A noite do 23 para o 24 de Julho tem lugar umha das festas com mais tradiçom na Galiza. Umha festa pagá que coincide e celebra o soltício de Verao (a noite mais curta do ano). Festa que posteriormente foi assimilada polo cristianismo e que hoje conhecemos com o nome de "noite de Sam Joám".

Continua:

É a noite da cacharelas, cachelas, fogueiras ou lumeiradas. O Sam Joám é umha festa com grande seguimento e participaçom cidadá, ao longo de toda a geografía galega celebra-se sem excepçom. Todo começa a pôr-se a andar nos días prévios; as associaçons vicinais e sociais, todas as pessoas levam a cabo os preparativos para umha das noites mais concorridas do ano.

As cacharelas proliferam em toda a cidade e comarca e nom há pracinha, vizinhança, bairro, paróquia ou aldeia que nom faga gala da famosa sardinhada e cacharela com a correspondente festa rachada.

O Sam Joám deve ser das poucas festas da nossa cultura que ainda fica em maos do "poder popular" que é quem organiza, executa e desfruta dela.

Por isto, polo facto de ser umha grande festa tradicional, enraizada na nossa cultura, com grande seguimento do povo, umha festa onde toda a gente desfruta, nom podemos compreender por que carece do carácter de dia feriado que lhe corresponde.

Da Gentalha do Pichel reivindicamos a necessidade de se respeitar esta data como dia nom laborável dado que é umha celebraçom com grande seguimento e que merece ser vivida como tal, sem a limitaçom de termos que trabalhar no dia a seguir.

Por um maior respeito às nossas festas:
O "SOLSTICIO" DE VERAO NO NOSSO CALENDÁRIO!! 24 de junho feriado!!!!!