Quantas vezes estivestes nesta situaçom?:

- Entom, quando vás galeguizar esse apelido?
- sim, eu sei... a ver se um dia destes me animo...

A preguiça, a falta de tempo ou a falta de informaçom som, em muitos casos, responsáveis polo nosso desleixo. Agora nós propomos-vos o seguinte:
vindes no sábado 4 de Março às 18h00 ao local social O Pichel, participades na reuniom informativa que haverá (em que se vos entregará diferente documentaçom) e fazedes todas as perguntas que queirades a Alexandre Banhos. Ele já conseguiu mudar o apelido mesmo tendo umha grafia nom oficial.

Depois galeguizamo-nos todas e todos e damos algo de exemplo a outros colectivos e à sociedade.

Esperamos-vos.

A Gentalha do Pichel é um grupo de compostelanas e compostelanos decididos a fazer activismo cultural na nossa cidade e comarca.

A nossa bandeira é a língua e cultura galegas e as nossas armas o empenho, a diversom e a vontade de aprender e difundir os nossos costumes, a nossa música, a nossa história...

Queremos recuperar as tradiçons da nossa comarca: O apoio das festas populares,
a música tradicional, o conhecimento e respeito polo meio natural ou a recuperaçom
da nossa memória histórica som os nossos objectivos.

Por umha cultura alternativa. Nom acreditamos na cultura oficial enlatada, queremos
umha actividade cultural participativa, feita polas compostelanas e compostelanos.

Criaçom cultural: Porque a nossa cultura deve ser um valor de futuro,
que conheça o seu passado, mas que possua capacidade renovadora.
Apostamos na criaçom artística, cultural e científica em chave de
defesa dos nossos direitos como povo.

Compostela em galego!: Trabalhamos pola plena galeguizaçom da nossa comarca,
porque em Compostela queremos viver na nossa língua, em galego

Contacta:
gentalha[arroba]agal-gz.org
RUA SANTA CLARA, 21. COMPOSTELA



Mais informaçom