Sábado 25, dia da pátria
QUEIMADA, PETISCOS E A CANTAR!!!
Apresentamos o disco duplo GAITA ARMADA, umha compilaçom de músicas populares para serem cantadas nas festas (disco "Gaita") e outra de músicas patrióticas representativas da nossa história recente ("Armada").
Para a foliada guitarreira em que celebraremos a saida à rua do novo CD do Estaleiro do Som contaremos com:
Xurxo Lois Varela
violagambista e cantor de ferrol
Manolo Bacalhau
músico trasanques e ex-componhente de SARAIBAS
Ana Ribeiro cantora
da Associação José Afonso desde Portugal
e mais intépretes por confirmar chegados de cada comarca do país
O GAITA ARMADA quer ser ferramenta para umha das mais belas, úteis e nutritivas expressons de umha cultura que teime em continuar a existir: o canto. Nom o canto de cenários, nom o canto da SGAE. O canto de taberna, de descanso no roteiro, de ceia de companheiras, de sobremesa de churrascada, de noite de camaradagem, de barrantes derramado a golpes na mesa. Um canto imperfeito, sem letras nítidas e afinaçom em sol nascente. Umha desordem sonora que sem desprezar a beleza do bem cantado acentue a colectividade.
Os critérios forom 7: em galego, de classe, nom sexista, combativo, cantável, popular, femenino.
Entregamos música, letras e acordes.
Nom há excusa já. A cantar.
Na Galiza, o processo de encaixar os distintos elementos da gaita para começar a toca-la chama-se ?armar a gaita?. Quando está a Gaita Armada começa a festa, e é a nossa intençom que ademais comece a luita.
Umha gaita desarmada pode ter três roncos; pode condenar a cultura ao folclorismo; pode sumerger em formol toda umha etnia. Mas nós queremos que dispare, que descarne e que mutile ao inimigo. Nom queremos música inerte e museística, queremos umha Gaita Armada.
Em 1979 os irmaos Mejía Godoy (Carlos e Luis Enrique), nicaraguanos e sandinistas, editam um disco de culto chamado ?Guitarra Armada? junto com o grupo ?Los de Palacagüina?. As dirigentes sandinistas tenhem reconhecido publicamente que aquelas liçons musicais de luita guerrilheira difundidas pola Radio Sandino forom umha das chaves da vitória. Galiza também quer ganhar, e para isso achegamos a Gaita Armada
Escrito em 22-07-2009,
na categoria: Notícias
|
que boa pinta tem isto! Umha pena que estou um pouco longe. Saúde.
EU QUERO UM DE ESSES!!!
Tremendo currazo vos pegachedes (coma sempre)… PARABENS!!!
EU QUERO PARTE DOS DEREITOS DE AUTOR!!!
ALO ESTAREMOS TODOS!
E LUISA TAMBÉM VEM!
onde está o centro nacional-popular esse?
está perto da taberna do Antelo?
Parabens a todos! Segundo os meus informadores, o disco consta de temas antológicos e umha cuidada maquetaçom. Haverá que ouví-lo! ;-)