se com o evidente acento pedagógico aportado por EsCULca, o Observatório para a Defesa dos Direitos e Liberdades. Graças a avondosa documentaçom, e também à experiência no campo do direito e do acompanhamento legal e material das ferramentas de repressom do Estado ao longo de anos, Fernando Blanco explicou-nos com linguagem desenfadada um guia sobre aspetos elementares referidos à denominada "seguridade cidadá". As referências legais e jurisprudenciais, além da constante briga com as autoridades policial e judicial espanholas permitírom contextualizar a introduçom do que "se permite", e do que "acontece" quando luitamos pola prevalência do nosso projeto político num estado policial que nom duvida em utilizar as suas normas, ou ignorá-las segundo convenha ao fim de manter a dissidência política dizimada.

Nom faltou com certeza a foliada noturna. Domingo já seria momento para recuperar umha modalidade de entretenimento, a gincana, baseada no contato com a natureza e a utilizaçom dos conhecimentos mais básicos sobre a nossa identidade para combinar jogo, desporto, convívio e cultura geral e umha pisca de sacrifício físico.

Remataríamos com as leituras em quente do fim-de-semana gozado; das suas valorosas improntas sobre a nossa cultura militante de trabalho em equipa. De aprendizagem dialética. E de lazer integrador.

----- -------- AUTHOR: agir_briga TITLE: Dez anos formando-nos BASENAME: dez-anos-formando-nos DATE: Mon, 25 Mar 2013 10:33:08 +0000 STATUS: publish PRIMARY CATEGORY: EF '13 CATEGORY: Programa TAGS: ----- BODY:

Já começamos a chegar ao destino que este ano tem no sul do país o ponto de encontro para a militáncia de BRIGA e AGIR.

Como indica o cabeçalho desta nova, com a ediçom que começa hoje farám-se dez consecutivas desde que no já distante 2004 começasse a experiência inédita de organizar jornadas de convívio e formaçom por e para a juventude independentista galega, coincidindo sempre com o primeiro fim de semana das férias de primavera.

Cervo, Salvaterra de Minho, Narom, Oleiros, Poio, A Estrada, Pontedeume, Noia e Teu vírom até agora como nos movíamos de norte a sul do país para, em todos os casos, desenvolver um programa intenso para um fim de semana que deixa na memória do nosso modesto e novo movimento político umha impronta de capacidade autoorganizativa juvenil.

Esta vez a Escola de Formaçom nom será monotemática, como tampouco o foi em boa parte das anteriores citas. As palestras da tarde do sábado tratarám, para começar, sobre um grande desafio para o pensamento marxista mais avançado: a compenetraçom e sinergias geradas polo feminismo na consciência, na obra, e na praxe socialista.

Mas nem só. A candente atualidade. Os incessantes movimentos políticos que, ao compasso das convulsas transformaçons sociais que esperamos viver e potenciar para já, se produzem no seio da esquerda nacional. Quais som as linhas principais de mudança e transformaçom. Que nos oferece o presente e que nos depara o futuro imediato. Som questons que devemos debater abertamente na militáncia dia após dia.

Também contaremos com umha palestra antirepressiva de eminente caráter didático, para conhecer as ferramentas repressivas do estado espanhol e qual o seu sustento jurídico e translaçom à realidade quotidiana da perseguiçom da dissidência política.

E isto nom será todo.
E nom será dum dia para outro que deixemos à beira estes interessantes assuntos formativos. Com a sua introduçom nesta Escola queremos sementar debate e gerar interesses, interrogantes, alternativas, ideias e projetos que irám florescendo nos próximos meses na mente e nas maos de todas e todos os que trabalhamos desde a juventude da esquerda independentista.

----- -------- AUTHOR: agir_briga TITLE: Ultimam-se preparativos para atividades deste ano BASENAME: ultimam-se-preparativos-para-atividades-deste-ano DATE: Mon, 25 Mar 2013 10:30:57 +0000 STATUS: publish PRIMARY CATEGORY: EF '13 CATEGORY: Programa TAGS: ----- BODY:

A primavera já deu entrado. E a décima ediçom da Escola de Formaçom achega-se para este próximo fim-de-semana. Já faltam apenas uns dias, e as organizaçons BRIGA e AGIR daremos por começado o primeiro evento em conjunto feito por e dirigido a toda a militáncia juvenil do MLNG.

A partir de sexta-feira iremo-nos achegando ao ponto de destino cargad@s de ilusiom por reencontrar-nos com velh@s e nov@s companheir@s, algum material pessoal, e ganas de aproveitar os dous dias por diante ao máximo.

Sábado começará cedo com toque de diana para erguer todo o mundo e começar o dia com fôlegos. Falta nos vam fazer nesta manhá que se prevê de climatologia instável como todas as férias de primavera deste ano. Porque o roteiro, sim, o passeio pola natureza autóctone com as botas sobre solo húmido espera-nos! E nom vai ser qualquer roteiro. Incluirá descriçons dos lugares visitados, da sua história, e do seu estado de conservaçom atual.

Após o jantar, haverá umha longa tarde para a tradicional cita mais propriamente formativa: as palestras que decorrerám incentivando o debate e a troca de opinions e impresions, tam necessárias nesta época de silenciamento por imposiçom e educaçom na passividade.

A noite será o momento mais lúdico com tempo para o espareximento e mais distraçom para o conhecimento mútuo e individual.

Já domingo, a cousa nom se acaba. Umha gincana bem organizada é um dos prazeres que por experiência sabemos nos pode proporcionar a Escola de Formaçom: desporto em equipa, perguntas sem resposta, sá rivalidade, ...

A primeira hora da tarde valorizaremos o decurso desta nova ediçom. E colocaremos os alicerces para a cita do ano que vem.

----- -------- AUTHOR: agir_briga TITLE: Chega a décima ediçom da Escola BASENAME: chega-a-decima-edicom-da-escola DATE: Mon, 25 Mar 2013 10:28:24 +0000 STATUS: publish PRIMARY CATEGORY: EF '13 CATEGORY: Programa TAGS: ----- BODY:

Trata-se da décima ediçom dumha Escola de Formaçom. As entidades estudantil e juvenil AGIR e BRIGA convocamo-la polo décimo ano consecutivo, como de costume, no primeiro fim de semana das férias escolares de primavera.

Ao longo deste ano fomos transitando por diversas atividades, problemas, campanhas e açons que serám temas interessantes para abordar conjuntamente entre a militáncia e as pessoas mais achegadas de ambas organizaçons.

E nem só. Ao longo de 48 horas teremos tempo para as anedotas e o trato pessoal mais quotidiano.

Este ano a Escola chega carregada de atividades, começando sexta-feira com um concurso e rematando domingo com a tradicional assembleia de valorizaçom.

Ao longo destes dias iremos aumentando a informaçom sobre esta cita anual da juventude da esquerda independentista.

----- -------- AUTHOR: agir_briga TITLE: Crónica da Escola de Formaçom '12 BASENAME: title-470 DATE: Wed, 04 Apr 2012 14:31:19 +0000 STATUS: publish PRIMARY CATEGORY: EF '12 CATEGORY: Crónica TAGS: ----- BODY:

O texto que redigimos a seguir é umha crónica da nona Escola de Formaçom, a de 2012, convocada conjuntamente pola entidade estudantil AGIR e a juvenil BRIGA no concelho compostelano de Teu os dias 30, 31 de março e 1 de abril.

Ao longo destas três jornadas, numerosas lembranças fôrom gravadas a prova de fraternidade rebelde na memória dos e das participantes, únic@s responsáveis do seu êxito e da continuidade e melhora futura da sua convocatória.

A Escola de Formaçom é um espaço de convívio e formaçom inédito dentro da esquerda independentista galega que representa um dos fachos mais genuinos da autoorganizaçom juvenil que o nosso movimento político promove desde há anos na procura dumha geraçom nova e libertária que a Galiza, a classe obreira e as mulheres necessitamos.

SEXTA-FEIRA 30 MARÇO

Fomos chegando progressivamente à paróquia teense de Calo. Jovens vind@s de diversas localidades do país asentamo-nos e começamos o primeiro dos três dias de encontro, inaugurando novas relaçons pessoais e estabelecendo contato sobre o diálogo e a conversa.

O companheiro Carlos Garcia fai umha saudaçom informal quando o grosso d@s participantes chegamos. Incide na importáncia que a camaradagem tem neste encontro, cousa que acreditaríamos dous dias depois quando, à hora de despedir-nos, temos bem presentes as imediatas e escasas 48 horas em que temos afiançado laços de carinho e confiança mútua. O entretenimento e o debate esperam-nos.

SÁBADO 31 MARÇO

Erguemo-nos mais um dia de sol incesante. Nuvens altas permitirám que o sol de manhá seja menos incisivo durante o percurso do roteiro realizado dentro da cidade de Compostela. Um jovem militante do popular centro social compostelano da Gentalha do Pichel, Marcos Pena, é a nossa guia desde as enchoupadas branhas anexas às instalaçons desportivas do Sar até as secas e urbanizadas margens do bairro de Pontepedrinha.

Como sempre corresponde nestas ocasions, e nom só por mero cumprimento, queremos agradecer a gratuita aceitaçom do coletivo para oferecer-nos um passeio que da sua comissom de Meio Natural tenhem bem conhecido. Umha exemplificante demonstraçom dos danos ocasionados polo urbanismo irracional do capitalismo e a predadora cosmovisom edificadora que enriquece o capital das construtoras, condena a gestom dos partidos políticos administradores dos interesses capitalistas, e aniquila a biodiversidade ameaçando a harmonia vital do ser humano com o contorno natural, ocasionando graves transtornos para a populaçom menos defendida com anegamentos, cortes de subministro ou contaminaçom.

Após um jantar de recuperaçom, reativamo-nos para atender e discutir com os ponentes das duas intensas palestras preparadas para este ano. A primeira, do jovem militante estudantil José Miguel Ramos. A segunda, do veterano militante comunista Carlos Morais.

Introduzindo-nos em matéria desde o sêculo XIX, J. Miguel sintetizou no tempo que tinha a história cubana contemporánea, colocando com objetividade histórica um debate mais necessário do que nunca: futuro da principal revoluçom socialista do continente, as suas eivas e a sua identidade. Umha questom que nom deixa indiferente a nossa filiaçom e simpatizantes, internacionalistas conseqüentes que soerguemos a mirada polo planeta inteiro para contemplar a realidade doutros povos em luita.

E posteriormente, umha outra focagem atravesando os sêculos mais recentes para propormo-nos umha interessante e inacabável reflexiom sobre as origens, a contextualizaçom e as alternativas do multicor socialismo americano. Carlos Morais compartiu durante várias horas com nós interrogantes, incógnitas e curiosidades, anedotas e acontecimentos passados ou em curso. Houvo que mirar a hora para dar-nos conta de que a tardinha de troca de ideias tinha que chegar ao seu fim. A involucraçom do pessoal na discussom e a troca de ideias fôrom magníficas.

Mas o sábado nom rematava aí. Entre a ceia num local próximo e a volta a cama, houvo várias horas de divertidíssimos momentos para falar, e falar, e falar...

DOMINGO 1 DE ABRIL

Para o derradeiro dia escolhemos projetarmos um documentário de plena atualidade que entroncava à perfeiçom na orientaçom formativa de olharmos ao continente americano para analisar o seu presente. ?A doutrina do shock?, em versom original legendada em português, foi visionada pola primeira vez para a maioria. Isto deu pé à reiteraçom num longo e participativo debate que entre tod@s mantivemos espontaneamente encadeando as nossas ideias, as faladas o dia anterior e as sugeridas polo documentário para volver sobre o tema central desta escola: a América insurgente.

Comemos. Falamos. Limpamos.

Trabalhamos e levamos adiante umha clausura em condiçons desta ediçom da Escola de Formaçom. Entre todas e todos, a finalizaçom estava à vista. Nom sem antes juntarmo-nos de novo para realizar a tradicional assembleia valorizativa que se encerraria com umha breve despedida a cargo de AGIR.

Despedimo-nos. Marchamos. Pensamos. Lembramos o vivido nestas horas em que a lembrança ainda permanece acesa, dando luz aos 12 meses que temos enfrente para percorrer mais fortes e unid@s o caminho de luita que nos espera até 2013.

Até entom, que o semeado entre nós floresça!

----- -------- AUTHOR: agir_briga TITLE: Guardia Civil irrompe polo quarto ano consecutivo na Escola BASENAME: guardia-civil-irrompe-polo-quarto-ano-consecutivo-na-escola DATE: Mon, 02 Apr 2012 22:54:20 +0000 STATUS: publish PRIMARY CATEGORY: EF '12 CATEGORY: Crónica TAGS: ----- BODY:

Os corpos repressivos do Estado volvêrom interromper polo quarto ano consecutivo o transcurso da Escola de Formaçom organizada conjuntamente por BRIGA e AGIR. Quando na manhá do sábado vários veículos com as e os jovens participantes se dirigia a Compostela desde o vizinho concelho de Teu, até três carros da Guardia Civil com membros do corpo ordenárom a detençom dos carros à margem da estrada para identificar todas as pessoas que iam dentro deles.

A Guardia Civil pretende é somentes atualizar o seus ficheiros alegais de jovens rebeldes. Para isso, nom repara em gastos utilizando ilegitimamente os recursos policiais do estado sufragados por tod@s em fins claramente arbitrários e raianos na própria legalidade burguesa, sob a ridícula escusa dum ?controlo de seguridade cidadá? em plena estrada.

Este tipo de condutas demonstram mais umha vez que sobra polícia, sobra guardia civil, e sobram efetivos mantidos a costa do povo trabalhador. Se os funcionários policiais nom tenhem outra cousa de que ocupar-se, que se invistam os fundos públicos em melhores causas e se dediquem a produzir em benefício da sociedade.

