Cada dia somos mais

Cada dia somos mais

Festival Em Movimento 2007: Cada Dia Somos Mais

Organizado pela Coordenadora de Centros Sociais da Galiza, Novas da Galiza, AGAL e MDL, o próximo sábado, 5 de Maio, o Cámpus Universitário da cidade das Burgas, bem como o local da Esmorga na rua Telheira, 9, serám palco da segunda ediçom do Festival Em Movimento.

Esta grande festa da língua, cuja primeira ediçom decorreu o ano passado em Oleiros, oferecerá um grande espectáculo lúdico-reivindicativo no contexto do qual poderemos desfrutar de poesia, rádio ao vivo, curta-metragens, ruada lúdico-festiva, a proposta «Conhece o teu Mundo», bookcrossing e muitas mais cousas até encerrar com o grande concerto nocturno.

Esta actividade conta nesta ediçom com o patrocínio da Casa da Juventude de Ourense, da Universidade de Vigo, da Conselharia de Cultura e da Câmara Municipal de Ourense.

Tencionando envolver um número cada vez maior de pessoas e fazendo o apelo para todo o mundo deslocar-se até a cidade das Burgas nesse dia, a organizaçom pela segunda ediçom do «Festival Em Movimento» já tem tudo pronto.

Manifesto Cada Dia Somos Mais

Cada dia do ano que passa na Galiza há mais pessoas que acordam da «longa noite de pedra» e conseguem somar-se ao projecto reintegracionista. Porque cada dia somos mais as que sabemos que o futuro do galego passa polo NH e o LH. Porque cada dia somos mais as que estamos fartas de ver como fracassam os projectos normalizadores e normativizadores feitos polo governo duma perspectiva espanholista, esbanjando cifras astronómicas de dinheiro público. Porque cada dia somos mais as que sabemos que o galego só faz sentido num contexto de lusofonia.

Por estes e muitos mais motivos, hoje na Galiza estám a crescer os projectos de normalizaçom desde a base, estamo-nos a referir à criaçom e multiplicaçom dos Centros Sociais. Este tipo de projectos som fulcrais para a socializaçom do ideal reintegracionista, som os projectos que trabalham desde a rua e para a rua numa autêntica normalizaçom , e som os projectos que nos unem como pessoas e nos agrandam como colectivos.

Cada dia neste País há alguém que percebe que pode viver em galego: e isto faz-nos sentir grandes e fortes!!

Escrito em 01-05-2007, na categoria: Programaçom
Chuza!

Sem comentários ainda

Mais um ano e mais um Festival da Língua Em movimento!

Em 2007 "Cada dia somos mais!"

A actividade nasceu com o I FESTIVAL DA LÍNGUA "Galiza é o nome do País", um projecto ideado e lançado pola Coordenadora Galega de Centros Sociais, o Movimento Defesa da Língua, a Associaçom Galega da Língua e o Novas da Galiza que teve lugar em Oleiros a 20 de Maio de 2006

Busca

  Feeds XML

powered by b2evolution free blog software