E ao abrir puidemos admirar umha nova imagem corporativa!

Renovada, mais moderna e icónica. Mais fiel ao que realmente é um pichel. Com umha tipografia menos vista.
Comentava o Apalpador numha nota em .txt:
"Todas vamos, com o tempo, gostar dela e valorar as suas virtudes. Igual que quando estreias sapatos: primeiro podem ser desconfortáveis mas depois amolecem e ficam bem"

Aqui podedes lembrar como foi a sua visita no ano passado:

Desta feita o Apalpador fará duas visitas, para que mais criancinhas podam estar com ele!

às 18h00 estará na SEMENTE, onde conhecerá as criancinhas que estám a estudar e brincar na primeira Escola de Ensino Galego. E também agradecerá a esses pais e maes o apoio que estám a dar a tam importante projeto educativo!

e....

às 18h30 estará no PICHEL, com as crianças que já conhece de todos estes anos. Nom podia faltar.

Como sempre, irá acompanhado de todas as suas ajudantas e ajudantes, que levarám presentes para todo o mundo.

Vinde receber o Apalpador!

Já se pode visitar a exposiçom sobre a Branhas do Sar na biblioteca Ángelo Casal. Até o dia 20 de janeiro estará no terceiro andar esta coleçom de fotografias e textos em contra do plano especial com o que a Cámara Municipal pretende agredir este espaço natural da nossa cidade, elaborada pola comissom de meio natural da Gentalha.

HOJE, 20 DE DEZEMBRO ÀS 19H30 NA AULA 5

Para chegar às celebraçons do solsticio de inverno com o melhor presente. Podes atopar no pichel umha garrafa de licor cafe e umha outra de ginja elaborados artesanalmente e apresentados em saca rotulada. O preço é de 20 € (impostos, taxas e "multas" acrescentadas) e temos poucos ejemplares. Desfrutade-os

Como sabes, o Apalpador gosta especialmente dos presentes feitos a mao, mas nem sempre é possível encontrar o tempo para fazê-los. No Pichel está à venda material de coletivos sociais com os que, além de comprar uns presentes bem jeitosos, colaboras economicamente com projetos dos que gostas.
Fazemos-che quatro propostas: a camisola dos irmandinhos, O conto "A estória do Apalpador", a agenda sobre luitas ambientais e o livro "Teoria do inverno", um conjunto de ensaios sobre a figura do Pai Natal galego.
Além disto, podes passar polo Pichel e consultar todo o material que tes ao teu dispor, tanto da Gentlha como de outros coletivos.

A Cámara Municipal de Compostela embargou ontem mais de 2200 euros da conta da Gentalha do Pichel, com motivo da multa de 1800 que lhe impugera há dous anos por pendurar umha faixa na cacharela de Sam Joam, mais taxas. Fijo-o sem comunicaçom prévia e apesar de que o recurso interposto pola nossa associaçom está ainda sem ressolver, à espera do juízo que se celebrará em abril do ano que vem.
A continuaçom oferecemos-vos a nota de imprensa da Gentalha.

Leia mais »

Na próxima quinta dia 15 às 20h30 apresentamos no centro social o livro "TEORIA DE INVERNO, os presentes do apalpador"
Será apresentado pola Comissom de Memória Histórica e, durante o acto, projectaremos videos inéditos de testemunhas orais desta tradiçom galega.

Esta sexta-feira 16 de dezembro o jazz chega ao pichel e teremos umha jam session a partir das 22h30.

LINK AO PROJETO PONTOS

PONTOS EM GALEGO. O GALEGO EM PONTOS

Através de esta página do Facebook as clientas e clientes de bares, padarias ou frutarias poderemos ver quais som os negócios que usam o galego na nossa cidade; as empresas, portanto, poderám ver reconhecidos os seus esforços por difundir o galego.

Cada negócio poderá ter 1, 2 ou 3 pontos em funçom do seu grau de galeguizaçom.

A avaliaçom de cada estabelecimento comercial foi feita pola comissom de Defesa da Língua da Gentalha do Pichel, mas podemos estar enganadas. No caso de observares algumha informaçom errada ou incompleta, envia-nos um comentário através do Facebook ou do nosso e-mail.

Cada semana conhecerás um novo local galeguizado e a pontuaçom que merece; e o primeiro da nossa lista nom podia ser outro que o C.S O PICHEL, que, como é evidente, conta com a qualificaçom máxima!

OS CRITÉRIOS DOS PONTOS

1. Atençom integral em galego
2. Percentagem relevante de imprensa, publicaçons ou música em galego
3. Administraçom interna em galego
4. Comunicaçom externa em galego
5. Compromisso ativo com a normalizaçom lingüística

A NOSSA PONTUAÇOM:

100% dos critérios: 3 pontos
50% (ou mais) dos critérios: 2 pontos
menos de 50% dos critérios: 1 ponto

assunçom do carácter internacional da nossa língua: +nh

A comissom de meio natural da Gentalha vem de tirar do prelo a sua Agenda para o ano 2012, esta vez dedicada a luitas históricas relacionadas com o ambientalismo.
Podedes encontrá-la à venda no balcom do Pichel por 6 €.

Leia mais »

Neste contexto mediático-policial que padecemos, que afecta a pessoas integradas, em maior ou menor medida, no nosso projeto cultural, A Gentalha do Pichel tem algo que dizer:

E nom o dizemos nós: organismos internacionais de todo tipo, de Amnistia Internacional ao Relator para os Direitos Humanos da ONU, criticam um sistema judicial e a umha legislaçom espanhola, a "antiterrorista", por amparar a tortura por motivaçons políticas. É por isto que na Gentalha ficamos intranquilas porque as pessoas detidas permanecem submetidas a este tipo de medidas de excepçom no ámbito da mais legítima herdeira do Tribunal de Ordem Público: a Audiência Nacional.

Denunciamos publicamente todo o linchamento mediático a que fôrom submetidas estas cidadás galegas, desde meios de comunicaçom empresariais e mesmo públicos: descontextualizaçom de declaraçons, com ausência total da pressunçom de inocência, desde a invasom vergonhenta da vida privada da casa familiar de Angróis e o ensanhamento com a mae de um dos detidos que realizou a TVG ao mais puro estilo paparazzi.

Entre as pessoas detidas está Antom Santos, umha pessoa activa na Gentalha desde há oito anos. É membro da Comissom de Memória Histórica e um companheiro no sentido mais fundo da palavra. Agora -junto com os outro quatro independentistas que ingressarám em prisom- poderia ter por diante quatro anos de prisom preventiva sem nengum tipo de juízo, afastado da Galiza e do seu entorno. Antom pagará, está já a pagar!, a pena por algo por que ainda nom foi julgado.

Solidarizamo-nos com os centros sociais que padecêrom assédio policial nestes dias: o Revira de Ponte Vedra, o Bou Eva e Faísca de Vigo; e especialmente a Revolta do Berbês e o Arredista de Compostela, que ao igual que a Gentalha do Pichel há seis anos, no marco da "Operaçom Castinheira", fôrom registados de jeito ilegal, substraindo do seu interior material de todo tipo e dinheiro, à vez que se criminalizava a sua atividade.

A Gentalha é um colectivo cultural e nom é competência nossa emitir juízos. Mas isto nom pode servir de argumentaçom para deixar de denunciar este tipo de comportamentos das autoridades.

Nunca deixaremos de denunciar a vulneraçom dos mais elementais direitos individuais (dispersom, indefensom, isolamento...).

Compostela dezembro de 2011

Concurso de "novas imagens para o velho apalpador"
Bases:

Leia mais »