AGIR e BRIGA somos duas organizaçons que convocamos as nossas atividades publicamente, e continuaremos a fazê-lo apesar das improdutivas tentativas por amedrontar-nos.

GUARDIA CIVIL, CORPO REPRESSOR,
FORA DA GALIZA!!

----- -------- AUTHOR: agir_briga TITLE: Oferecemos horários da Escola de Formaçom '12 BASENAME: oferecemos-horarios-da-escola-de-formacom-12 DATE: Mon, 26 Mar 2012 18:48:11 +0000 STATUS: publish PRIMARY CATEGORY: Programa CATEGORY: EF '12 TAGS: ----- BODY:

AGIR e BRIGA já tenhem artelhado o conjunto de atividades de que constará o programa desta nona ediçom da Escola de Formaçom. Reproduzimo-lo a seguir:

Sexta-feira, 30 de março

21.00: Chegada e instalaçom

21.30: Bem-vinda a cargo dum/ha militante do Grupo de Base de Compostela de BRIGA

21.45: Ceia com petiscos

22.30: Galeoke

Sábado, 31 de março

9.30: Diana

10.00: Almorço

10.45-14.00: Roteiro polas Branhas do Sar guiado por membros da Gentalha do Pichel

14.00: Jantar

16.00: Início das palestras

- 16.00-17.15: A Revoluçom Cubana, exemplo de rebeldia juvenil
José Miguel Ramos exporá a importante participaçom da juventude rebelde no processo revolucionário cubano com exemplos concretos dos e das jovens implicadas nele, assim como o próprio contexto em que se desenvolveu a tomada do poder comandada por Fidel Castro e o Che.

- 17.15-17.45: Recesso

- 17.45-19.15: A insurgência latinoamericana hoje
Carlos Morais realizará umha caraterizaçom dos principais movimentos insurgentes e anti-imperialistas que há atualmente no espaço geográfico latinoamericano, a história da sua gestaçom e o seu agir revolucionário.

20.00: Duches e higiene pessoal

21.30: Ceia

23.00: Foliada e festa

Domingo, 1 de abril

10.00: Diana

10.30: Almorço

11.30: Projeçom de documentário e debate sobre causas e conseqüências da crise capitalista

14.00: Jantar

15.00: Valorizaçom da EF e despedida a cargo dum ou dumha companheira de AGIR

16.00: Recolhida de cousas e saída

----- -------- AUTHOR: agir_briga TITLE: Escola de Formaçom '12 decorrerá em Teu BASENAME: escola-de-formacom-12-decorrera-em-teu DATE: Tue, 20 Mar 2012 21:22:29 +0000 STATUS: publish PRIMARY CATEGORY: EF '12 CATEGORY: Programa TAGS: ----- BODY:

Começa a andar umha nova ediçom da Escola de Formaçom que como cada ano organizam de maneira conjunta AGIR e BRIGA. E já som nove ediçons desde que AGIR organizara em solitário a primeira em 2004 no norte da Galiza, em Cervo, percorrendo posteriormente outros pontos da nossa geografia em companha de BRIGA, passando por Salvaterra de Minho, Narom, Oleiros, Poio, Estrada, Pontedeume e Noia.

Nestas férias de primavera de 2012 chegaremos ao concelho de Teu, na comarca de Compostela, para aproveitarmos umhas jornadas em que combinaremos formaçom política e ideológica com lezer e confraternizaçom entre a juventude rebelde trabalhadora e estudantil da esquerda independentista.

O principal objetivo da Escola de Formaçom deste ano gira arredor da necessidade que tem a juventude revolucionária na Galiza de hoje de recuperar referentes juvenis rebeldes, do passado e do presente, para conhecermos os erros e acertos cometidos nos processos de luita social e política nos quais a juventude foi, e segue a ser, parte ativa.

Como nom podia ser doutra maneira na conjuntura atual, desde Teu devemos botar umha olhadela à outra margem do oceano Atlántico, a Latinoamérica, onde encontraremos esses referentes que sem dúvida algumha podemos considerar a vanguarda do movimento da humanidade para a construçom da sociedade socialista no século XXI.

As luitas estudantis sustentadas durante vários meses com firme vontade e determinaçom pola juventude chilena, a luita da juventude colombiana que tem que enfrentar com todas as conseqüências o Estado narco-terrorista e pró-ianque até tapando o rosto para estender o seu discurso libertador nas universidades do país, ou a implicaçom da juventude rebelde nos processos de construçom do socialismo venezuelano ou cubano, nom aparecem de forma isolada na Latinoamérica de hoje senom que formam parte dum longo processo de confrontaçom social onde a luita pola independência nacional, a construçom de projetos coletivos anti-imperialistas -a Pátria Grande de Bolívar, por exemplo- e a emancipaçom social som constantes que se mantenhem no tempo graças a novas geraçons de combatentes que recolhem o facho de luita.

Conhecermos, pois, exemplos de luita das mais díspares latitudes que enriquecem a nossa visom sobre a realidade opressiva e exploradora que temos ante nós, para assim desenvolvermos umha praxe transformadora própria no nosso país. Pensar globalmente e atuar localmente, eis a orientaçom fundamental desta Escola de Formaçom.

30, 31 de março e 1 de abril a juventude rebelde, militante ou simpatizante de BRIGA e AGIR, tem umha cita inescusável em Teu. Vemo-nos!

----- -------- AUTHOR: agir_briga TITLE: Desde Noia... Crónica da Escola de Formaçom 2011 BASENAME: desde-noia-cronica-da-escola-de-formacom-2011 DATE: Tue, 19 Apr 2011 12:00:07 +0000 STATUS: publish PRIMARY CATEGORY: EF '11 CATEGORY: Crónica TAGS: ----- BODY:

Com muita intensidade vivemos as perto de 48 horas em grupo decorridas este passado fim de semana no concelho de Noia. A militáncia de AGIR e BRIGA assistente à Escola de Formaçom 2011 regressou cansa, como nom, mas satisfeita do trabalho que mais um ano nos tem permitido desenvolver esta iniciativa única no espaço do independentismo juvenil.



Três dias de sol e ceus azúis, de muitas horas de luz nestas férias de primavera que chegárom tarde este ano. O lugar, a paróquia da Barquinha, um espaço fermoso e acolhedor, tranquilo e apropriado para a juntança nacional de cada ano. Próximos ao lugar de descanso estavam o resto de pontos que visitamos para levar a cabo todas as actividades previstas. Agradecemos antes de mais todas as pessoas que, desde fora das nossas organizaçons, facilitárom e figérom possível o convívio nesta localidade.


Sexta-feira.

Dia de chegada e reencontro entre algumhas pessoas. Jornada para a preparaçom do espaço durante a manhá e parte da tarde. Umha breve saudaçom em nome da Comissom organizadora por parte dumha companheira de AGIR. E grande novidade até esta ediçom nas Escolas de Formaçom: o Trivial Galego organizado por um grupo de companheir@s . Muitas perguntas com respostas conhecidas, difíceis ou controvertidas, tempo para as risas e para activar as neuronas decatando-nos que fica ainda muito por saber de cousas mais ou menos próximas à nossa realidade. Temáticas variadas e agilidade no jogo. Equipas de parelhas. Correcçom das perguntas e debates típicos ou ocorrentes. Passou-se o tempo e nem nos demos conta. Um merecido aplauso à ábritra e árbitro, e proclamaçom do par vencedor. O ano que vem haverá revancha?



A foliada nem deu começado. Acordamos à 01.30 da manhá com a cabeça dando voltas àquelas perguntas que mais nos chamaram a atençom, e a música ficou a um lado para sorte da vizinança mais achegada, numha noite silenciosa na aldeia da Barquinha em que antes e depois do jogo sobre conhecimentos pudemos estar comodamente sentad@s e falando sem frio à beira do caminho em que se acedia ao soto da associaçom Pedra da Loureira.

Sábado

Chegam os raios de sol abrindo-se passo desde o Atlântico à comarca de Muros-Noia. Erguemo-nos com o almorço preparado por um par de companheiros e comemos tranquilamente. Por diante, umha espléndida manhá veraniega em que nos ocultamos um pouco do sol baixo a flora do roteiro polas beiras do Tambre. As trampas para as lampreias, a poça das ras, as fervenças e o surco marcado polo rio nas rochas, umha inclinaçom espectacular das abas a ambas beiras, a vegetaçom em flor. Com as imagens que anexamos poderá-se apreciar em diferido parte do percurso escolhido para esta ocasiom.



Mais de duas horas longas de movimento em colunas atravessando mais umha paragem da Galiza ocidental, dentro dos concelhos de Serra de Outes e Noia. O jantar decorreu numhas instalaçons de descanso situadas num ponto intermédio do caminho, junto à central hidroeléctrica que explora os recursos fluviais naturais da zona.



Recém acabada a comida, marchamos de regresso e decorrem as palestras e obradoiros desta ediçom. Grande ilustraçom elementar das categorias marxistas no presente achegada polo trabalhador e companheiro viguês da Unidade Popular Alberte Moço. Deu pé a numerosas intervençons, conversas e debates dentro e fora do tempo de intervençom do ponente.



Também nos falou com grande espírito pedagógico e concentraçom de conceitos outro jovem surenho. Com Manuel introduzimo-nos no mundo da segurança informática. Liçons importantes sobre um mundo em que estamos tod@s metid@s mas nom controlamos como deveriamos. Liçons, enfim, que haverá que continuar a tratar sem dúvidas com mais tempo e recursos.



E de sul a norte, o trasanquês Carlos expujo num obradoiro prático o interessante mundo do stencil. Um programa de intervençom nas nossas ruas para transladar a mensagem da juventude acalada pola dominaçom mediática. Com melhores e mais fórmulas de projecçom, a qualidade da nossa presença em vilas e cidades aumentará o seu efeito chamada contra a passividade e o atordimento e monopólio da publicidade quotidiana.



Nom demoramos em marchar cara a vila. Noia ofereceu-nos um serám e noitinha numha vila a pé de praia. Chegamos quando ainda brilhava o sol, e marchamos várias horas depois no que foi a primeira saída nocturna na zona para a maioria, após um concerto boicotado à metade da sua duraçom polas ameaças policiais, que escusárom a obriga de paralisarmos a música polo ruído. Comando Robalisa deu trégua por força maior, mas continua na comarca do Barbança ensaiando próximas actuaçons em diferentes eventos musicais, oxalá que mais pronto que tarde também com nós em melhores condiçons e sem polícia por meio. Malia o inicial descontentamento pola paralisaçom da música ao vivo, reagimos com ganas de aproveitar a pouca noite que tínhamos por diante antes de regressar ao local. Umha volta por Noia e a dormir.



Domingo

Erguemo-nos algo mais tarde que o dia anterior, com o propósito de descansar algo mais os corpos após umha noite de troula. Mas erguemo-nos com ganas de continuar activ@s.

Caminhamos cara a pista desportiva da aldeia e ocupamo-la um domingo de manhá para dar-lhe vida. Nela introduzimos jogos populares galegos, cuja explicaçom vinha contida no caderno especialmente editado para esta cita: o brilé, a chave, o turra-soga, a bilharda. O sol já nom caía tam forte graças a umha ligeira camada de nuvens altas, e permanecemos mais de duas horas aprendendo alguns detalhes dos jogos e praticando-os em equipas que acabariam a competiçom decidindo o triunfo num desigual desempate turrando da soga.

Antes de jantar por última vez, quigemos praticar o aprendido o dia anterior no seminário de stencils. Onde? Que melhor lugar que umha imensa parede caleada ao efeito, a poucos metros da ria, que ficou algo irregular como podedes apreciar na imagem. Mas, em definito, estávamos ensaiando...

Umha manhá intensa, como em geral a Escola toda. Jantar e, combatendo com o sono para permanecer em pé a digestiom, avaliamos o funcionamento e decurso desta ediçom em assembleia para posteriormente encerrar com umha pequena alocuçom de despedida a cargo de BRIGA.

Até 2012

E assim em 2011, como nos 7 anos anteriores, a juventude trabalhadora e estudante do Movimento de Libertaçom Nacional Galego continuamos afortalando laços e tecendo história juntos e juntas. Criando memória positiva que afiançará a coesom nas jornadas de luita que o presente e o futuro nos estám a demandar.

Construindo um futuro nosso que necessariamente exige tombar o presente. A Escola de Formaçom fecha portas até 2012, um ano inteiro por diante para que as nossas organizaçons BRIGA e AGIR continuem de maos dadas a oferecer umha alternativa organizada à juventude galega independentista, socialista, e feminista.

----- -------- AUTHOR: agir_briga TITLE: Aí vem a Escola de Formaçom 2011 BASENAME: ai-vem-a-escola-de-formacom-2011 DATE: Sun, 10 Apr 2011 23:42:41 +0000 STATUS: publish PRIMARY CATEGORY: EF '11 CATEGORY: TAGS: ----- BODY:

Já falta menos dumha semana para congregar a juventude da esquerda independentista convocada polas entidades estudantil AGIR e juvenil BRIGA na Escola de Formaçom 2011.

Após fazer público o horário de actividades no anterior post, fazemos este último chamamento à participaçom de todas e todos quem podam assistir. Temos 3 dias por diante para falar do presente e futuro da nossa luita, e dos objectivos imediatos que a juventude rebelde galega deve assumir para coesionar as suas estruturas organizativas.

O fim-de-semana prévio às férias de primavera é sempre um bom momento para passar uns dias com boas companhias e esperanças compartidas. Oxalá o bom tempo também nos acompanhe!

Com a formaçom e o encontro construiremos os mecanismos para tombar o presente, para construir o futuro.

----- -------- AUTHOR: agir_briga TITLE: Escola de Formaçom 2011. Horários. BASENAME: escola-de-formacom-2011-horarios DATE: Wed, 06 Apr 2011 11:02:57 +0000 STATUS: publish PRIMARY CATEGORY: EF '11 CATEGORY: Programa TAGS: ----- BODY:

De novo escrevemos no blogue da Escola de Formaçom. A Comissom criada polas entidades convocantes, AGIR e BRIGA, quer fazer público agora o horário de actividades para este ano.

