Na linha de recuperaçom da memória histórica da A.C.Foucelhas acabamos de publicar um caderno que narra o acontecido nas festas patronais de Ordes do ano 1935 quando em plena IIª República o presidente da cámara municipal, o monárquico António Concheiro Igrejas, intenta boicotar as festas populares convertindo-as num treinamento do que serám as festas de adoutrinamento nacional-católicas durante o franquismo. Um grupo de jovens organizados em torno o ?Bloco da Juventude?, que acolhia a republicanos, socialistas, comunistas e nacionalistas galegos da comarca, dará-lhe resposta a tais provocaçons, iniciando umha onda de indignaçom que chegará à capital do estado e provocará um juízo militar. Com o golpe fascista de 1936, esse grupo de jovens que chegara ao poder municipal com a Frente Popular é retaliada com dureza: onze deles serám fusilados, e ?os mais afortunados?, como Manuel Garcia Gerpe, exilarám-se após combater com a República e passar polos campos de concentraçom franceses.

O caderninho está à venda por só um euro, mas também se pode descargar em pdf.

As Festas de Santa Maria de Ordes de 1935_capa e Contra-capa

As Festas de Santa Maria de Ordes de 1935_interior

Paralelamente editamos dous dípticos sobre os guerrilheiros mais respeitados na comarca e no país: Benigno Andrade Garcia ?o Foucelhas? e Manuel Ponte Pedreira. Para o primeiro tomamos o texto elaborado polas companheiras e companheiros da Comissom de Memória Histórica da Gentalha do Pichel, que reeditamos para distribuir pola comarca de Ordes, e para o segundo elaboramos um texto próprio. Os dous dípticos podem-se descargar em pdf aqui: (Foucelhas, Manuel Ponte) e também se pode encontrar nos estabelecimentos de Ordes nos que se repartirám grátis. Proximamente publicaremos os textos neste mesmo blogue.

Díptico_Manuel Ponte

Díptico_Benigno Andrade Foucelhas