Como vemos Gacham ganhou o premio ao melhor disfarce mas o resto nom tinham desperdicio...

Leia mais »

A próxima quarta feira dia 2 começa o curso na Semente. Fôrom meses de duro trabalho, mas em Novembro abre a primeira Escola de Ensino Galego do século XXI!
Continua a haver muito trabalho que fazer, assim que se gostas desta iniciativa e queres colaborar integrando-te na comissom da Semente, podes fazê-lo enviando-nos um mail ou simplesmente vindo polo Pichel para informar-te. Serás mui bem recebida!

Leia mais »

Da Comissom de Local da Gentalha do Pichel estamos tratando de configurar, pola primeira vez na nossa história, umha programaçom de atividades mensal.

Se tiveres um grupo de música, teatro, se sabes contar histórias ou quigeres expor a tua obra no nosso local nom tes mais que ligar para nós para arranjarmos um sítio na nossa agenda.

Lembra, isso si, que a nossa é umha organizaçom sem ánimo de lucro e que por esta razom nom podemos pagar cachés nem semelhantes. Na nossa casa cobrarás integramente as entradas que venderas e nós convidamos-vos a algo de beber e a algo para petiscar.

Outra cousa, devido à nossa má relaçom com a máfia da SGAE, pedimos-vos que o que venhades expor seja em licenças Creative Commons, ánti-copyright, no-copyright ou copyleft para evitarmos e evitar-nos problemas com esta tropa.

Por último, a nossa equipa nom é a melhor do mundo mas é bem arranjadinha. Contamos com umha PA de 8 pistas, 2 altifalantes auto-amplificados de 250W, 1 monitor de cenário de 100W, 5 microfones (dos quais 2 som Shure SM58), pés de micro e cabos para toda esta aparatagem e algum mais.

Nom perdas ocasiom e vai reservando a tua data no nosso mail!

Começa o ciclo ‘Arruma-te e aconchega-te com o teu bebé’. Neste ciclo de obradoiros, reflectiremos sobre a psicomotricidade dos bebés, aprenderemos a fazer roupinhas para eles, prepararemo-nos para sermos pais falando com pessoas que já o som, faremos umhas barrigas de escaiola e massajaremos os nossos bebés para que se sintam relaxados e felizes!

Todos os obradoiros serám ás 11h00 e o preço será de 10 euros cada um.

Se queres participar, confirma, na medida do possível, no correio: info[arroba]sementecompostela.com

A Comissom de Língua da Gentalha acabou de editar uns bonos fac-símiles que recolhem o artigo de Ángelo Casal publicado no ano 1923 em A Nossa Terra. O artigo, que surpreende pola sua vigência quase 90 anos depois de ter sido escrito, está acompanhado de um dos muitos anúncios que na altura fôrom publicados apelando à solidariedade económica com o projecto das Escolas de Ensino Galego.

O bono inclui num lateral a frase:
EU COLABOREI COM 20 € NA ABERTURA DA PRIMEIRA ESCOLA DE ENSINO GALEGO DO SÉCULO XXI

É umha ediçom limitada de 30 exemplares. Se queres reservar um, podes enviar um mail ou ir polo Pichel. Ficam poucos!

Já sabedes, às 14h00 podedes trazer as vossas melhores especialidades. Mas desta vez... verdes!

@S AMIG@S NEM SE COMPRAM, NEM SE VENDEM, AJUDAM-SE.

Semente Compostela necessita 15.000 € para manter a escola durante este ano.

Hoje somos mais de 1.400 @s amig@s da Semente no facebook e mais de 3.400 no da Gentalha. Se cada um dos amigos ajudamos metendo 10 € na conta de Semente podemos conseguir 14.000€ para um projecto de que gostamos.

A conta é: 2080 0316 29 3000242136

coloca no teu muro esta iniciativa e multiplicaremos @s amig@s de Semente!

Musicas para peto from Ariel Ninas on Vimeo.

sementecompostela.com
info@sementecompostela.com
salvadas nº47·vista alegre · compostela

Leia mais »

Baixo o título "Umha escola para nos fazermos grandes" a Gentalha do Pichel organiza os vindouros dias 7 e 8 de Outubro umhas jornadas de análise sobre o ensino popular. Durante estes dous dias vários especialistas analisarám, desde a perspectiva histórica, jurídica e prática, a viabilidade dum ensino galego e nom estatal e as suas potencialidades num contexto sociolingüístico como o actual, onde a escola pública continua a ter um papel claramente desgaleguizador entre amplos sectores da juventude. Ademais estas jornadas adiantam-se umhas semanas à abertura em Compostela da escola comunitária A Semente, prevista para Novembro, coa intençom de contribuir para este projecto fornecendo de ferramentas teóricas todas as pessoas implicadas ou interessadas (pais e maes, docentes...). Neste sentido, e para conhecer de primeira mao projectos similares, as jornadas tratarám a experiência das Ikastolas navarras e contarám coa presença de Manu Gomez Genua, docente e promotor do projeto Txikiak Handi.

As jornadas dessenvolverám-se no Centro Social A Gentalha do Pichel sito na rua Santa Clara nº13 e o programa será o seguinte:

Leia mais »

A CONTINUAÇOM TODA A INFORMAÇOM:

Leia mais »