Animamos-vos a tomar parte em futuros eventos como este organizando a juventude rebelde nas vossas cidades, vilas e comarcas. Em citas nacionais como a da Escola de Formaçom encontramo-nos procedentes de diversos pontos do País.

SEXTA-FEIRA

18,30 horas: Início da chegada e instalaçom.
19,30 horas: Jogo do Trívial galego.
22 horas: Acto inaugural de bem-vinda a cargo dum/ha companheir@ de AGIR.
22,30 horas: Ceia com petiscos
Posteriormente desfrutaremos dumha foliada com música ao vivo!

SÁBADO

9,00 horas: Almorço.
10,30 horas: Roteiro (duraçom aprox. 2/3 horas)
14 horas: Jantar
16 horas: Início das palestras e obradoiros
20,30 horas: Ducha
21,30 horas: Ceia
00.00 ? 03.00 horas: Concerto e festa nocturna

DOMINGO

10,00 horas: Almorço.
11,00 horas: Jogos populares
13,30 horas: Mural
15,00 horas: Jantar
16,30 horas: Assembleia valorativa da EF '11
17,30 horas: Despedida a cargo dum/ha companheir@ de Briga

----- -------- AUTHOR: agir_briga TITLE: Volve a Escola de Formaçom! BASENAME: title-378 DATE: Sat, 02 Apr 2011 19:47:18 +0000 STATUS: publish PRIMARY CATEGORY: EF '11 CATEGORY: TAGS: ----- BODY:

Os preparativos para a Escola de Formaçom 2011 começárom lá vai um bom tempo. As organizaçons convocantes deste evento, AGIR e BRIGA, dispugemos o pessoal e os recursos necessários para que estas semanas tivessem lugar os trabalhos oportunos para chegarmos a este mês com o programa de actividades listo.

A Escola de Formaçom é um encontro juvenil consolidado ao longo de mais de 7 anos de desenho e esforços, que se tem saldado com 7 citas consecutivas desde o ano 2004, e que alcança 2011 com plena utilidade para o convívio e a formaçom entre jovens vinculad@s à esquerda independentista, de prática e pensamento emancipador.

Agora que a Escola de Formaçom forma parte da pequena história do nosso Movimento de Libertaçom Nacional, e particularmente das suas organizaçons estudantil e juvenil, agora que dúzias de anedotas, de histórias e de conhecimentos circulárom no nosso pequeno universo de acçom e pensamento, as e os herdeir@s das pessoas que começárom com esta iniciativa recolhemos o testemunho seguindo o exemplo: passar um fim-de-semana divertido, de camaradagem e conhecimento mútuo, com várias e distintas actividades de lazer e aprendizagem.

Ainda nom podemos revelar-vos muitas das linhas que marcarám esta ediçom, mas sim podemos convidar-vos a conhecer mais de perto a autoorganizaçom juvenil polo País adiante para construir umha Galiza independente, socialista e antipatriarcal.

Em breves continuaremos informando. Desde já, damos por inaugurado o blogue da Escola neste ano 2011!

www.agir-galiza.org
nacional@agir-galiza.org

www.briga-galiza.org
nacional@briga-galiza.org

----- -------- AUTHOR: agir_briga TITLE: Imagens do roteiro da Escola de Formaçom 2010 BASENAME: imagens-do-roteiro-da-escola-de-formacom-2010 DATE: Tue, 30 Mar 2010 17:59:50 +0000 STATUS: publish PRIMARY CATEGORY: EF '10 CATEGORY: Arquivo gráfico TAGS: ----- BODY:

Após um primeiro anexo de imagens da Escola de Formaçom, oferecemos a seguir este segundo dedicado expressamente ao roteiro.

Agradecemos de novo o nosso guia, membro da Sociedade Galega de História Natural, que se moveu polo lugar como se estivesse na casa e agradeceu poder mostrar-nos este lugar do País para conhecermo-lo melhor.

Bacia do rio afectada no seu caudal polos aproveitamentos hidráulicos de Unión Fenosa

Panorámica do abrente nas fragas

"Fugindo" monte arriba

Colunas de jovens independentistas

Cruçando umha das pontes

A "Pena dos Maquis"

Escuitando Manolo, o nosso guia

O leito do rio Eume

----- -------- AUTHOR: agir_briga TITLE: Anexos de imagens EF2010 BASENAME: title-272 DATE: Tue, 30 Mar 2010 15:06:34 +0000 STATUS: publish PRIMARY CATEGORY: EF '10 CATEGORY: Arquivo gráfico TAGS: ----- BODY:

Subimos a seguir mais imagens da Escola, como complemento à crónica anterior:

Vista desde a casa. Ao fundo, concelho de Cabanas

Imagens da ceia no Local do Centro Social mais veterano: a Fundaçom Artábria! Comida para nom esquecer

Mesa de material

A GC fazendo o seu trabalho: incordiar para encher os seus ficheiros

----- -------- AUTHOR: agir_briga TITLE: Decorreu Escola de Formaçom 2010. Crónica. BASENAME: decorreu-escola-de-formacom-2010-cronica DATE: Mon, 29 Mar 2010 20:16:19 +0000 STATUS: publish PRIMARY CATEGORY: EF '10 CATEGORY: Crónica CATEGORY: Arquivo gráfico TAGS: ----- BODY:

AGIR e BRIGA organizárom pola sétima ocasiom a Escola de Formaçom, finalizada este Domingo ao longo da tarde no concelho eumês de Pontedeume. Como a primeira vez, em 2004, um nutrido grupo de jovens preparárom e desenvolvêrom um intenso fim-de-semana de convivência e actividade formativa e lúdica.

A Escola de Formaçom 2010 deu continuidade a um evento inusual dentro da esquerda independentista galega, organizado por e para moços e moças, e que vai de ano em ano constituindo-se como ferramenta útil e aperfeiçoada de coesom interna entre pessoas militantes de diversas comarcas do País, com distintos graus e formas de experiência e milhares de matizes que aportar para a obra colectiva dumha Galiza livre, vermelha e lilás.

SEXTA-FEIRA

Como noutras citas, a tarde e noite toda fôrom cenário da progressiva chegada de companheir@s que atopárom no Centro Social Ocupado A Casa da Estaçom um lugar cómodo, acessível, e autogestionado por jovens da comarca nortenha. Os e as companheiras do Eume dérom prova do seu sacrifício para levar adiante nas melhores condiçons possíveis este Centro, permitindo um fácil acomodo de tod@s malia as dificuldades que envolve ao tratar-se dum prédio abandonado.

A música ao vivo, incorporada com instrumentos tradicionais e cánticos vários, procedeu a umha ceia de petiscos e o discurso de boas-vindas que ofereceu o Aarom, companheiro da comarca. Referindo-se às históricas luitas irmandinhas havidas nas redondezas, e como nom à ilusiom pola oportunidade deste encontro nacional para conhecermos aquele lugar.

Sem permitirmos que demorasse muito a jornada de recebimento, procuramos deitar-nos cedo para estar prestes na hora de saír à manhá seguinte de roteiro, de acordo com o calendário de actividades previsto para este ano.

SÁBADO

Manhá

A manhá do sábado foi umha fortuna: ceus quase totalmente despejados e umha temperatura morna agradável, figérom possível um roteiro polas fragas do Eume inesquecível. Um bosque atlántico autóctone, conservado malia a sede insaciável de Union Fenosa, que gere no lugar umha central produtiva tremendamente impactante para a natureza do lugar. Um espaço com umha virginidade assombrosa na maioria da extensom das fragas.

O roteiro começou bem cedo à manhá, acompanhados dum guia que se ganhou a admiraçom, os aplausos e o carinho de tod@s graças a um esforço e um amor imenso pola natureza que nos transmitiu ao longo de três horas caminhando por estreitos sendeiros e terra lamacenta polas chuvas dos dias prévios. Vimos a Pedra dos Maquis, o leito do rio Eume, a flora imortal legada desde a época dos dinossauros, os tubos metálicos utilizados na 2ª Grande Guerra polos nazis, a infinita massa arvórea do terreno, os motivos e as conseqüências da exploraçom dos recursos hidráulicos por parte do grande capital, a desembocadura do Rio da Laje, os restos de cinças das "foias", etcétera...

Dentro do horário previsto, e em companhia dum guia que nos regalou umhas fermosas e emotivas palavras como sobre-mesa, jantamos recolhidos no ár puro que nos acompanhou toda a manhá, justo antes de que as nuvens volvessem cobrir os ceus e nos tivessem dado portanto umha trégua no melhor momento.

Tarde

Após encher o bandulho para calmar as ganas de comer que nos deixou o percurso polas fragas, arrumamos o lugar para receber na Casa da Estaçom as ponências dos convidados à sessom vespertina de palestras. Esta começou com a intervençom de dous militantes do sindicalismo nacional e de classe, dous trabalhadores com anos de preparaçom no campo da intervençom política de massas orientada especificamente à defesa desde a CIG comarcal de Trasancos dos interesses de classe do Povo Trabalhador Galego. Dumha óptica revolucionária, Rodolfo e Óscar transmitírom-nos o sentido que fai como comunistas patriotas o sindicalismo, a dialéctica entre as demandas economicistas e a política operária abrangente, e outros aspectos analisados ponto por ponto e com a introduçom histórica ao actual panorama sindical nacional, as origens históricas do sindicalismo de classe com destaque para o que se tem gestado nos últimos cem anos dentro das estruturas do Estado. O porquê de intervir como jovens e desde a junvetude dentro dos sindicatos conseqüentes, e o protagonismo da juventude nas luitas obreiras mais recentes e outras mais distantes, também fôrom motivo de análise e de pedra de toque para chamar-nos a continuar o bom exemplo da corrente da esquerda independentista dentro da CIG.



A seguir fôrom dous companheiros, membros da Mesa Nacional de BRIGA e da Direcçom Nacional de AGIR, Carlos e José respectivamente, quem elaborárom a grandes traços e ajudados por diapositivas e anos de experiência e formaçom, a significaçom da nossa corrente e das nossas estruturas orgánicas juvenis dentro do cenário da esquerda independentista. Saber quem somos, donde vimos, e decidir onde queremos ir. Saber quem nos acompanha nesta viagem cara a independência, o socialismo e o antipatriarcado e como podemos compenetrar-nos. E estudar o desenvolvimento desde começos do sêculo passado de toda a família nacional e de esquerdas. Som questons fulcrais para funcionar e agir como entidades coesas, com um projecto definido que sirva de acreditaçom para a honestidade na luita diária, com nós e com o resto.



Por último, Maurício Castro, professor da EOI de Ferrol, histórico militante comunista galego, amigo de BRIGA e AGIR e colaborador assíduo nas nossas actividades, volveu dar umha liçom, rápida mas pedagógica e compreensível, da situaçom da língua. A ubicaçom temporária e espacial do conflito espanhol-galego no mundo, através doutros exemplos de conflito lingüístico e de noços básicas de sociolingüística e de do binómio política - língua. Como funciona a língua respeito do poder e vice-versa, e como se influem mutuamente as relaçons na sociedade e o papel que joga nesta a língua. Mais umha vez, reintegracionismo sim, e porque sim, fôrom respondidas com eloqüência polo ferrolám.



A todos eles agradecemos o seu esforço por permitir que, mais umha ediçom, a Esola de Formaçom engada ao calendário de actividades formativas e de estudo que incentivamos polo País todo durante o ano todo, mais e mais exposiçom dos assuntos que mais nos interessam e concernem no activismo político.

Noite

Em marcha caminho de Ferrol após tomar umhas duches, em 20 minutos chegamos e instalamo-nos no Local da Fundaçom Artábria, preparado como sempre para receber a visita de dezenas de pessoas.



Um serviço fantástico, conformado pola gente da histórica Fundaçom, ofereceu umha ceia riquíssima que foi digerida com o pincha-discos Heitor, sempre disposto a amenizar-nos as noites quando lho pedimos. O transcurso das horas nom nos moveu de local, que abandonamos para acabar direitamente no Centro Social Ocupado.

DOMINGO

Manhá

Erguendo-nos algo mais tarde por mor da mudança imposta essa noite polo horário oficial de Primavera, fomos rematando as reservas de comida nesta última manhá na Casa da Estaçom.

Finalmente partiriamos para praticar os jogos populares, cousa que se viu interrompida polo segundo controlo consecutivo, em dous dias, colocado pola Guardia Civil sob ordens políticas de identificar todas as pessoas participantes no encontro. Nom só nom o conseguírom por incompetentes, senom que procedêrom a deter umha das pessoas, que se ocupou durante toda a Escola de Formaçom de tirar fotos da mesma e, também, de fazê-lo quando vários veículos eram parados em pleno centro de Pontedeume para testemunhar graficamente a perseguiçom das instituiçons do Estado da dissidência juvenil.

Esse motivo, tirar fotos, foi escusa para proceder à detençom por parte dum dos agentes, decorrida sem mais incidentes devido à calma com que se comportou o conjunto dos e das jovens, que nom quigérom dar o espectáculo que a Guardia Civil pretendia com este excesso imprudente por parte dum dos uniformados.

Cancelados os jogos polo imprevisto, estes fôrom substituídos por um passeio polas redondezas dos concelhos de Pontedeume e Cabanas baixo um céu que aguentou a chuva adentro. A seguir, todos e todas acabamos falando tranquilamente na Casa Ocupada até ao meio-dia ser ceivado o companheiro.

Foi pois um momento para a formaçom antirepressiva, decorrido com a leitura do patético atestado policial de denúncia, onde se relatam uns acontecimentos tam distantes da realidade, que junt@s pudemos observar com incredulidade, raiva e nom sem certo humor, polo facto de ter estado todo o grupo presente no lugar e o momento dos feitos. De todo se aprende e esta circunstáncia nom foi desaproveitada.

