Categoria: ACTIVIDADES

Ceia-colóquio: "A Transiçom em Ordes através da experiência da AC O Terruño"

01-12-2010

No sábado 11 de dezembro começamos um ciclo de ceias-colóquio arredor de distintas experiências militantes na comarca de Ordes nas últimas décadas. A primeira -às 20h30 na Casa da Cultura de Ordes, com ceia posterior- será da mao de Lola Ferreiro, quem nos falará da Transiçom na comarca de Ordes através da experiência da Asociación Cultural O Terruño.

As ceias-colóquio serám organizadas por Foucelhas, Lucerna e A Revoltaina, tendo a ideia de juntar material para fazer um livrinho com todo o material juntado e as experiências que nos narrem.

Breve história da A.C. O Terruño

A Asociación Cultural O Terruño nasce em Ordes no ano 1975, legalizando-se dous anos depois e levando umha actividade constante até 1984.

O nome "O Terruño", herdárom-no do jornal anticaciquil El Terruño, que durante o ano 1903 se publicou em Ordes, mantendo umha boa relaçom com os galeguistas da época, publicando-se nas suas páginas mesmo um poema de Aurélio Ribalta.

Entre as suas actividades contam-se várias palestras sobre temas tam candentes na época como o aborto, contando com umha mui numerosa participaçom. Nos anos 1979, 1980 e 1984 organizam a Feira da Cultura Popular Galega, com artesania, livros, música e teatro.

Publicárom também cinco números do Boletín Informativo da A. C. O Terruño, e um monográfico sobre Manoel António em 1979. Revista com uns conteúdos mui críticos, de denúncia social, memória histórica, etc.

Escrito às 13:22:16 nas castegorias: ACTIVIDADES
por foucelhas Email , 220 palavras, 1348 visualizaçons   Português (GZ)   Chuza!
Este Sábado, curso da Escola Popular Galega

01-12-2010

Neste sábado, dia 4 de dezembro, a Escola Popular Galega em colaboraçom com Foucelhas realizará em Ordes -na Casa da Cultura- o seu segundo curso sobre história da Galiza, sob o título "Três achegas à história da Galiza", com as seguintes ponências:

11h30. "Da Gallaecia romana ao Reino Suevo". Por Duarte Abade, especialista em História Medieval.

13h00. Descanso para o jantar (rogamos que quem queira vir avise para fazer umha estimaçom)

16h00. "Marxismo e libertaçom nacional desde a década de 60". Júlio Teixeiro, Grupo de Estudos Mádia Leva.

18h00. "O fracasso dumha direita galeguista. O caso Franqueira". Tiago Peres, especialista em História Contemporánea.

Aguardamos-vos!

Escrito às 12:54:32 nas castegorias: ACTIVIDADES, HISTÓRIA
por foucelhas Email , 102 palavras, 313 visualizaçons   Português (GZ)   Chuza!
Hoje charla de Miquel Amorós em Cerzeda

15-10-2010

O pensador anarquista Miquel Amorós dará hoje umha palestra na biblioteca municipal de Cerzeda, às 20h30, sob a legenda “Princípios do antidesarrolhismo”. Nela exporá a sua crítica à sociedade industrial e ao conceito de “desarrolhismo”, cujas consequências se palpam especialmente no concelho de Cerzeda, no norte da comarca de Ordes: os maiores orçamentos municipais da Galiza em troques de armazenar o lixo de todo o país, a chantagem dos postos de trabalho em troques de queimar o carvom mais poluinte.

Leia mais »

Escrito às 13:25:14 nas castegorias: ACTIVIDADES
por foucelhas Email , 235 palavras, 881 visualizaçons   Português (GZ)   Chuza!
Amanhá, roteiro de estrelas por Buscás com David Bruzos

03-09-2010

Depois do tempo de Verao em Foucelhas retomamos as actividades. Se o clima o permite, neste Sábado (4 de Setembro) celebrará-se na paróquia de Buscás um roteiro de estrelas com David Bruzos, professor de Física que o ano passado exerceu no I.E.S. nº1 de Ordes. O objectivo é que grandes e pequenos conheçam questons básicas sobre astronomia que permitam depois desfrutar dos céus de Verao. Às 21h30 começará umha projecçom explicativa no local social de Buscás, para sair polo monte da zona por volta das 22h30. As recomendaçons: vir abrigad@s, trazer lanterna, e gana de aprender passando-o bem!

Escrito às 17:42:09 nas castegorias: ACTIVIDADES
por foucelhas Email , 97 palavras, 786 visualizaçons   Português (GZ)   Chuza!
Este domingo, Festa do 79 Aniversário da Proclamaçom da República Galega

22-06-2010

O jantar, com produtos dos nossos labregos e labregas, inclui 1º e 2º prato, postre e água, por só 12 euros. As reservas podem-se fazer desde já chamando a este número 620 599 007 (Bocixa) ou enviando um correio electrónico a aclucerna@gmail.com. Anima-te a vir!

Leia mais »

Escrito às 02:19:21 nas castegorias: ACTIVIDADES
por foucelhas Email , 494 palavras, 1193 visualizaçons   Português (GZ)   Chuza!

1 2 3 4 5 6 7 8 9 10 >>

    Agosto 2014
    Seg Ter Qua Qui Sex Sab Dom
     << <   > >>
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    A Associaçom Cultural Foucelhas pretender coordenar a constituiçom de um centro social para a comarca de Ordes, que sirva de "base de operaçons" para todo tipo de actividades de defesa do nosso. Organiza-se de forma assembleária e está aberta a todo o mundo. Podes contactar através do correio foucelhas.ordes@gmail.com

    Busca

powered by free blog software