O Projeto Pontos é umha iniciativa que partiu da Comissom de Língua da Gentalha do Pichel que pretende dar a conhecer os negócios em galego de Compostela. Numha página ligada ao Facebook, som publicados regularmente os nomes dos estabelecimentos com breves informaçons e, também, com umha avaliaçom do seu compromisso com a nossa língua. E assim, a adequaçom a critérios como a atençom em galego, o emprego do galego nos relacionamentos internos e externos ou o compromisso activo com a normalizaçom da língua, determina que cada empresa receba de um a três pontinhos.
Além dos pontos, as empresas a receberem a máxima pontuaçom, podem mesmo ser merecedoras de umha mençom especial «nh» para os lugares que empregam a norma internacional do galego.
Nas próximas semanas, continuaremos a desvelar novos pontos em galego. O último da lista é QUEIXOS PEPE, com 3 pontos!

Leia mais »

GARTXOT
FILME DE ANIMAÇOM BASCO LEGENDADO EM GALEGO

sexta 23 de março nos Cines Compostela: estreia do filme

quinta 22 de março às 20h00 no C.S O Pichel: colóquio com o diretor Asisko Urmeneta

GARTXOT ANIMADO: A DESCONQUISTA DE NAVARRA.
Sobre cinema, animaçom e imaginário colectivo.

Gartxot, o filme de animaçom basco, estreia-se legendado em galego.
Nesta história medieval, umha mestura de tragédia romántica e filme de
aventuras, o Abade de Roncesvales desterra o bardo Gartxot e rapta o
seu filho Mikelot para que cante em latim ao serviço da Igreja.
Mikelot consegue escapar do convento e é perseguido polos temíveis
monjes guerreiros.
A história de Gartxot converteu-se com o tempo num símbolo que
proclama a liberdade para criar em euskera.

PORQUE TEMOS OS APELIDOS QUE TEMOS?
Leis, Moure, Calvinho, Rico, Campo, Outeiro..

Vem consultar a origem dos teus com GONZALO NAVAZA
Sábado 17 às 20h00 no Pichel

Atividade pensada para resolver dúvidas sobre a origem dos nossos apelidos e sobre qual seria a sua forma correta em galego. Para isso contamos com um dos estudiosos que mais tempo tem dedicado à toponímia e antroponímia nos últimos anos na Galiza: Gonzalo Navaza.

Durante a atividade serám distribuídas fichas com explicaçons sobre a origem e forma galega dos apelidos da vizinhança de Santa Clara, bairro onde se encontra sediado o Pichel. Também será disponibilizadas informaçons, para quem as precisar, sobre como podem ser galeguizados os apelidos.

Se queres visitar a exposiçom "Compostella Dicitur" na recentemente reformada Casa do Cabido, podes aproveitar a visita guiada que temos concertada para o próximo sábado 25 de fevereiro. O encontro será nas Pratarias às 16h45.

Como sabedes, a visita será um complemento do roteiro toponímico celebrado na passada semana, já que a exposiçom inclui planos, mapas e ruas da compostela do século XIII.

Temos um limite de 20 lugares para a visita, portanto se queres vir inscreve-te o antes possível no nosso correio: gentalha [arroba] agal-gz [ponto] org

Cerca de um cento de pessoas acompanhárom este segundo roteiro toponímico pola cidade. Nesta ocasiom, como sabedes, o percurso escolhido foi o traçado da antiga muralha, fazendo diferentes paragens que nos permitírom conhecer o sentido e a origem dos nomes das portas -Maçarelos, Pena, Vale de Deus, Faxeira...- e de muitas emblemáticas ruas e praças da nossa cidade que nem sempre tinham explicaçons tam evidentes: Solóvio, Algálias, Preguntoiro, Praça do Campo ou do Pam, Atalaia, Toural (ou Toral?), Esterqueira, Castro...

Esperamos poder continuar a desvendar de que falam as nossas ruas num próximo roteiro que oxalá conte com tanta participaçom com este!

de que falam as ruas de compostela?
um passeio polos nomes dos lugares da zona velha seguindo o traçado da antiga muralha
visitaremos a exposiçom "compostela dicitur" na casa do cabido e saberemos como era a nossa cidade no século XIII

com o especialista em toponímia Xosé Ramón López Boullón

domingo 5 de fevereiro
16h30 na porta de maçarelos

No próximo domingo 5 de fevereiro às 16h30 a Gentalha do Pichel organiza o segundo roteiro toponímico, nesta ocasiom pola zona velha de Compostela .

Depois da primeira visita polo bairro de Sam Pedro, agora continuamos a conhecer compostela pola sua zona mais emblemática: o casco histórico.