Tarde

Após um novo e derradeiro jantar, reuniu-se em pleno a assembleia de valorizaçom da Escola, com críticas, autocríticas, repasso de erros e acertos e compromissos de melhora para a próxima ediçom, que será oitava, em 2011. A assembleia mostrou ser mui útil para compartir ideias em quente, antes de marcharmos cara aos nossos destinos.

Já por último e antes de deixar a casa limpa como estava, fijo-se umha alocuçom de despedida a cargo desta volta do Iago, membro de AGIR, que encerrava assim o que BRIGA abrira com umha semelhante dous dias antes.

De maos dadas, BRIGA e AGIR avançamos. Estendemos a nossa intervençom, o nosso campo de acçom, e ratificamos os nossos objectivos concretando detalhes ano trás ano. Somos capazes de fazê-lo porque nom perdemos momento para ver-nos, para falarmos e para formar-nos. E assim o continuaremos a fazer ao longo do ano, até umha nova Escola para que os novos rostos e os nom tam novos de ambas organizaçons apertem mais os laços de geraçom em geraçom.

----- -------- AUTHOR: agir_briga TITLE: Este fim-de-semana, Escola de Formaçom 2010 !! BASENAME: este-fim-de-semana-escola-de-formacom-2010 DATE: Tue, 23 Mar 2010 00:24:31 +0000 STATUS: publish PRIMARY CATEGORY: EF '10 CATEGORY: TAGS: ----- BODY:


A Escola de Formaçom 2010 achega-se do seu início. Em poucas jornadas, dezenas de jovens da esquerda independentista reuniremo-nos sob o trabalho em comum e a convivência formativa para gozar de 3 dias de Primavera.

Esta cita, que se repete pola sétima ediçom ininterrompidamente, foi e está a ser um motivo para o trabalho, e será umha alavanca para a coesom do Movimento de Libertaçom Nacional Galego.

A todas e todos @s que ides participar, adiante com a formaçom, o conhecimento do meio e a diversom. A quem nom podedes, garantimos-vos umha crónica que fará com que o ano próximo nom vos queirades perder esta cita.

Em próximos dias iremos pois actualizando com informaçons sobre o decurso deste Escola de Formaçom 2010.

----- -------- AUTHOR: agir_briga TITLE: Horário da Escola de Formaçom 2010 BASENAME: horario-da-escola-de-formacom-2010 DATE: Wed, 03 Mar 2010 22:40:37 +0000 STATUS: publish PRIMARY CATEGORY: EF '10 CATEGORY: Programa TAGS: ----- BODY:

Os preparativos que levamos avante as organizaçons AGIR e BRIGA para organizar a Escola de Formaçom 2010 avançam com jeito.
Nesta altura podemos oferecer no portal na rede especificamente criado para a difussom destas jornadas, o horário de actividades previstas para esta, os vindouros dias 26, 27 e 28 do presente mês.

Sexta-feira 26:

- 17 horas: Chegada e instalaçom.
- 20 horas: Acto inaugural de bem-vinda a cargo d@ Responsável do Grupo de Base de BRIGA.
- 21 horas: Ceia.
Ao longo da tardinha e noite desfrutaremos de música tradicional ao vivo!

Sábado 27:

- 9,00 horas: Almorço.
- 10,30 horas: Roteiro guiado (duraçom aprox. 2/3 horas)
- 14 horas: Jantar
- 16 horas: Início das palestras:

1. Juventude e sindicalismo
2. O nosso projecto juvenil e estudantil
3. A necessidade do monolingüismo reintegracionista

- 21,00 horas: Ceia
- 00.00 horas: Pinchada e troula!!

Domingo 28:

- 9,30 horas: Almorço.
- 10,30 horas: Gincana (conhecimento do meio e provas) / Jogos populares
- 14,30 horas: Jantar
- 16 horas: Assembleia de valorizaçom da EF '10
- 17 horas: Despedida a cargo dum/ha companheir@ de AGIR

----- -------- AUTHOR: agir_briga TITLE: Começam preparativos da Escola de Formaçom 2010 BASENAME: comecam-preparativos-da-escola-de-formacom-2010 DATE: Sun, 14 Feb 2010 02:29:44 +0000 STATUS: publish PRIMARY CATEGORY: EF '10 CATEGORY: TAGS: ----- BODY:

Já estamos às portas dumha nova Escola de Formaçom. A sétima desde que AGIR começara a organizar este encontro anual de jovens activistas e amig@s da esquerda independentista, que tivo em distintos pontos do País o seu marco de participaçom. Este ano 2010, com a crise do capitalismo petando às portas do nosso Povo Trabalhador Galego, as organizaçons estudantil e juvenil do Movimento de Libertaçom Nacional volvemos coincidir no objectivo de fomentar mais e mais formaçom, mais e mais conhecimento de quem somos, onde é que luitamos, e como incidir nos nossos objectivos estratégicos para continuar a passar a bandeira vermelha, lilás e da Pátria a novos e novas agentes que desejamos contribuir a umha sociedade melhor, mais justa.

O blogue da Escola de Formaçom actualizará-se proximamente com toda a informaçom relativa aos eventos que este ano decorrerám no fim de semana que compreende os dias 26, 27 e 28 de Março. Durante o tempo que resta, pouco mais dum mês, informaremos a juventude estudante e trabalhadora de todo quanto tenha a ver com o decurso da Escola de Formaçom '10.

Este primeiro comunicado serve para anunciar que as engrenagens se estám a lubricar para que podamos fazer desta cita anual um novo marco de formaçom e experiência, para reunir num mesmo lugar as perspectivas de autoorganizaçom que dezenas de jovens polo País adiante estamos a experimentar e encetar.

Como na primeira cita, o espírito conserva-se: procuraremos oferecer a todas as pessoas que estejades interessadas umha proposta de Escola singular no nosso País. Um experimento juvenil de emancipaçom e suficiência para testar a Galiza que queremos.

Lembramos a todas as pessoas interessadas que desde já podedes obter mais informaçom escrevendo para os correios nacional@briga-galiza.org ou nacional@agir-galiza.org

Organiza-te e luita!

----- -------- AUTHOR: agir_briga TITLE: Crónica da Escola de Formaçom´09 BASENAME: cronica-da-escola-de-formacoma09 DATE: Tue, 07 Apr 2009 15:04:32 +0000 STATUS: publish PRIMARY CATEGORY: EF '09 CATEGORY: Crónica TAGS: ----- BODY:

Regressamos da Estrada. Dezenas de militantes, colaboradores/as e amig@s das organizaçons independentistas BRIGA e AGIR, volvemos a estar nas nossas comarcas de origem após um fim-de-semana de convívio e formaçom. Na Estrada, comarca de Taveirós, @s companheir@s da zona ofertárom-nos um fantástico programa de actividades variadas e colectivas. Por sexto ano consecutivo, com o compromisso d@s organizadoras/es e a disposiçom de tod@s , desenvolveu-se a Escola de Formaçom '09 na paróquia de Guimarei. Estivemos acampad@s a carom da histórica torre de Guimarei atacada polas revoltas labregas irmandinhas e em estado deplorável e propriedade privada que impede a sua visita.

Sexta-feira de preparaçons e chegadas
Ao longo da sexta-feira, um grupinho de companheir@s fôrom acondicionando o terreno para facilitar à mocidade de todo o País a sua chegada a esta comarca interior do País. O clima acompanharia até o dia seguinte, permitindo que se celebrasse umha churrascada numha noite que remataria recolhendo-nos arredor de duas lumeiras, gaitas e cunchas, cánticos, conversas e como nom, chouriços e cachelos.

Sábado de cans, caminhada e formaçom
A manhá despertou coberta de nuvens que deixárom as veigas enchoupadas durante o resto de fim-de-semana. Assim foi que decidimos mudar os horários e colocar as palestras de manhá e deixar o roteiro para a tarde.


Xane e José começárom falando-nos de conceitos políticos típicos para os usarmos com propriedade. Fomentando a intervençom e o debate entre diferentes perspectivas fruto de diferentes leituras e conhecimentos, a palestra alongou-se até deixar passagem à de Rute e Iago. Quando nos falavam de assemblearismo, de ferramentas de intevençom básicas para desenvolver trabalho político juvenil, vinhérom do céu, como a chuva, 7 exemplares do fracasso educacional na Galiza. Vestidos em fato verde de pés a cabeça, tranpostados em 3 carros da Guardia Civil espanhola, o mesmo corpo que manchou de sangue a Galiza dos anos 30 pretendeu turvar o decurso normal da nossa Escola. Conseguírom, sim, interromper-nos durante 90 minutos. E conseguírom, também, aportar a esta Escola de '09 um exemplo prático de repressom do Estado espanhol e das forças de ocupaçom. Requerindo-nos a identificaçom íntegra das pessoas presentes, lembrárom-nos que a livre circulaçom é tam falsa como o direito à reuniom ou à pluralidade política. Aprofundaremos neste acto de perseguiçom a cargo da delegaçom do governo espanhol num outro comunicado...


Dáni e Jacobe prosseguiriam informando-nos sobre como previr, precisamente, a intervençom da repressom na nossa vida, privada e pública, como militantes da esquerda independentista. Com eles pudemos conhecer exemplos práticos que incentivar entre nós, e fazer certa a possibilidade de empecer o entremetimento alheio nas nossas vidas, quer o ilegal, quer o permitido pola legislaçom.

Mais tarde, Heitor falou-nos do reintegracionismo, destacando aspectos elementares de gramática e de sociolingüística, apoiando-se numha extensa bibliografia que nos recomendou, e em numerosos exemplos e algumha técnica para lembrar as regras básicas da escrita.

A caminhada decorreu de tarde, quando abriu o céu. Deslocando-nos até o limite entre os concelhos de Silheda e Vilar de Cruzes, andamos polas Fraga dos Frades, entre o mosteiro do Carvoeiro e a Fervença do Rio Toja, por onde afortunadamente se conserva muita flora autóctone. Um pequeno díptico sobre o percurso informava @s participantes das espécies que pudemos ver na zona. Em várias paradas, o grupo de Taveirós dava conta da cultura e história do lugar, assim como do atentado ambiental do AVE na zona; efeito que pudemos contemplar em primeira pessoa.

Foi um tempo magnífico para o exercício e o contacto com a natureza, ao longo de pendentes acusadas e um simulacro de escalada na margem da fervença. Mais um ponto da Galiza que conhecemos sobre o terreno graças às Escolas de Formaçom.


A noite remataria no próprio centro urbano da Estrada, de troula após umha ceia num local acolhedor com gaiteirada incluida com um grupo do lugar.

Domingo innovador
A proposta para finalizar foi umha gincana. Desde as 11 da manhá o concelho da Estrada foi um tráfego de jovens cargad@s de ganas para superar as provas localizadas seguindo as pistas dum mapa. Horas de caminhada ininterrompida e de galopadas intensivas que nos deixariam desfeit@s durante umhas horas, baixo um sol incansável e um jantar esperando-nos de volta ao ponto de acampada. A seguir, a já consolidada assembleia de valorizaçom para sublinhar em quente o melhor e o pior; o que conservar para o 2010 e o que retirar ou recuperar.


Com as imagens que acompanham esta notícia queremos mostrar graficamente a beleza da autoorganizaçom, e os lugares físicos e simbólicos que construem o nosso projecto emancipador. Esperemos que sejam motivo de lembranças para alguns/mhas, e de exemplo e incentivo para muit@s mais. Luitando fazemos possível a utopia. A por ela.

Organiza-te e luita com a juventude independentista e revolucionária!

----- -------- AUTHOR: agir_briga TITLE: Escola de Formaçom´09: Luitando fazemos possível a utopia BASENAME: escola-de-formacoma09-luitando-fazemos-p DATE: Wed, 25 Mar 2009 15:31:37 +0000 STATUS: publish PRIMARY CATEGORY: EF '09 CATEGORY: TAGS: ----- BODY:

Mais um ano organizamos a Escola de Formaçom, a juntaça mais nova da esquerda independentista galega, para compartilhar três dias de encontro que ficarám na memória colectiva do independentismo galego como mais um chanço avante na enorme escaleira que nos conduz a um futuro gerido, como dizia a legenda da Escola de Formaçom '08, polas e polos que luitam.

Um futuro em que jornadas como as destes dias terám um papel fulcral para sabermos como enfrentar as necessidades de organizaçom para combater os poderosos do presente, e construir Poder Popular desde as idades mais temperás.


O divertimento, o entretenimento e a fraternidade som o substrato essencial da formaçom. Umha formaçom que nom é tediosa nem alienante.
Umha militáncia afeita à luita, ao combate e à necessidade de intervir socialmente em diferentes planos e terrenos sabe da importáncia de tecer laços honestos de amizade e sentimentos de camaradagem que abonam o futuro imediato do nosso projecto.

Porque a luita nos une num caminho que percorremos junt@s, um caminho que só se pode percorrer de maos dadas e fortemente unid@s para luitar contra inimigos muito mais fortes. A humanidade, a essência do novo homem e a nova mulher da que falava o Che, a irmandade que nom se pode entender num sistema de exploraçom entre iguais, é o cimento da uniom que nos fai fortes. Eis o sentido da Escola de Formaçom.
AGIR e BRIGA somos herdeiras dessa utopia possível, dessa utopia necessária sem a qual o mundo nom tem saída. Dessa utopia que se representa na certeza em que a mocidade galega estará com a juventude de todo o mundo caminhando por transcender um presente de pesadelos de fumo, sangue e morte.
Demasiada merda para quem sonhamos com mudar a realidade e alcançar o socialismo, um mundo novo onde os sonhos só poderám ser, de novo, sonhos, e nom maquilhagens ao presente.

