Quem leva o nome das nossas ruas? Alfonso Senra

Quem leva o nome das nossas ruas? Alfonso Senra

13-04-2010

A principal rua de Ordes, chama-se ?Avenida Alfonso Senra?, incumprindo a Lei 52/2007 do 6 de Dezembro, conhecida como ?Lei da Memória Histórica?, que no seu artigo 15: ?Símbolos e monumentos públicos?, indica que ?As Administraçons públicas, no exercício das suas competências, tomarám as medidas oportunas para a retirada de escudos, insígnias, placas e outros objectos ou mençons comemorativas de exalçamento, pessoal ou colectivo, da sublevaçom militar, da Guerra Civil e da repressom da Ditadura. Entre estas medidas poderá incluir-se a retirada de subvençons ou ajudas públicas?. Com certeza, o seu nome nom foi eliminado das nossas ruas quando se mudárom os nomes das demais ruas de nomenclatura
franquista por ignorar quem foi realmente Alfonso Senra.

Alfonso Senra nom só foi durante a Iª Restauraçom o deputado polo distrito de Ordes ?com a ajuda do cacique comarcal Saturnino Aller, de Messia?, senom que jogou um papel central na repressom franquista. Já em 1932, com motivo do golpe de estado do general Sanjurjo, o ex deputado por Ordes dedicará-lhe ao golpista qualificativos de ?caudillo? ou ?ejemplar único de la raza?, em encendidas defesa. Já no golpe de Franco, assumirá um importante posto no Tribunal de Responsabilidades Políticas, encarregado de retaliar as mais altas autoridades da República: assim, em 1941 condena ao ex presidente Niceto Alcalá Zamora (http://www.gonvi.com/elmirador/niceto9.htm). Meses antes sentenciara ao catedrático Sánchez Albornoz (http://usuarios.multimania.es/asocmanuelazana/prensa.htm), que seria presidente da República no exílio. O historial de Alfonso Senra nom é, pois, o de um franquista qualquer, senom o de umha das grandes autoridades fascistas. Em 1940 reune-se com o sanguento Paul Winzer, nazi e chefe da Gestapo em Madrid (http://hemeroteca.abc.es/nav/Navigate.exe/hemeroteca/madrid/abc/1940/12/03/005.html). A colaboraçom do nazi com o regime franquista seria fundamental, especialmente na construçom do campo de concentraçom de Miranda de Ebro, polo que passariam uns 65.000 presos políticos até 1947.

O nome de Alfonso Senra está, dum jeito ou outro, bem unido à barbárie: assim se chamava também o vapor militar fondeado em Rianjo ?após os golpistas assassinarem a tripulaçom de esquerdar? no 14 de novembro de 1937, com mais de mil presos políticos da fronte de astúrias, e que se convertiria num campo de concentraçom pola que passárom uns três mil homens. E ainda seu filho protagonizaria umha brutal cena de violência machista assassinando sua namorada.

A história da rua

Ordes cresceu muito com a construçom da estrada Corunha-Santiago a finais do século XVIII. Ao seu passo pola vila, recebia o nome de ?Calle Real?. Por ela passou o general Porlier até o Mesom de Deus, onde pernoctou e foi feito prissioneiro. E também a atravessou Solís durante a Revoluçom Galega de 1846; e ainda volveriam a atravessá-la em direcçom Carral umha vez detidos os membros do Exército Libertador da Galiza, livrando-se só de ser executados em Ordes por nom estarem presentes as autoridades competentes, o que obriga a levá-los até o vizinho Carral.

NOTA: A ilustraçom de Alfonso Senra é de Xan Ferreiro Boquete, e tirada do tríptico de Obradoiro da História, "Alfonso Senra. Deputado a Cortes polo distrito de Santa Maria de Ordes".

Escrito ?s 12:37:58 nas castegorias: MEMÓRIA
por ordes   , 493 palavras, 1118 visualizaçons     Chuza!

Endereço de trackback para este post

Trackback URL (clique direito e copie atalho/localizaçom do link)

Sem comentários ainda

    Março 2024
    Seg Ter Qua Qui Sex Sab Dom
     << <   > >>
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    A Associaçom Cultural Foucelhas pretender coordenar a constituiçom de um centro social para a comarca de Ordes, que sirva de "base de operaçons" para todo tipo de actividades de defesa do nosso. Organiza-se de forma assembleária e está aberta a todo o mundo. Podes contactar através do correio foucelhas.ordes@gmail.com

    Busca

free blog software