A Cámara Municipal de Compostela embargou ontem mais de 2200 euros da conta da Gentalha do Pichel, com motivo da multa de 1800 que lhe impugera há dous anos por pendurar umha faixa na cacharela de Sam Joam, mais taxas. Fijo-o sem comunicaçom prévia e apesar de que o recurso interposto pola nossa associaçom está ainda sem ressolver, à espera do juízo que se celebrará em abril do ano que vem.
A continuaçom oferecemos-vos a nota de imprensa da Gentalha.

Leia mais »

Na próxima quinta dia 15 às 20h30 apresentamos no centro social o livro "TEORIA DE INVERNO, os presentes do apalpador"
Será apresentado pola Comissom de Memória Histórica e, durante o acto, projectaremos videos inéditos de testemunhas orais desta tradiçom galega.

Esta sexta-feira 16 de dezembro o jazz chega ao pichel e teremos umha jam session a partir das 22h30.

LINK AO PROJETO PONTOS

PONTOS EM GALEGO. O GALEGO EM PONTOS

Através de esta página do Facebook as clientas e clientes de bares, padarias ou frutarias poderemos ver quais som os negócios que usam o galego na nossa cidade; as empresas, portanto, poderám ver reconhecidos os seus esforços por difundir o galego.

Cada negócio poderá ter 1, 2 ou 3 pontos em funçom do seu grau de galeguizaçom.

A avaliaçom de cada estabelecimento comercial foi feita pola comissom de Defesa da Língua da Gentalha do Pichel, mas podemos estar enganadas. No caso de observares algumha informaçom errada ou incompleta, envia-nos um comentário através do Facebook ou do nosso e-mail.

Cada semana conhecerás um novo local galeguizado e a pontuaçom que merece; e o primeiro da nossa lista nom podia ser outro que o C.S O PICHEL, que, como é evidente, conta com a qualificaçom máxima!

OS CRITÉRIOS DOS PONTOS

1. Atençom integral em galego
2. Percentagem relevante de imprensa, publicaçons ou música em galego
3. Administraçom interna em galego
4. Comunicaçom externa em galego
5. Compromisso ativo com a normalizaçom lingüística

A NOSSA PONTUAÇOM:

100% dos critérios: 3 pontos
50% (ou mais) dos critérios: 2 pontos
menos de 50% dos critérios: 1 ponto

assunçom do carácter internacional da nossa língua: +nh

A comissom de meio natural da Gentalha vem de tirar do prelo a sua Agenda para o ano 2012, esta vez dedicada a luitas históricas relacionadas com o ambientalismo.
Podedes encontrá-la à venda no balcom do Pichel por 6 €.

Leia mais »

Neste contexto mediático-policial que padecemos, que afecta a pessoas integradas, em maior ou menor medida, no nosso projeto cultural, A Gentalha do Pichel tem algo que dizer:

E nom o dizemos nós: organismos internacionais de todo tipo, de Amnistia Internacional ao Relator para os Direitos Humanos da ONU, criticam um sistema judicial e a umha legislaçom espanhola, a "antiterrorista", por amparar a tortura por motivaçons políticas. É por isto que na Gentalha ficamos intranquilas porque as pessoas detidas permanecem submetidas a este tipo de medidas de excepçom no ámbito da mais legítima herdeira do Tribunal de Ordem Público: a Audiência Nacional.

Denunciamos publicamente todo o linchamento mediático a que fôrom submetidas estas cidadás galegas, desde meios de comunicaçom empresariais e mesmo públicos: descontextualizaçom de declaraçons, com ausência total da pressunçom de inocência, desde a invasom vergonhenta da vida privada da casa familiar de Angróis e o ensanhamento com a mae de um dos detidos que realizou a TVG ao mais puro estilo paparazzi.

Entre as pessoas detidas está Antom Santos, umha pessoa activa na Gentalha desde há oito anos. É membro da Comissom de Memória Histórica e um companheiro no sentido mais fundo da palavra. Agora -junto com os outro quatro independentistas que ingressarám em prisom- poderia ter por diante quatro anos de prisom preventiva sem nengum tipo de juízo, afastado da Galiza e do seu entorno. Antom pagará, está já a pagar!, a pena por algo por que ainda nom foi julgado.

Solidarizamo-nos com os centros sociais que padecêrom assédio policial nestes dias: o Revira de Ponte Vedra, o Bou Eva e Faísca de Vigo; e especialmente a Revolta do Berbês e o Arredista de Compostela, que ao igual que a Gentalha do Pichel há seis anos, no marco da "Operaçom Castinheira", fôrom registados de jeito ilegal, substraindo do seu interior material de todo tipo e dinheiro, à vez que se criminalizava a sua atividade.

A Gentalha é um colectivo cultural e nom é competência nossa emitir juízos. Mas isto nom pode servir de argumentaçom para deixar de denunciar este tipo de comportamentos das autoridades.

Nunca deixaremos de denunciar a vulneraçom dos mais elementais direitos individuais (dispersom, indefensom, isolamento...).

Compostela dezembro de 2011

Concurso de "novas imagens para o velho apalpador"
Bases:

Leia mais »

A todas as pessoas que colaborastes e colaborades com a Semente com dinheiro trabalho, ideias... gostÁvamos de vos convidar este sábado dia 3 de dezembro às 12 da manhá no local. Queremos mostrar-vos como temos a dia de hoje o espaço, que figemos até agora e ideias para o futuro.
Além disso, queremos agradecer-vos o vosso apoio e convidar-vos a um vermú.
Se conhecedes algumha pessoa interessada no projeto, nom duvidedes em avisá-la para que nos venha visitar.

Animade-vos a passar!

Lembra, manha quarta-feira 30 de novembro combinamos às 11h00 da manha no pichel para limpar e arrumar.se tes a manha livre, vem ajudar!!!!!!!

Novamente a comissom de memória histórica dignifica um dos mais antigos patrimónios arqueológicos da nossa milenária Compostela. Fomos fazer o trabalho que tinham que fazer as administraçons; fomos substituir o seu papel, o que deveria ser o seu papel. Fazemos isto porque nom vamos aguardar mais por eles, porque já nos cansamos de requerir, de pedir, de rogar... Já vam 5 conjuntos de gravuras e restam dous para completar os 7 que há catalogados. Quando acabarmos de sinalizá-los editaremos um polidíptico para promover a visita, o desfrute e o respeito polo nosso património, pola nossa história e por todo o que nos fijo ser quem hoje somos. E quando acabarmos, começaremos com os castros. Porque já mudou o paradigma; porque já nos apercebemos, e nom foi sem tempo, de que o património nom lhes vai importar até que o podam vender.
As imagens a continuaçom:

Leia mais »

hoje no pichel teremos a inaugaraçom da exposiçom de fotos coletiva de algumhas das alunas da escola mestre mateo, isso será às 20h30 e depois o grupo vigues "Zurrumalla" ofrecerá um concerto a partir das 23h00...nom o podes perder!!!!!

cancelado o obradoiro de Stencil de manha 29 de novembro e do 3 de dezembro.

Hoje às 20h30,na praça 8 de março, está convocada umha concentraçom de apoio à ocupaçom da sala Iago. Animamos-vos a assitir!

Manifestamos a nossa solidariedade com as pessoas detidas e continuaremos a apoiar a abertura de mais espaços culturais populares na nossa cidade!