----- -------- AUTHOR: agir_briga TITLE: Programa da EF´09 BASENAME: programa-da-efa09 DATE: Tue, 24 Mar 2009 15:46:22 +0000 STATUS: publish PRIMARY CATEGORY: Programa CATEGORY: TAGS: ----- BODY:

Esta Escola de Formaçom '09 AGIR e BRIGA introduzimos a formaçom básica a cargo de militantes de ambos colectivos. Após seis ediçons da Escola, sabemos por experiência que o importante é trabalhar aspectos básicos do que supom organizar-se para luitar e como fazê-lo. Som pessoas com a experiência de muitos anos trabalhando entre a mocidade rebelde da Galiza quem ministrarám as palestras, que se dotam de carácer aberto para que a intervençom de todas e todos @s presentes facilite a compreensom e o debate.

Sexta-feira, 3 de Abril
19h00 Chegada e instalaçom
20h00 Bem-vindas a cargo do Responsável do Grupo de Base de BRIGA
21h00 Churrascada e repichoca!!
Se o permite o clima, comeremos no exterior para começar o fim de semana falando ao ár livre.

Sábado, 4 de Abril
9h00 Almorço
10h30 Roteiro
14h00 Jantar
16h00 Seminários
? Modelos organizativos e conceitos básicos da actividade política e social
Este quiças seja o ponto mais teórico da EF '09, expondo os diferentes modelos organizativos e os conceitos básicos sobre a forma em que se artelha a participaçom assemblear, nos seus diferentes órgaos e formas, na juventude independentista do sêculo XXI.
? Intervençom revolucionária na Galiza do século XXI
Falaremos desta volta sobre elementos imprescindíveis da intervençom social das nossas organizaçons: quais suportes e ferramentas empregar no dia a dia para mantermos o contacto com o nosso contorno.
? Medidas básicas de segurança
Palestra sobre como manter a segurança mínima indispensável para desenvolver um trabalho sem interferências. E do rol que joga a rede neste terreno.
? Consfussons e erros mais habituais no uso do reintegracionismo
Palestra sobre os conceitos elementares do reintegracionismo lingüístico.
21h00 Ceia
23h00 Festa

Domingo, 5 de Abril
9h30 Almorço
10h30 Jogos populares
13h30 Talheres
14h30 Jantar
16h00 Assembleia de valoraçom da Escola de Formaçom´09
17h00 Despedida a carrego dum/ha companheir@ de AGIR

----- -------- AUTHOR: agir_briga TITLE: Começam os preparativos da Escola de Formaçom´09 BASENAME: comecam-os-preparativos-da-escola-de-for DATE: Tue, 17 Mar 2009 18:49:43 +0000 STATUS: publish PRIMARY CATEGORY: EF '09 CATEGORY: Organizaçom TAGS: ----- BODY:

As organizaçons da esquerda independentista BRIGA e AGIR já estamos trabalhando para fazer possível a Escola de Formaçom '09. Desde este mês de Março, e de cara às jornadas de encontro que terám lugar nos dias 3, 4 e 5 de Abril, as assembleias de ambas organizaçons irám coordenando e preparando o conteúdo desta nova ediçom. E vam já lá seis anos que empezamos.

Com este primeiro comunicado, @s jovens independentismo galego, organizadas sem complexos para dinamizar a rebeldia da juventude deste País nos princípios da libertaçom nacional e social de género, no ecologismo, no antimilitarismo, no internacionalismo e no monolingüismo reintegracionista, queremos dar por começado um mês de preparativos com o fim de juntarmos companheir@s, simpatizantes e amig@s , no nosso "acampamento primaveral" particular, com o melhor ambiente possível.

Mais umha vez, os bons momentos de convívio e debate, servirám para conhecer novas e novos companheir@s de luita, numha proposta lúdico-formativa de palestras, jantares, repichocas, obradoiros, jogos populares e algumha visita pola comarca organizadora desta nova ediçom da Escola.

Todos e todas ficades convidad@s!

----- -------- AUTHOR: agir_briga TITLE: Sociedade, ideologia e lingua(s) BASENAME: sociedade_ideologia_e_lingua_s DATE: Wed, 26 Mar 2008 11:38:20 +0000 STATUS: publish PRIMARY CATEGORY: EF '08 CATEGORY: Materiais TAGS: ----- BODY:

"Sociedade, ideologia e lingua(s)" é o título da comunicaçom apresentado polo lingüista Maurício Castro nos egundo dos seminários da Escola de Formaçom'08.

Achegamos a apresentaçom elaborada polo Maurício e que serviu de apoio para apresentaçom.

Sociedade, ideologia e lingua(s)

----- -------- AUTHOR: agir_briga TITLE: Caderno do seminário sobre libertaçom sexual BASENAME: caderno_do_seminario_sobre_libertacom_se DATE: Wed, 26 Mar 2008 11:27:06 +0000 STATUS: publish PRIMARY CATEGORY: EF '08 CATEGORY: Materiais TAGS: ----- BODY:

Achegamos o material entregado para seguir o seminário impartido por Ângelo Meraio e Lucia Vasques, militantes da rede de colectivos de defesa do orgulho homossexual, bisexual e transexual na Galiza.

O caderno recolhe o guiom do primeiro dos seminários da Escola de Formaçom e um texto da autoria de Ângelo Meraio intitulado "Hetreossexismo e libertaçom sexual. O orgulho da diversidade frente a violência do patriarcado".

Caderno Escola de Formaçom´08

----- -------- AUTHOR: agir_briga TITLE: Crónica da Escola de Formaçom´08 BASENAME: cronica_da_escola_de_formacoma08 DATE: Mon, 17 Mar 2008 14:25:49 +0000 STATUS: publish PRIMARY CATEGORY: Crónica CATEGORY: EF '08 TAGS: ----- BODY:

A Escola de Formaçom?08 chegou ao seu fim este Domingo, por volta das 17h00 do dia. Umha Assembleia de valorizaçom, análise e debate sobre o decurso do fim-de-semana de lazer, convívio e formaçom, encerrou os três dias na localidade costeira de Poio.

Sexta-feira 14 de Março

Ao longo de toda a jornada da sexta, dezenas de jovens procedentes de diversas origens do País, fôrom recebid@s pola militáncia independentista da comarca de Ponte Vedra, que deu as boas-vindas a companheir@s, amig@s e simpatizantes.

Umha companheira de BRIGA abriu as intervençons inaugurais, fechadas por umha companheira de AGIR que apresentou o programa de actos e a necessária distribuiçom de responsabilidades dos e das presentes para implicar-se na ordem de horários e labores.

Já logo, umha repichoca amenizada pol@s própri@s presentes punha ritmo a umha ceia ao ár livre, com cánticos, conversas e reencontros.

Sábado 15 de Março

Após o almorço no albergue, um dia de chuva intermitente e boa temperatura permitiu que se desenvolvesse sem incidências o roteiro desta Escola de Formaçom, cujo percurso nos levou ao longo de mais de duas horas polas margens do rio Leres, numha paisagem de contraste entre as árvores autóctones mais imediatamente próximas ao canal ?bidueiras e castinheiras, por exemplo-, e a pressom florestal do eucalipto que o invade todo.

Um companheiro de BRIGA explicou, em várias paradas realizadas para umhas breves exposiçons, a desastrosa situaçom ambiental após a vaga criminal de lumes de dous anos atrás, e a selvagem lógica do capitalismo que favorece e se alimenta da invasom de espécies exógenas e prejudiciais para o meio, assim como também da especulaçom urbanística tam intensa nas chamadas Rias Baixas.

Continuando o percurso polas parroquias do contorno, achegamo-nos até o histórico núcleo poboacional de Combarro, tornado umha feira de turismo divergente com a identidade tradicional da vila. Nas proximidades pudemos apreciar a especulaçom nas obras dum futuro centro ?desportivo? náutico de elite, e a permanente destruiçom do território com a penosa poluiçom da Ria de Ponte Vedra, cujos resultados som evidentes fazendo acto de presença.

Após um jantar preparado por um grupo de trabalho de cozinha, decorrêrom quase a seguir as palestras.

A primeira delas, umha interessante, profunda e substanciosa exposiçom de mais de duas horas por parte de Ángelo Meraio e Lucía Vázquez Muñiz, membros militantes da rede de colectivos de defesa do orgulho homossexual, bisexual e transexual na Galiza.

Aprofundamos da sua mao na essência dos conceitos equívocos de sexo, género, identidade de sexo e de género, e sua perversom no marco dumha sociedade de classes em que o patriarcado é pilar do sistema de dominaçom e opressom humana, com especial incidência sobre as mulheres, e também sobre os e as trabalhadores/as que decidem quebrar na prática os esquemas dos fundamentalismos religiosos, imprescindíveis no sustento da sociedade capitalista.
Ainda, pudemos conhecer diversas anecdotas no trabalho destes colectivos na sua orientaçom aos centros de ensino, à ajuda humana a pessoas marginalizadas socialmente, e algumhas das fórmulas criadas espontaneamente polos movimentos sociais ?gai-les-bi-trans? como resposta parcial e restringida para superarem os modelos de sexo e género impostos desde a infáncia.

Na segunda, com concorrência crescente a medida que gente nova se deixava caír polo albergue com a passagem do dia, o companheiro Maurício Castro expujo com um afám pedagógico e interactivo umha palestra sobre a história da língua como fórmula simbólica de representaçom da realidade objectiva, procedendo a partir deste argumento a enfiar com diferentes conceiçons formuladas sobre o carácter estrutural ou superestrutural das línguas nas sociedades humanas, e aprofundando no detalhe de diferentes situaçons de conflito lingüístico que podemos encontrar no planeta: desde a extinçom e aniquilamento de culturas e as suas línguas, até diferentes modelos convencionais de regulamento institucional do pluringüismo em muitos territorios e Estados.

Como no caso da primeira, a exposiçom foi acompanhada de material de referência que contribuíu para a guia e seguimento do discurso, que deu lugar a interessantes debates entre a juventude assistente.

Para rematar umha intensa jornada de formaçom e convívio, pugemos caminho cara a cidade de Ponte Vedra, onde se celebrou umha ceia com algumhas pessoas próximas às organizaçons convocantes e, deseguido, um encontro de lazer com música pinchada polo Dj Sem Fronteiras Sound Anti-Sistema no Centro Social A Revira, que fechou as portas já de madrugada para regressarmos e descansar antes do Domingo.

Domingo 16 de Março

Mais um almorço, mais um jantar e, por meio, umha longa manhá de visita à praia de Samieira e de jogos variados como a bilharda ou a corda.

Muito tempo para o entretenimento e para partilhar juntos e juntas, como desde há cinco anos, mais um fim-de-semana prévio às férias de Primavera.

Transcorridas cinco ediçons da Escola de Formaçom, AGIR e BRIGA advertimos como se está a assentar um perfil bastante definido da Escola, graças à aprendizagem dos erros e as suas emendas.

Até 2009, até a VI Escola de Formaçom, temos um longo período de luitas ao abrigo da confiança e da camaradagem que a nova esquerda independentista está a forjar entre todas e todos, e com o compromisso madurecido de todas e de todos.
BRIGA e AGIR seguiremos a trabalhar nas ruas, nas aulas, nos centros de trabalho, com um projecto coeso e definido ao qual convidamos toda a mocidade rebelde deste País.

----- -------- AUTHOR: agir_briga TITLE: Seminários da EF´08 sobre libertaçom sexual e luita lingüística BASENAME: seminarios_da_efa08_sobre_libertacom_sex DATE: Thu, 13 Mar 2008 14:58:39 +0000 STATUS: publish PRIMARY CATEGORY: EF '08 CATEGORY: TAGS: ----- BODY:

A jornada vespertina do sábado dia 15 de Março será dedicada, a iniciativa das organizaçons BRIGA e AGIR na nossa quinta Escola de Formaçom, ou Escola de Formaçom '08, à reflexom, a análise e o debate sobre dous assuntos de destacada releváncia na construçom dum projecto nacional emancipador.

Juventude e libertaçom sexual
Após umha maná de convivência na Terra com o tradicional roteiro, sentaremos para atender a exposiçom, às 16 horas, do companheiro Ángelo Meraio e Lucía Vázquez Muñiz.
Ángelo e Lucía exporám os seus argumentos, conhecimentos, anecdotas e reivindicaçons em matéria de libertaçom sexual, dumha perspectiva crítica, consciente, e militante respeito das problemáticas surgidas na mocidade no que atinge ao exercício e formaçom dum rol sexual contrangido polo patriarcado e a homofobia como parte deste.

Após um breve descanso que sucederá às intervençons e perguntas do público, às 18,15 horas prevê-se a celebraçom da segunda das palestras, e derradeira nesta EF '08.
Após as quatro palestras que ocupavam quase umha jornada inteira na EF '07, as organizaçons convocantes decidimos diminuir nesta ediçom a carga teórica e reorganizar o calendário para, esperamos, aperfeiçoar o decurso da Escola.

Monolingüsmo social e reintegracionismo lingüístico. Reptos do século XXI
O companheiro Maurício Castro, professor da língua portuguesa e sonado lingüista , virá este ano a nos oferecer umha perspectiva integral de questom tam importante como o é a situaçom do galego na Galiza do século XXI, e os reptos que enfrenta refreada polo espanholismo imperante, dentro dum discurso oficial bilingüista e regeneracionista que está assomar o mais singular traço nacional ao abismo da dialectalizaçom, o desuso e o desprestígio mais absolutos.

Com a vista posta no marco natural da lusofonia, Maurício Castro focará este tema achegando a juventude presente à teoria reintegracionista elaborada e construida desde há muitos anos polos primeiros intelectuais patriotas.

