Esta sexta a gentalha organiza um obradoiro de brinquedos feitos apartir de materiais de refugalho, dirigido por umha educadora ambiental da associaçom ecologista adega. Já sabedes que o apalpador gosta especialmente dos presentes feitos a mao, assim que esta sexta é umha boa oportunidade para ver algumha das ideias de presentes que se podem fazer com aquelas cousas que temos mais perto. Chegade-vos polo local às 21h00 e comprobade-o.

Este mês o ingrediente principal do jantar temático será o repolo. Dá-lhe voltas à cabeça para decidir como o prepararás e passa polo pichel este sábado às 14h30.

Leia mais »

A associaçom cultural a Gentalha do Pichel organiza umha palestra-debate em que contará com a presença de José André Lopez Gonçales, autor do primeiro estudo publicado onde se recolheu a existência desta figura do folclore popular galego, e que por vez primeira falará sobre está questom em público na Galiza.

O acto terá lugar a vindoura quinta-feira 17 de Dezembro às 20h30

A nossa intençom é aprofundar num melhor conhecimento desta tradiçom, para o que contaremos com a presença do “descubridor” do Apalpador, que falará sobre a sua investigaçom.
Mas também haverá lugar para valorizar a situaçom actual da tradiçom e a sua recente difusom fora do contexto geográfico onde conseguira sobreviver e permanecer. Difusom que em boa medida é atribuível à actividade da Gentalha do Pichel e outras associaçons culturais do país, e que recentemente se viu reforçada pola acçom dalgumhas cámaras municipais como Compostela ou Corunha.