Às 20h00 no IES nº 1 de Ordes inauguraremos a expossiçom sobre Joám Jesus Gonaçales, cedida pola AC O Fervedoiro de Cúntis, com umha palestra de Héitor Picallo, autor do livro Xohán Xesús González: un precursor do soberanismo galego.

Joám Jesus Gonçales foi canteiro, jornalista, escritor, activista cultural e político, até que o fascismo o assassina em 1936 quando defendia a República com "Terço de Calo". A ele deve-se-lhe a primeira formulaçom de um partido político nacionalista e socialista, a Uniom Socialista Galega, após abandonar o PSOE por considerá-lo demasiado espanholista. Defendeu ideias como o independentismo, o socialismo, o feminismo, o lusismo e mesmo era antitaurino e anti-intelectualista.

Em Ordes levou a cabo iniciativas como a da criaçom de umha biblioteca circulante para permitir-lhe o acesso aos livros aos nossos labregos e labregas, e deu no antigo Teatro Troche um mitim pola autonomia galega, além de outros mitins a labregos de Frades e Oroso durante a IIª República.