----- -------- AUTHOR: agir_briga TITLE: Escola de Formaçom´08: O futuro é d@s que luitam BASENAME: escola_de_formacoma07_o_futuro_e_d_s_que DATE: Fri, 29 Feb 2008 09:27:08 +0000 STATUS: publish PRIMARY CATEGORY: EF '08 CATEGORY: TAGS: ----- BODY:

Mais um ano, e já alcançamos desta volta a quinta ediçom, a juventude independentista programa a Escola de Formaçom.
Como nas três ediçons anteriores, volvem ser as organizaçons juvenil e estudantil do Movimento de Libertaçom Nacional Galego, BRIGA e AGIR, quem convidam a militantes, simpatizantes, amigos e amigas, a participarmos no encontro anual de convivência e formaçom autoorganizado e autogerido pola mocidade independentista e revolucionária.

Após os inesquecíveis sucessos das ediçons de Cervo, Salvaterra do Minho, Narom e Oleiros, AGIR e BRIGA tencionamos dar a esta V Escola de Formaçom, um novo pulo com o galho do seu simbólico aniversário.
Ainda, este quinto ano de juntança fazemos um esforço especial por implicar o maior número possível de jovens, esperando atingir umha cifra o mais elevada possível, que faga com que sejamos mais e mais os e as moças da Galiza que nos conheçamos, falemos, dialoguemos, discutamos, e coesionemos o projecto da esquerda independentista galega.

Um projecto que, empurrado pola juventude rebelde, tem muito a dizer na Galiza do futuro. Essa Galiza que dia após dia construímos nas aulas, nas escolas, nos centros de trabalho, entre @s amig@s, nas ruas, nas praças, nos bairros...

Os dias 14, 15 e 16 de Março, o Sul da Galiza acolherá dúzias de jovens convocad@s por AGIR e BRIGA para dar mais um passo à frente na luita nacional e social de género.

Une-te, participa! A juventude galega temos o futuro nas nossas maos. Pom as tuas ao labor.

----- -------- AUTHOR: agir_briga TITLE: Programa EF'08 BASENAME: programa_ef_08 DATE: Thu, 28 Feb 2008 09:38:41 +0000 STATUS: publish PRIMARY CATEGORY: EF '08 CATEGORY: Programa TAGS: ----- BODY:

Sexta-feira 14 de Março
19h00 Chegada
- Instalaçom
- Entrega dos materiais da EF´08
20h00 Acto de bem-vindas
- Intervençom representante de BRIGA
- Projecçom vídeo sobre os cinco anos da EF
20h45 Ceia
21h00 Repichoca

Sábado 15 de Março
8h30 Almorço
9h30 Saída para roteiro
14h30 Jantar
16h00 Seminário ?Juventude e libertaçom sexual? por Ángelo Meraio e Lucía Vázquez Muñiz
18h00 Descanso
18h15 Seminário ?Monolingüismo social e reintegracionismo lingüístico. Reptos do S. XXI? por Maurício Castro
21h30 Ceia no CS A Revira

Domingo 16 de Março
9h30 Almorço
10h30 Jogos populares
14h00 Jantar
15h30 Recolhida
16h00 Acto de despedida
- Assembleia de valoraçom da EF´08
- Intervençom representante de AGIR

----- -------- AUTHOR: agir_briga TITLE: AGIR e BRIGA começam preparativos da Escola de Formaçom´08 BASENAME: agir_e_briga_comecam_preparativos_da_esc DATE: Wed, 23 Jan 2008 17:13:39 +0000 STATUS: publish PRIMARY CATEGORY: EF '08 CATEGORY: TAGS: ----- BODY:

A Escola de Formaçom que AGIR iniciara em 2004 em Cervo, na comarca da Marinha, alcança este ano a sua quinta ediçom. Este ano, como nos anteriores três últimos, som as organizaçons juvenil e estudantil do Movimento de Libertaçom Nacional Galego, BRIGA e AGIR, quem conjuntamente estamos a preparar a celebraçom deste encontro da mocidade independentista revolucionária que terá lugar nas primeiras jornadas das férias de Primavera.

De AGIR e BRIGA orgulhamo-nos de estar a perfilar a que será V Escola de Formaçom, com todo o seu peso simbólico. Mas, sobre todo, alegramo-nos de comprovar duas cousas fundamentais:

Ver avançar ao ritmo da nossa andaina o assentamento entre a juventude da nova esquerda independentista galega, para o qual esperamos alargar a participaçom na Escola e impulsionar assim o mútuo conhecimento e a convivência em camaradagem entre jovens de diferentes pontos do País, e integrad@s em entidades com projectos similares mas diferenciadas sectorialmente.

Orgulhamo-nos também, a título organizativo, de manter a coesom e coerência do nosso Movimento, com umha uniom na luita dos e das jovens estudantes e trabalhadoras que aspiram a quebrar o jugo da dominaçom espanhola, capitalista e patriarcal.

Nom meramente no discurso de irmandande, senom na própria prática diária é que afortalamos a imprescindível unidade que nos fai avançar.

Esta Escola de Formaçom ?08 será mais umha oportunidade para goçar do entretenimento e o lazer, da memória e a teoria, do diálogo e o compromisso, como ferramentas para aguçar as nossas armas.

Agindo por umha Galiza ceive, socialista e antipatriarcal, convidamos todas as jovens e os jovens interessados nesta Escola a ligar aos correios nacionais de qualquer-umha das entidades organizadoras: nacional@agir-galiza.org ou nacional@briga-galiza.org

----- -------- AUTHOR: agir_briga TITLE: Crónica da Escola de Formaçom´07 BASENAME: cronica_da_escola_de_formacoma07 DATE: Wed, 04 Apr 2007 12:06:10 +0000 STATUS: publish PRIMARY CATEGORY: EF '07 CATEGORY: Crónica TAGS: ----- BODY:

A paróquia oleirense de Santa Cruz acolheu até 1 de Abril as três jornadas de convívio, lazer e formaçom com as quais AGIR e BRIGA oferecêrom umha alternativa socialista para iniciarmos as férias de Primavera.

SEXTA-FEIRA 30 de Março

O trabalho conjunto à volta do acondicionamento do local de descanso e a juntança arredor dumha ceia foi o início dumha noite dedicada à dança e a música tradicional, numha repichoca que permitiu o diálogo e o conhecimento mútuo de jovens estudantes e/ou trabalhadoras/es militantes e simpatizantes das organizaçons estudantil e juvenil do MLNG.

SÁBADO 31 de Março

Adiantando o mais possível a hora de erguer-se, para nom retrasar demasiado o programa de actos na jornada mais densa, pugemo-nos em marcha com a única comida ao ár livre que nos permitiu o clima, frio e chuvoso, durante toda a Escola de Formaçom. Nov@s jovens aderírom nesta manhá a umha Escola que se adentra na sua parte mais formativa.

A manhám comezou com a intervençom da Responsável Assembleia de AGIR na Corunha, quem deu as boas-vindas e dirigiu umhas palavras acerca do desenvolvimento da Escola.

Depois André Seoane ministrou umha palestra introduzindo umha análise histórica das luitas obreiras para desembocar numha interpretaçom marxista da actual correlaçom de forças de classe na Galiza. O companheiro, trabalhador do metal, aportou para o quaderno de formaçom editado com o galho desta Escola um extenso e enriquecedor texto que empregou de guia na sua conferência. Graças a esta, pudemos escuitar e debater qual o sentido mais apropriado para a intervençom social em chave nacional desde o envolvimento das forças vivas do Trabalho na emancipaçom que procuramos. Entre outros muitos pontos tocados, as transformaçons do aparelho produtivo, principalmente a terciorizaçom da economia galega no novo sêculo, permitírom que o companheiro reivindicasse a vigência do legado teórico-prático do socialismo numha sociedade que permanece ancorada e dividida polo princípio capitalista da propriedade privada dos meios de produçom.

Posteriormente, Daniel Lourenço, antigo Responsável Nacional de AGIR e um dos seus fundadores, achegou às e aos presentes um percurso dimensionado a través da história da autoorganizaçom estudantil, vincando no desconhecimento de precedentes modelos, como os havidos a começos do sêculo XX ou na época da chamada "transiçom espanhola". Para além de reflexionar sobre o papel do independentismo no movimento anti-LOU e as características fulcrais desta vaga contestatária que surgiu com a mesma intensidade com que se apagou, ofereceu mais umha vez a sua experiência combativa e militante nas aulas da Galiza ao longo de vários anos, principalmente orientada a encorajar o mantimento do modelo militante de AGIR como motor de agitaçom permanente contra a espanholizaçom e a mercantilizaçom do ensino. A palestra foi acompanhada de diverso material documental e fotográfico.

Após o jantar, continuamos de tarde com a intervençom de Carlos Morais, quem se debruçou, numha interessante achega ao mais tangível presente, sobre os novos modelos e procedimentos de intervençom da esquerda para discriminar a sua legitimidade, a sua conveniência e a sua validez. Em base a seis pontos específicos que justificam a luita na Galiza do sêculo XXI, propujo um debate focado sobre diferentes campos da realidade juvenil galega onde se reflectem as contradiçons do capitalismo neoliberal, e nas quais acha de importáncia estabelecer os pilares que conduzam à forma mais efectiva e conseqüente de luita.

Finalmente, as companheiras Rute Cortiço e Zéltia Fernandes intervinhêrom na palestra feminista debulhando as manifestaçons concretas do patriarcado no entorno e no interior da actividade militante. Partindo dumha crítica própria realizada em funçom de aspectos concretos nos quais se vissibiliza a adopçom reaccionária de roles de género, convidárom as e os presentes a opinar acerca dos temas sugeridos, tais como o paternalismo na militáncia, a divissom do trabalho na organizaçom revolucionária conforme a padrons sexistas, a restriçom do discurso feminista a eventos e datas concretas, etcétera...

A continuaçom, o conjunto d@s presentes deslocamo-nos a pé de praia para goçar dumha fraternal ceia que se complementou com umha noite de festa para aquelas/es a quem nom vencera o cansaço.

DOMINGO 1 de Abril

Acordamos com menos presa que a jornada anterior, dispost@s a realizar o habitual roteiro organizado nas Escolas de Formaçom. Aguardava-nos o castelo de Santa Cruz, onde se sedia o Centro de Extensom Universitária e Divulgaçom Ambiental da Galiza. Umha trabalhadora desta fundaçom pública guiou um percurso pola contorna da fortalezaa, relatando a história deste enclave involucrado na defesa da cidade de A Corunha. Declarado Bem de Interesse Cultural, foi propriedade do homem de Emília Pardo Bazám e do exército espanhol, para acabar hoje em dia em maos do Concelho de Oleiros.

Esta visita guiada permitiu-nos também conhecer a flora exótica e nacional protegida na ilha, assim como a única habitaçom que conserva vestígios do passado no prédio, por mor do espólio efectuado polo exército quando vendeu o mesmo.

De regresso à zona de "acampada" enfrentando-nos contra a maré de chuva que caia, organizamos o derradeiro jantar após o qual iniciamos a recolhida e limpeça das instalaçons ocupadas durante mais de 48 horas.

A assistência de nov@s companheir@s de novas comarcas do País, a participaçom dumha alta percentagem da militáncia de ambas organizaçons e a força da camaradagem figérom com que goçássemos duns dias fantásticos.

Já em 2008 chegará a V Escola de Formaçom da juventude do MLNG, no que será um fito importante, e de certo que alargado com novos rostos e combates. Até entom, BRIGA e AGIR continuarám dinamizando a organizaçom da mocidade galega, comprometendo-nos a dar o melhor exemplo de compromisso com a luita como único caminho para a consecuçom da emancipaçom nacional, social e de género desde as aulas, as ruas, os centros de trabalho e os bairros da nossa pátria.

Adiante a mocidade organizada!
A luita é o único caminho!

----- -------- AUTHOR: agir_briga TITLE: Escola de Formaçom´07: A luita é o único caminho BASENAME: escola_de_formacoma07_a_luita_e_o_unico_ DATE: Wed, 28 Mar 2007 12:04:12 +0000 STATUS: publish PRIMARY CATEGORY: EF '07 CATEGORY: TAGS: ----- BODY:

As organizaçons juvenil e estudantil do MLNG, AGIR e BRIGA, organizam novamente as jornadas de formaçom e convívio nas quais pode tomar parte toda a juventude interessada em gozar desta experiência rebelde e autogestionada.

O futuro do independentismo socialista, ou o que é o mesmo, a Galiza libertada que construímos todos os dias @s jovens organizad@s deste País, vai obter um novo pulo à frente. Aproveitando o começo das férias de Primavera, os dias 30 e 31 de Março e 1 de Abril, dezenas de jovens assaltaremos um novo ponto da nossa geografia para combinarmos a formaçom e a reflexom com noites de concertos e festa, roteiros e jogos populares numha nova ediçom desta peculiar Escola.

A nossa intençom, nesta quarta ediçom da Escola iniciada por AGIR em 2004, é proporcionar três dias de intensa actividade e confraternizaçom para afortalar os laços que unem a juventude rebelde da Galiza. Mas nom só. A especial dedicaçom que cada ano realizamos a umha temática, permitirá-nos desta volta debruçar-nos sobre as luitas dos sectores populares comprometidos com a transformaçom social. Assim é que este ano homenageamos a história da Galiza e da sua classe trabalhadora, fraguada em séculos de combate encetado por diferentes vieiros.

Se para nós cada dia é umha oportunidade de projecçom política, estes três ham ser, sem dúvida, o momento de conhecer-nos e reconhecer-nos como sujeitos necessários dessa luita quotidiana da qual fazemos parte. Saber por que permanecemos em pé de luita no dia-a-dia pode encontrar umha resposta doada num encontro como este.

Cervo, Salvaterra de Minho, Narom e, agora, umha nova localidade da Galiza. Mais um ponto do nosso território que ficará conservado na nossa memória colectiva. Será para o bem do nosso projecto.

