O acto começará às 20h00 com a apresentaçom da A.C. Foucelhas e, a continuaçom, o historiador e director da revista Murguía, Uxío-Breogán Diéguez, dará umha palestra com o título ?O nacionalismo galego diante do Golpe militar e o Franquismo (1936-1975). Resistência na comarca de Ordes.? Umha vez rematada, o grupo de pandereteiras Bouba dará início à foliada com a que se pechará a jornada.

A associaçom Foucelhas formamo-la um grupo de jovens da comarca de Ordes aguilhoados da preocupaçom que nos causa a forma estancada e institucionalizada da actividade social in/existente no nosso contorno. Nascemos com ánimo de potenciar e dinamizar a luita e protesta social, a denúncia das injustiças e a participaçom democrática verdadeira de todo o povo.

Queremos convidar-te a este começo de andaina da A.C. Foucelhas que tem sempre as portas abertas a novas ideias e a gente com ilusom por fazer cousas.