O passado sábado tivo lugar o jantar temático número 50, nesta ocasiom dedicado às melhores receitas.Aí vam algumhas fotos.

Leia mais »

PAPA CHURRASCO.
(Churrascada contra o papa. sábado 2 de outubro às 22h00)

Entradas variadas, churrasco, cachelos, salada, bolo de bolachas e vinho a fartar. 15€*

O dinheiro reunido nessa noite será destinado a pagar as NOVAS CASAS DE BANHO do Pichel (que estám mui bem mas fôrom caríssimas)

A Gentalha do Pichel quer expressar o seu apoio à Greve Geral convocada o 29 de Setembro, em contra da piora das condiçons laborais dos trabalhadores e trabalhadoras do nosso país. Por essa razom o Centro Social nom terá atividade pública esta quarta feira. No entanto, o Pichel oferta as instalaçons para qualquer tipo de assembleia, acto ou trabalho de agitaçom relacionado com esta jornada.

Este sábado 25 de Setembro a Gentalha participará na apresentaçom do novo livro de Séchu Sende, Animais, com umha intervençom na defesa das Branhas do Sar. Será às 19h00 na livraria Couceiro. Queremos agradecer a Séchu o convite e o seu compromiso com o meio, e felicitá-lo pola publicaçom do seu novo livro.

Parece mentira, mas a de setembro é a 50º ediçom dos jantares temáticos organizados pola Comissom de Meio da Gentalha. Ovos, cenoura, tomate, massa, espargos, cabacinha, beringela, cebola,... som alguns dos ingredientes com os que, durante estes mais de cinco anos, elaboramos as nossas especialidades.
Para este jantar número 50, nom há um ingrediente temático. Trata-se de elaborar a melhor receita do teu repertório, aquela com a que surpreendes os/as amigos/as. Fai-no e vem compartilhá-la connosco este sábado às 14h00.

Leia mais »

POLITOXI COMA NOS
+ COMANDO ROBALISA

MYSPACE DE COMANDO ROBALISA

Às 22h00

Este artista fijo-nos chegar a sua galeria de lindíssimas fotos. Obrigad@s!
Para a verdes completa, é só clicar na imagem.

Já sabedes que se queredes ampliar a outra galeria, nom tendes mais que enviar-nos as vossas fotos.

Se ainda nom assinastes o manifesto contra a visita do papa... a que esperades??

E o 2 de Outubro... a papa(r) churrasco!

O próximo dia 2 de Outubro, às 22H00, churrascada anticlerical contra a visita do papa. Churrasco a fartar, bar aberto (em esp. "barra livre") de vinho e muitas cousas mais...
Podes comprar o bono no Pichel (AFORO LIMITADO) por 15 eurinhos ATÉ O DIA 29 DE SETEMBRO.

Depois do verao, de semana e meia de voluntariado no balcom, das festas do bairro e das obras nas casas de banho, o nosso local está FATAL (de limpeza e ordem, entenda-se). Deveríamos adecentá-lo quanto antes, porque vem a época dos cursos, das apresentaçons de comissons, etc.
Este SÁBADO À TARDE, A PARTIR DAS 4H30, VAMOS TENTAR FORMAR UM GRUPINHO DE PESSOAS PARA TRABALHAR. Contamos contigo....

A Comissom de Meio da Gentalha do Pichel acabou de publicar umha nota de imprensa em que denuncia que a Cámara Municipal continua a minimizar a difusom do Plano Especial das Branhas do Sar: a consulta deste documento custa 26 €. A seguir podedes consultar o texto completo.

Leia mais »

Esta sexta feira, às 20h30, conversaremos com os vizinhos do Sar Quico de Picanhos e Santi Martínez num percorrido pola história das Branhas atravês da sua experiência pessoal. Será no bar Marmolo, na Rua do Sar.

A partir desta semana e até final de mês a exposiçom sobre as branhas elaborada polos coletivos a Gentalha e Verdegaia poderá-se visitar nos bares Mañoso e Marmolo, na Rua de Sar.

A Rede Galiza nom se vende, da que a Gentalha do Pichel fai parte, vem de publicar um manifesto contra os lumes forestais, que disponibilizamos a continuaçom

Leia mais »

Apesar do incessante agir do comando táctico encarregado da construçom dos "Gaitas Armadas", lamentamos comunicar que a condiçom de semi-clandestinidade e a abafante pressom das autoridades impede a fabricaçom normal deste produto. Em consequência, som poucos os exemplares que ficam a disposiçom da malta exaltada.
Como nom espabiles, ficas sem ele.
Um conselho para ir saciando a sede de música de intervençom:
http://blocosac2.blogspot.com/