----- -------- AUTHOR: agir_briga TITLE: Programa EF´07 BASENAME: programa_efa07 DATE: Tue, 27 Mar 2007 12:01:12 +0000 STATUS: publish PRIMARY CATEGORY: EF '07 CATEGORY: Programa TAGS: ----- BODY:

Sexta-feira 31 de Março
20h00 Chegada
- Instalaçom
- Entrega dos materiais da EF´07
20h30 Actos de bem-vindas
- Bem-vindas da Responsável Comarcal de NÓS-Unidade Popular
- Projecçom sobre a EF´06 celebrada em Trasancos
- Intervençom dum/ha representante de AGIR
21h00 Ceia
22h00 Repichoca

Sábado 31 de Março
9h00 Almorço
10h00 Seminário "Aproximaçom à história do movimento operário na Galiza" por André Seoane
12h00 Seminário ?Um olhar sobre a luita estudantil na Galiza? por Daniel Lourenço
14h00 Jantar
15h30 Seminário ?Razons para luitar no S. XXI? por Carlos Morais
17h30 Seminário "Chaves para a intervençom feminista da juventude independentista"
19h00 Jogos Populares
22h00 Ceia

Domingo 1 de Abril
9h30 Almorço
11h00 Roteiro
14h00 Jantar
17h00 Acto de encerramento
- Intervençom dum/ha representante de BRIGA
17h30 Despedida

----- -------- AUTHOR: agir_briga TITLE: Que é a Escola de Formaçom? BASENAME: que_e_a_esola_de_formacom DATE: Sun, 04 Mar 2007 11:32:29 +0000 STATUS: publish PRIMARY CATEGORY: Que é? CATEGORY: TAGS: ----- BODY:

A Escola de Formaçom botou a andar na Primavera de 2004 em Cervo por iniciativa de AGIR. No ano seguinte, desta volta no Condado, BRIGA sumou-se à organizaçom dum evento que com carácter anual incide na formaçom de jovens galeg@s revolucionári@s.

Mas a Escola vai além de ser umha ferramenta para o afortalamento das bases teóricas e o exercício prático do combate quotidiano. Som também umhas jornadas de lazer e convívio da militáncia estudantil e juvenil do independentismo, nas que os seminários e os debates se combinam com repichocas, concertos, ceias populares ou roteiros.

----- COMMENT: AUTHOR: Natalia [Visitante] DATE: Sat, 23 Apr 2011 12:07:05 +0000 URL:

Non ten mala pinta e soa interesante pero estaría ben que se explicase un pouco máis a finalidade e as actividades.
Un saludo.

----- -------- AUTHOR: agir_briga TITLE: Crónica da Escola de Formaçom´06 BASENAME: cronica_da_escola_de_formacoma06 DATE: Mon, 10 Apr 2006 11:44:20 +0000 STATUS: publish PRIMARY CATEGORY: EF '06 CATEGORY: Crónica TAGS: ----- BODY:

O fim de semana passado acolheu na comarca de Trasancos a terceira ediçom da Escola de Formaçom, organizada conjuntamente por AGIR e BRIGA, e que decorreu segundo o previsto nos dias 7, 8 e 9 de Abril baixo a legenda ?Procurar a memória da resistência?.

SEXTA-FEIRA 7 de Abril

Durante a manhá do primeiro dia, o autocarro percorreu diferentes comarcas galegas recolhendo às e aos participantes na Escola até o meiodia, quando chegamos ao nosso destino final em Trasancos.

Após a instalaçom no acampamento, em Pedroso, no Concelho de Narom, tivo lugar o primeiro jantar da EF. A seguir deslocamo-nos até a cidade de Ferrol, onde o Grupo de Base de BRIGA em Trasancos realizou a intervençom de boas-vindas para @s jovens congregados no Ateneu Ferrolano, a cargo dumha militante de BRIGA da localidade.

Após a mesma, deu-se passo à mesa redonda de debate de diferentes colectivos sociais da comarca sobre a auto-organizaçom popular na que participarom representantes da Fundaçom Artábria, do colectivo Fervesteiro, do próprio Ateneu Ferrolano e da rádio livre e comunitária Filispim. Arredor dumha hora é que cada um deles expujo a sua achega ao tecido associativo nesta comarca, sempre desde a óptica alternativa ao uniformismo institucional. Assim, o Ateneu Ferrolano reivindicou a sua aposta pola pluralidade ideológica e política, expressando a necessidade e o desejo desta associaçom de ser o altifalante de diversas vozes, entre elas as repetidamente silenciadas como as da esquerda independentista. A Fundaçom Artábria, como centro social plural e nom excluinte, apostou claramente pola confluência de diferentes correntes ideológicas e políticas na actividade cultural, especificando o negativo dos sectarismos e essencialismos para a acumulaçom de forças e a diversidade na actividade social. O colectivo Fervesteiro, movimento de matriz emancipadora e revolucionária, após fazer um rápido retrato da sua formaçom e objectivos, transmitiu a tentativa de entroncar as actividades lúdicas e de ócio com a reivindicaçom claramente política como caminho a seguir para a actividade social na comarca de Trasancos. Por último chegou-lhe o turno a rádio Filispim, rádio livre e comunitária de Trasancos, que reiterou a apertura dos seus micros a todo o grupo ou colectivo que anceiasse criar um espaço de comunicaçom autenticamente social, umha alternativa à manipulaçom informativa e aos estereótipos alienantes dos meios oficiais. Em ressumo, e após o debate, as conclusons tiradas centravam-se na ideia do campo cultural e social como ponto de encontro para a diversidade de focagens e propostas que as diferentes correntes políticas, ideológicas e culturais podem achegar, sempre partindo duns mínimos irrenunciáveis.

Umha vez rematada a mesa-redonda, e enquanto nos preparávamos para dar boa conta da copiosa ceia preparada no Ateneu Ferrolano, Rádio Filispim permitiu a quem quiger presenciar a elaboraçom do programa Vozes Rebeldes, espaço reivindicativo e juvenil que se emite todas as sextas-feiras.

Mais tarde, transladamo-nos ao Centro Social da Fundaçom Artábria, onde pudemos desfrutar dumha Repichoca de várias horas, na que a música e a dança tradicional fôrom protagonistas indiscutíveis dumha velada que dava fim ao primeiro dia da Escola de Formaçom´06.

SÁBADO 8 de Abril

A segunda jornada abriu-se após o almorço com o seminário ?A mulher no nacionalismo galego?, ministrado por Noa Rios e centrado no papel silenciado que as mulheres sofrêrom na política, por muito que esta fosse também revolucionária, assim como as diferentes visons que mostravam alguns homens representativos das correntes nacionalistas galegas do século passado (Vicente Risco, Castelao e Fuco Gomes), na maior parte dos casos claramente machista e sexista, faceta esta que foi sistematicamente ocultada polo nacionalismo institucional.

O segundo dos mesmos, a cargo de André Seoane, abordou a II República Espanhola, fazendo um balanço do que realmente significou politicamente na altura, longe de mistificaçons da sua importáncia real, que em certos ámbitos como a autodeterminaçom dos povos ocupados polo estado espanhol seguiu na mesma durante o período republicano. O fio conductor do seminário expunha que a República era a forma que tomou o sistema político no estado espanhol para adaptar-se a umha nova realidade económica e à derrota definitiva da nobreza como antiga classe dominante, dando passo a umha nova, a burguesia. Ao mesmo tempo levou avante umha análise de classes na Galiza durante a Segunda República espanhola.

Após realizar um intervalo para desfrutar dumha sessom de jogos populares e do jantar, @s jovens presentes participamos do seminário ?Memória histórica, umha visom nacional e social de género?, ministrado por Carlos Morais. Partindo dumha visom histórica nom deturpada das razons e o decorrer da Guerra Civil, pondo-se o acento nas causas e conseqüências do levantamento fascista do exército espanhol contra a legalidade burguesa republicana, analisa-se a situaçom concreta da Galiza neste processo histórico, no qual a lentidom de reacçom das autoridades republicanas tivo muito a ver com que aquela acabara sendo tam rapidamente conquistada, sendo abandonada a sua sorte em funçom da protecçom doutras áreas do estado. Assim mesmo, mergulha-se no que significou o pacto do fascismo aperturista para maquilhar o regime a través da chamada Transiçom, e em especial do ocultamento sistemático do ocorrido na Guerra Civil, na pós-guerra e nesta etapa-ponte até a actual democracia espanhola, atendendo também às seqüelas psicológicas, políticas e materiais que tivêrom nas massas trabalhadoras galegas.

Umha vez rematados os seminários, e depois da ceia, tivo lugar na sala de concertos DZine de Sam Sadurninho a actuaçom do grupo de metal-hardcore NAO, que fariam de teloneiros para a fusom incombustível de CHE SUDAKA, cujo ritmo imparável fixo com que a sala ficara pequena, resgatando da inactividade e o cansaço a prática totalidade d@s presentes. Umha vez rematados os concertos, passou-se à actuaçom de Dj Fervesteiro, quem permitiu que o fim desta intensa segunda noite pudesse adiar-se até horas depois. Nos interlúdios musicais, pudêrom ouvir-se consignas e palavras de ordem, como Independência, Canha contra Espanha, etc...

DOMINGO 9 de Abril

O último dia da Escola iniciou-se com o roteiro pola fraga do Menáncaro, no qual o militante de ADEGA que nos fixo de guia conduziu-nos através dum dos últimos reductos de bosque autóctone do concelho de Ferrol, umhas poucas hectáreas que agacham um ecossistema surpreendentemente rico para o reduzido das suas dimensons. O intento de vender os terrenos (pertencentes a um conhecido cargo da Cámara Municipal de Ferrol) para a urbanizaçom e construçom de estradas supom um ataque directo, com o concelho directamente involucrado, a umha das poucas áreas naturais autóctones que ficam em Trasancos. Esta situaçom é muito semelhante à da maioria dos territórios da Galiza. O capitalismo espanhol e o espólio energético e natural que impulsiona reduz o impacto ambiental e a destruiçom natural a um critério de terceira, que configura a luita ecologista desde parámetros nacionais e socialistas como a única maneira de impedir agressons como esta.

Depois tivo lugar o jantar, e umha nova entrega de jogos desportivos entre @s jovens participantes.

Achegando-se já ao final da intensa fim de semana, já pola tarde tivo lugar umha charla no cemitério de Serantes, onde o historiador Bernardo Maiz gizou umha emotiva denúncia do alçamento e repressom fascista nos concelhos da comarca de Trasancos. Lá, junto às tumbas comuns de dúzias de republican@s e revolucionári@s anónimos pugemos tod@s o ponto e final por este ano à terceira escola de formaçom, acarom dos restos de quem dérom a vida pola sua conseqüência militante, e após um pacto silencioso de nom permitir que as mentiras e deturpaçons sobre o terror da Guerra Civil e a Transiçom continuem sem resposta, enquanto os culpáveis nom sejam assinalados como os assassinos crueis que som. Desde este novo conhecimento do passado, do nosso passado, avançaremos face o futuro que estamos a construir, estando conscientes de que devemos recolher liçons no longo e duro caminho face a libertaçom.

----- -------- AUTHOR: agir_briga TITLE: Escola de Formaçom´06: Procurar a memória da resisténcia BASENAME: escola_de_formacoma06_procurar_a_memoria DATE: Thu, 06 Apr 2006 11:14:02 +0000 STATUS: publish PRIMARY CATEGORY: EF '06 CATEGORY: TAGS: ----- BODY:

Sabedoras e sabedores dos benefícios organizativos que comporta, @s estudantes e @s jovens da esquerda independentistas organizamos por terceiro ano consecutivo a Escola de Formaçom.

Caminho de constituir-se num referente para o afortalamento das bases teóricas e o exercício práctico do combate quoitidiano, estas jornadas anuais de convívio e formaçom, de lazer e cultura, terám lugar mais umha vez nas férias de Primavera, e deslocarám-se, gizando um novo ponto de encontro sobre o mapa da Galiza, até a comarca de Trasancos.

Materializada a utilidade porporcionada polas ediçons anteriores, realizadas no Concelho marinham de Cervo e no arraiano de Salvaterra, as organizaçons convocantes, AGIR e BRIGA, nom duvidamos à hora de pôr-nos novamente maos à obra para ofertarmos, um programa de achegamento à realidade histórica da nossa naçom. Centrado no período que transcorre entre a proclamaçom da II República espanhola, o alçamento do fascismo assassino e a década de 50, com a consolidaçom do régime sanguinário, trataremos de topar as chaves para umha compreensom da memória histórica do nosso povo e a nossa classe, dotando-nos de ferramentas para comprender o presente para criar um futuro nosso. Complementado todo isto com os tradicionais obradoiros de combate para manter em plena forma a nossa capacidade contestatária. Também desfrutaremos de concertos, roteiros e outras actividades com que amenizar desde o terreno os três dias de encontro.

Mais um ano, estamos de noraboa. O decorrer deste acto nacional outorgará maiores e melhores ferramentas de luita. Para seguirmos o vieiro encetado nestes breves cinco anos de trabalho estudantil e apenas um ano de luita juvenil, para manter o rumo e a vitalidade, para aprendermos de nós própri@s, da memória das luitadoras e luitadores que nos precedêrom e d@s convidad@s às charlas e conferências.

