Como cada começo de curso, combinamos no centro social para limpar até o ultimo cantinho do centro social. A jornada de limpeza será o 1 de Outubro.

Ide preparando as agendas porque os cursos da Gentalha estam quase pontros!!
Como todos os anos começaremos na segunda semana de outubro e entre os cursos que ofertaremos este ano podemos adiantar-vos os seguintes: dança iniciaçom e aperfeiçoamento, pilates, baixo eléctrico, coro, italiano, catalam, acordeom diatónico, música para peto, gaita, esgrima, capoeira e pode que ainda algúm mais!
Os preços variaram por curso, mas o que fica igual som os descontos: 2€ menos para as pessoas associadas e aquelas que vaiam a mais de um. Também nom cobraremos matrícula.
Ficade atentas ao blogue, em breve subiremos mais informaçom!

Amanhá sexta feira, a Escola de Ensino Galego Semente abre de novo as suas portas às 18h. Estades todas convidadas, mas especialmente aquelas de vós que tenhades entre 3 e 6 anos. Vide desfrutar dos espectáculos de globofléxia e conta-contos a cargo de Nílson Leite e Maria da Pontragha!

A Semente abre umha convocatória pública para duas vagas de trabalho na escolinha e na ludoteca. Enviar currículos a curriculos@sementecompostela.com antes de 30 de Setembro.

Trabalhador/a a jornada completa:

Requisitos

* titulaçom mestre infantil
* compromisso ativo com a língua e qualidade na sua expressom oral

Valorizará-se:

* formaçom em questons de género
* titulaçom de técnica superior em educaçom infantil
* participaçom em movimentos sociais
* experiência
* vinculaçom com o projeto Semente
* conhecimento doutras línguas (inglês)

Trabalhador/a meia jorndada:

Requisitos

* Formaçom relacionada com a educaçom e a animaçom social (mestre, educadora social, psicopedagoga, técnica superior em educaçom infantil, técnica superior em animaçom sociocultural)
* compromisso com a língua e qualidade na sua expressom oral

Valorizará-se:

* formaçom em questons de género
* participaçom em movimentos sociais
* experiência em animaçom
* vinculaçom com o projeto Semente
* conhecimento doutras línguas (inglês)

O próximo sábado às 20h00, terá lugar no c.S. O Pichel, a palestra intitulada "Diário dumha ativista do GAP na Palestina", onde umha integrante do Grupo de Acçao Palestina do Porto se deslocará a Compostela para nos fazer partícipes das suas experiências na sua viagem a Cisjordánia. Nom o perdas!

Continuamos com o objectivo de disponibilizar no nosso centro social diversas publicaçons dos movimentos populares do País. Nesta ocasiom encadernamos a primeira etapa do Terra Livre (AMI), até o número 23 do Voz Própria (NÓS-up) e a totalidade do histórico "Informaçom Obreira".

Este sábado 17, às 16h00, terá lugar no C.S. O Pichel a Assembleia Geral da Gentalha. Acode e participa!

GARGANTAS DE COMPOSTELA...
TOMBAI ATÉ A BERENGUELA
A GAITA ARMADA ENCHE O FOL
DE AGUA DO SAR E SARELA

NUMHA TASCA SEM TURISTAS
CANTANDO DE MADRUGADA
SOPORTAREMOS AS CUNCAS
DA DERRADEIRA RODADA

SE ESTAS INTERESADA EM FAZER PARTE DO CORO, COMEÇA POLAS AULAS DE CANTO
GAITAARMADA@GMAIL.COM

este sábado @s amig@s do refugio de bando estarám no pichel celebrando o II Cancerto solidario.
será a partir das 21h00 e a entrada é de 3€
aqui o programa:
1.Charanga Folhas Novas: 22h00

2.Maribel e vídeos refugio: 22h35

3.De Pícaros e fotos Refugio: 22h50

4.Pandereteiras Bouba: 23h25

5.Davide Salvado acompanhado dos músicos Gon á guitarra e Toni á percussom: 24h

Durante a tarde da próxima sexta feira dia 16, entre as 17 e as 21h, e a manhá de sábado, entre as 11h e as 14h, a Semente abre as suas portas para que a venhas conhecer.

As pessoas que andamos a trabalhar nisto estaremos no local, situado na rua Salvadas nº 47, celebrando a iminente abertura da primeira Escola de Ensino Galego.

Queremos partilhar contigo este momento, queremos que vejas as instalaçons, que conheças o projeto e que te animes a colaborar e a enriquecê-lo da maneira que melhor achares.

Esperamos-te!

Andamos novamente a sementar.

A colheita desta nova espécie será no outono.

Daqui a novembro precisaremos muitas maos a trabalhar, mimar e alimentar esta terra fértil de onde agromará um dos alimentos mais indispensáveis para a vida...

Falamos de umha escolinha chamada Semente que a Gentalha do Pichel está a constituir. Umha escolinha que pretende ser a primeira pedra da Escola que queremos e precisamos, que pretende ser o alimento que a nossa língua e a Galiza necessitam para continuar a viver.

A Semente quer ser umha escola galega, laica e crítica com um lugar próprio no ámbito da educaçom, a língua e a culturas galegas, e que aspira a conformar, junto com as outras escolas que forem nascendo depois desta, a Escola Nacional da Galiza.

Nom estamos a falar de um projeto ideal, mas de umha escola que já existe e que está situada no bairro de Vista Alegre; que tem 200 m2 de instalaçons, umha horta e umha cozinha e que está dirigida a crianças de 2 a 6 anos; que precisa de reformas nas casas de banho e que tem umha renda mensal que já estamos a pagar.

Precisamos de apoios em forma de trabalho, de ánimos, de formaçom... e especialmente agora, em forma de dinheiro.

Nom estavas à espera de esta notícia?

Precisamos de ti.

contato semente: sementecompostela [arroba] gmail [ponto] com

número de conta: ncg 2080 0316 29 3000242136

ficha de inscriçom

Facebook Semente

Web