Com motivo da ?Festa do Champiñón? que se celebra nesta fim-de-semana, a Associaçom Cultural Foucelhas edita umha banda desenhada do artista ordense Pedro Fernández Faya, intitulada ?...De como nun concello onde non hai champiñóns, celébrase a festa do champiñón?. Umha aceda e delirante crítica a que em Ordes se celebre a festa dum produto que nom se produze na comarca, própria do género de escárnio e a tradiçom anti-caciquil. Durante toda a fim-de-semana a A.C. Foucelhas repartirá grátis mil exemplares da banda desenhada.

O autor, Pedro Fernández Faya, é um artista de Ordes que trabalha como técnico de impressom de La Voz de Galicia. Expujo a sua obra pictórica, na que destaca a paisagem galega, no Pub Arcos e no Centro Comarcal de Ordes. Na banda desenhada alternativa publicou ?O señor dos tornillos? parodiando a Tolkien, e um par de fanzines: ?Invasión vikinga? e ?Gran Hermano vikingo?. Colaborou também no terceiro número de Segrel, Revista Literaria da Terra de Ordes, editada no verao de 2006. Agora publica com a A.C. Foucelhas esta banda desenhada que bem podemos qualificar como de escárnio e maldizer, na tradiçom da crítica anti-caciquil galega.