----- -------- AUTHOR: agir_briga TITLE: Programa EF´06 BASENAME: programa_efa06 DATE: Mon, 03 Apr 2006 09:21:38 +0000 STATUS: publish PRIMARY CATEGORY: EF '06 CATEGORY: Programa TAGS: ----- BODY:

Sexta-Feira 7 de Abril
Saida dos autocarros
13h30 Chegada
14h00 Jantar
16h00 Obradoiros
18h00 Acto de bem-vindas no Ateneu Ferrolam
- Projecçom sobre a EF´05 celebrada em Salvaterra de Minho
- Intervençom dumha militante do Grupo de Base de BRIGA em Trasancos
18h30 Mesa-redonda ?Auto-organizaçom popular na comarca de Trasancos? no Ateneu Ferrolám
- Ateneu Ferrolám
- Fervesteiro
- Fundaçom Artábria
- Rádio Filispim
20h00 Programa especial de Vozes Rebeldes e ceia no Ateneu Ferrolám
22h00 Repichoca na Fundaçom Artábria

Sábado 8 de Abril
9h00 Almorço
10h00 Seminário ?A mulher no nacionalismo galego? por Noa Rios
12h00 Seminário ?A II República na Galiza? por André Seoane
14h00 Jantar
16h00 Seminário ?Memória histórica, umha visom nacional e social de género? por Carlos Morais
19h00 Obradoiro
20h00 Ceia
22h00 Concerto (Sala Dzine-Sam Sadurninho)
NAO
CHE SUDAKA
Dilhei Luis Fervesteiro

Domingo 9 de Abril
9h30 Almorço
11h00 Roteiro pola Fraga de Menáncaro
14h00 Jantar
17h00 Visita ao Cementerio de Catabois e palestra ?Repressom e resistência ao alzamento em Trasancos? por Bernardo Maiz
19h30 Despedida
20h00 Saida dos autocarros

----- -------- AUTHOR: agir_briga TITLE: Crónica da EF´05 BASENAME: cronica_da_efa05 DATE: Mon, 21 Mar 2005 17:36:34 +0000 STATUS: publish PRIMARY CATEGORY: EF '05 CATEGORY: Crónica TAGS: ----- BODY:

SEXTA-FEIRA 18 de Março
O autocarro foi recolhendo militantes, simpatizantes e achegad@s das duas organizaçons por comarcas de toda a Galiza durante a tarde da sexta-feira, chegando a Salvaterra nas primeiras horas da noite. Após as emotivas boas-vindas da Responsável local de AGIR e do Responsável comarcal de NÓS-UP (quem lembrou os seus primeiros passos na militáncia da esquerda independentista a través de AGIR), reunimo-nos na taverna popular O Nosso Eido para a primeira ceia. Durante o transcurso da mesma, agradeceu-se a Manuel Soto e à Sociedade Cultural e Desportiva do Condado a sua implicaçom e generosidade à hora de colaborar connosco para fazer possível a Escola de Formaçom´05.

A seguir iniciou-se a repichoca, que começou só com uns/umhas pouc@s músic@s, mas que acabou arrastando a mais de meia dúzia de pessoas que com a sua música acompanhárom as danças populares e enchêrom a noite com acordes de rebeliom.

SÁBADO 19 de Março

Após o almorço, foi-se de roteiro por Salvaterra, que seguindo as bandas do Minho num primeiro momento, ascendia pola aba do vale permitindo albiscar umha magnífica vista de grande parte da comarca do Condado. Ao ar livre Manuel Soto deu umha charla em que pujo de manifesto a tradiçom contestatária que tivo a comarca do Condado já desde a ditadura franquista, assim como umha pequena resenha da actividade política contra os planos de ordenaçom urbana impulsionados polos caciques da zona, as reformas agrárias antipopulares, etc. Ao fim da mesma, tivemos oportunidade de visitar umha das adegas da comarca, onde fomos convidad@s a umha degustaçom do vinho branco que lá elaborava.

Depois da volta e do jantar, começárom os seminários, ministrados no salom de actos. O primeiro estivo a cargo de André Seoane Antelo, membro da Direcçom Nacional de NÓS-UP. O tema a tratar foi a Actividade política estudantil-juvenil, que polo amplo dos seus conteúdos deveu ser sintetizada em extremo. A divissom realizada polo conferencista centrou-se em três grandes unidades: Umha primeira parte, em que tratava de definir-se o que é a política e as suas categorias e conceitos associados básicos (estrutura, estratégia, táctica, cojuntura?), a segunda parte, centrada nas campanhas, no seu desenho, tipos e fases, e umha terceira que abordava a comunicaçom social e alguns dos meios existentes mais empregados para socializar o projecto revolucionário do MLNG (panfletos, vozeiros, web?). O debate posterior centrou-se na necessidade de transmitir e defender com a necessária contundência, conhecimento de causa e flexibilidade dialéctica a nossa ideologia e praxe política, além doutras questons, como o fulcral que é como objectivo estratégico a criaçom do projecto de Escola Nacional Galega, em processo de debate e confecçom por parte de AGIR na actualidade. Também se fijo um pequeno repasso crítico dos maiores acertos e erros da política estudantil-juvenil nos últimos anos.

O seguinte seminário, ministrado por Carlos Morais, membro também da Direcçom Nacional de NÓS-UP, tratou sobre História da Esquerda Independentista. A demora em relaçom com o horário previsto provocou a partiçom da conferência, cuja segunda parte teria lugar na manhá do dia seguinte. Nesta primeira exposiçom, fijo-se umha análise cronológica que se iniciava nos anos sessenta, com a fundaçom da UPG, expondo depois as sucessivas cisons e eventos que dérom lugar aos diferentes sectores do nacionalismo galego actual, tomando como fio condutor e nó central a esquerda independentista. As sucessivas experiências armadas e intentos de unidade orgánica da EIN ocupárom boa parte deste seminário.

Rematada já a primeira parte e depois da ceia, tivo lugar no local Santa Sede o concerto de Presencia Zero, que com a contundência do seu metal em galego erguêrom dos assentos a grande parte do público, que coreou entusiasmado os seus temas. Nos interlúdios, escuitárom-se consignas como "Povo armado, povo respeitado", "Independência" e "Fora as forças de ocupaçom". Umha vez rematado o concerto, a festa continuou durante várias horas com boa música e o bom ambiente que dava o conhecimento de ser essa a última noite da Escola até o ano seguinte.

DOMINGO 20 de Março
O derradeiro dia tivo lugar umha outra palestra, levada a cabo por Vreixo Formoso, membro da Mesa Nacional de BRIGA, sobre Segurança e Internet. A temática desta palestra, aborda um tema de grande actualidade, e de fulcral importáncia a dia de hoje. O desconhecimento da grande maioria da militáncia juvenil sobre quais som as regras de segurança básica à hora de introduzirem documentos internos no computador, enviá-los a través da rede, manter conversas a través de Internet, etc, fazia esta intervençom imprescindível. A maioria das perguntas originadas à roda da charla centrárom-se em questons técnicas, focadas em temas básicos e nos graus de perigosidade que entranham muitas acçons comuns, desde apagar arquivos até enviá-los a um/umha companheir@.

Depois dum descanso, retomou-se a segunda parte do seminário da História da Esquerda Independentista, centrado já nos últimos anos e no decorrer do MLNG durante este período, a experiência unitária a raiz do Processo Espiral, etc. Também se fijo umha análise crítica das diferentes correntes políticas existentes a dia de hoje na esquerda independentista.

Umha vez jantad@s, dirigimo-nos a realizar o que seria o acto final da Escola de Formaçom 2005, a nossa assinatura pessoal que despedia estes três dias de confraternizaçom e reflexom, estes dias em que o ánimo de luita, a consciência de quem somos e de onde vimos, do que queremos e polo que luitamos, ficou debuxado num muro de formigom, como recordatório silencioso de que nom ficaremos calad@s nem com a olhada baixa, mas marcharemos junt@s, sem importar quem trate de impedi-lo, a través dos nossos caminhos, os caminhos da subversom.

----- -------- AUTHOR: agir_briga TITLE: Escola de Formaçom´05: Caminhos de subversom BASENAME: escola_de_formacoma05_caminhos_de_subver DATE: Thu, 17 Mar 2005 17:19:00 +0000 STATUS: publish PRIMARY CATEGORY: EF '05 CATEGORY: TAGS: ----- BODY:

Do 18 ao 20 de Março terá lugar a Escola de Formaçom`05 que AGIR começara o passado ano. Neste @s companheir@s de viagem multiplicam-se, BRIGA, organizaçom juvenil da esquerda independentista adere a esta cita.
O destino escolhido nesta nova andaina foi Salvaterra do Minho que, com a colaboraçom da Sociedade Cultural e Desportiva do Condado (SCD), abre as suas portas ao novo encontro juvenil na Galiza.

A EF cruza o País, vai de Cervo a Salvaterra, da Marinha à Raia, do Cantábrico à beira do Minho. Será lá onde se reunirá um grupo de moç@s de vários pontos da Galiza, militantes ou amig@s das nossas organizaçons, para conviverem, aprenderem, reflexionarem e debaterem nos seminários e obradoiros que terám lugar ao longo destas jornadas. Nesta EF também haverá tempo para o lazer. Os desportos, os jogos populares ou a festa som actividades programadas para estas datas. O próprio activismo estudantil e juvenil será questom para o debate, assim como a história da esquerda independentista que terá um espaço próprio estes dias.

Para já, a formaçom de jovens revolucionári@s deve ser umha constante no nosso movimento. Para além da luita que cada jovem militante deve desenvolver dia trás dia, na escola, na faculdade, no centro de trabalho, na rua, etc, é necessário consolidar o caminho que AGIR iniciou o ano passado e assim oferecer a possibilidade de adquirir novas experiências através da abstracçom dos problemas imediatos, para vê-los com perspectiva e assim reflexionar sobre erros e acertos do passado para melhor reagir os embates com o capitalismo espanhol.

De momento esta EF promete melhorar a positiva experiência iniciada o curso passado. A unidade semelha um excelente caminho para @s jovens sonhadores/as ganharmos como velh@s luitadores/as.

----- -------- AUTHOR: agir_briga TITLE: Programa da EF´05 BASENAME: programa_da_efa05 DATE: Wed, 16 Mar 2005 17:24:59 +0000 STATUS: publish PRIMARY CATEGORY: EF '05 CATEGORY: Programa TAGS: ----- BODY:

SEXTA-FEIRA 18 de Março
16h30 Saída do autocarro de Ferrol.
17h30 Corunha (Sam Pedro de Mezonzo)
18h15 Compostela (Igreja do Pilar)
18h45 Ponte Vedra (Estaçom de autocarros)
19h15 Vigo (Praça dos cavalos)
19h45 Ponte Areas (Estaçom de autocarros)
20h15 Chegada a Salvaterra
21h00 Bem-vinda do Responsável Local de AGIR. Saudaçom do Responsável Comarcal de NÓS-Unidade Popular e apresentaçom do programa.
21h30 Ceia
22h00 Repichoca em O Nosso Eido

SÁBADO 19 de Março
9h00 Diana e almorço
10h00 Roteiro e charla ao ar livre com Manuel Soto (SCD)
14h00 Jantar
16h00 Seminário sobre a actividade política estudantil-juvenil
18h30 Descando.
18h45 Seminário sobre história da esquerda independentista
21h00 Ceia
22h00 Festa-concerto no Santa Sede
- Presenza Zero

DOMINGO 20 de Março
9h30 Diana e almorço
10h30 Obradoiros
14h00 Jantar
16h00 Tempo de convívio com jogos populares
18h30 Despedida e saída do autocarro

----- -------- AUTHOR: agir_briga TITLE: Programa e objectivos da EF´04 BASENAME: programa_e_objectivos_da_efa04 DATE: Sun, 04 Apr 2004 15:57:00 +0000 STATUS: publish PRIMARY CATEGORY: EF '04 CATEGORY: Programa TAGS: ----- BODY:

Sábado 3 de Abril
12h00 Chegada a Sargadelos
- Montagem das tendas
- Conhecimento do lugar
14h00 Jantar
16h00 Início das palestras
-Intervalos após de cada bloco (50 min. aprox.)
20h30 Ceia
21h30 Repichoca

Domingo 4 de Abril
10h30 Almorço
11h30 Roteiro (guiado por Bernardo Penabade)
14h00 Jantar
15h30 Jogos populares
18h00 Recolhida e saída do autocarro

Bloco I. Preparaçom e desenvolvimeto de umha campanha
1. Desenho da campanha (planificaçom, objectivos,...)
1.1. Cartaz
1.2. Elaboraçom de panfleto
1.3. Vozeiros
1.4. Meios de comunicaçom (comunicados e relaçom)
1.5. Convocatória de umha mobilizaçom
2. Organizaçom
2.1. Elaboraçom de actas
2.2. Financiamento
3. Outras estruturas
3.1. Assembleia de estudantes
3.2. Plataformas de colectivos

Bloco II. Estudantado da esquerda independentista e língua
1. O galego-português da Galiza, rompendo tópicos
2. Algumhas dificuldades básicas da nossa língua

Bloco III. Obradoiros
1. Faixas
1.1. Funcionalidade de cada tipo de faixa
1.2.Elaboraçom
2. Material
2.1. Moldes
2.2. Cartazes de estraza
2.3. Ovos

----- -------- AUTHOR: agir_briga TITLE: I Escola de Formaçom BASENAME: i_escola_de_formacom DATE: Sun, 04 Apr 2004 15:47:17 +0000 STATUS: publish PRIMARY CATEGORY: EF '04 CATEGORY: Crónica TAGS: ----- BODY:

A primeira ediçom da Escola de Formaçom, organizada em solitário por AGIR na Primavera de 2004 no Concelho marinhám de Cervo, tivo um carácter eminentemente prático. O objectivo das conferências foi o de dotar a cada militante dos conhecimentos básicos necessários para o desenvolvimento da actividade política estudantil no seu centro ou localidade.

O programa estava dividido em três blocos. O primeiro adicado a planificar e desenvolver umha campanha. Este bloco completava-se com o terceiro que consistiu num obradoiro no que elaboramos o material necessário para o agir diário da organizaçom. O segundo bloco dedicará-se exclusivamente à língua.

Mas além das palestras e talheres também houvo tempo para a celebraçom dumha repichoca na noite do Sábado e umha visita guiada às instalaçons de Sargadelos, lugar onde se desenvolverom as palestras.

O acto de encerramento correu a cargo de Bernardo Penabade, Presidente da AGAL e amigo que fixo possível a organizaçom do evento.

A experiência tirada nesta primeira Escola foi fundamental na organizaçom das seguintes ediçons, que mantenhem umha estrutura similar a sua predecesora.

----- --------