A ideia é darmos um passeio seguindo o antigo traçado da muralha e conhecer um pouco mais a história da cidade através dos nomes das suas ruas e lugares actuais e passados. Acompanhará-nos o especialista em toponímia compostelana Xosé Ramón López Boullón.

Saberemos de onde vem o nome de Belvis, do Castrom D'ouro, da Mámoa, do Val de Deus, Atalaia, Entremuros, Pexigos, Trompas, Loureiros...

E para conhecermos melhor a compostela medieval, visitaremos a exposiçom da Casa do Cabido "Compostela Dicitur", onde poderemos visitar as ruas, nomes e lugares do século XIII.

Queríamos convidar-vos a participar do passeio e também perguntar-vos se conhecedes alguém que queira informar dos nomes "nom oficiais" (os nomes tradicionais que nom aparecem no mapa).

Esperamos ver-vos!
Abraços

Ficam aqui algumhas das imagens que deixam constáncia do interesse que este roteiro levantou entre picheleiras e corunhesas. O amigo Xúlio Cuba orientou maravilhosamente um percurso que se prolongou durante quase 3 horas e que todas e todos desfrutamos imensamente. Aprendemos da nossa história comum através da cidade da Corunha numha manhá de domingo que esperamos que se repita!

O roteiro foi gravado integralmente e consta de 24 partes. Deixamos-vos aqui a primeira, que se corresponde com a paragem no monumento a Curros:

ROTEIRO DAS IRMANDADES
Um passeio pola Corunha vistando os mais emblemáticos lugares das Irmandades da Fala

domingo dia 15 de janeiro
9h45 na estaçom dos comboios de compostela
11h30 no café vecchio da rua real da corunha

Começaremos na rua Real para tomarmos um café no Café Vecchio, que tem um importante mural da Corunha feito por Urbano Lugris. Lembraremos o local onde estivo a Editorial Nós, passaremos pola praça María Pita até o cemitério de Santo Amaro em lembrança de significados persoeiros galeguistas... e jantaremos no mesom onde estava a fonda da família de Ángelo Casal.

Xúlio Cuba acompanhará o roteiro e irá indicando todo o tipo de dados e pormenores históricos.

Para jantar confirmar assistência em gentalha@agal-gz.org ou no 696026002

colaboram o facho e o c.s. gomes gaioso

LINK AO PROJETO PONTOS

PONTOS EM GALEGO. O GALEGO EM PONTOS

Através de esta página do Facebook as clientas e clientes de bares, padarias ou frutarias poderemos ver quais som os negócios que usam o galego na nossa cidade; as empresas, portanto, poderám ver reconhecidos os seus esforços por difundir o galego.

Cada negócio poderá ter 1, 2 ou 3 pontos em funçom do seu grau de galeguizaçom.

A avaliaçom de cada estabelecimento comercial foi feita pola comissom de Defesa da Língua da Gentalha do Pichel, mas podemos estar enganadas. No caso de observares algumha informaçom errada ou incompleta, envia-nos um comentário através do Facebook ou do nosso e-mail.

Cada semana conhecerás um novo local galeguizado e a pontuaçom que merece; e o primeiro da nossa lista nom podia ser outro que o C.S O PICHEL, que, como é evidente, conta com a qualificaçom máxima!

OS CRITÉRIOS DOS PONTOS

1. Atençom integral em galego
2. Percentagem relevante de imprensa, publicaçons ou música em galego
3. Administraçom interna em galego
4. Comunicaçom externa em galego
5. Compromisso ativo com a normalizaçom lingüística

A NOSSA PONTUAÇOM:

100% dos critérios: 3 pontos
50% (ou mais) dos critérios: 2 pontos
menos de 50% dos critérios: 1 ponto

assunçom do carácter internacional da nossa língua: +nh

Nos passados 7 e 8 de Outubro realizárom-se no Pichel as Jornadas de análise para o ensino popular: umha escola para nos fazermos grandes.

Reimundo Norenha inaugurou as jornadas com umha palestra sobre o ideário pedagógico de Carvalho Calero, próximo ao da Instituiçom Livre de Ensino, abordando especialmente a sua atividade como diretor da escola luguesa Fingoi.

Leia mais »

A Comissom de Língua da Gentalha acabou de editar uns bonos fac-símiles que recolhem o artigo de Ángelo Casal publicado no ano 1923 em A Nossa Terra. O artigo, que surpreende pola sua vigência quase 90 anos depois de ter sido escrito, está acompanhado de um dos muitos anúncios que na altura fôrom publicados apelando à solidariedade económica com o projecto das Escolas de Ensino Galego.

O bono inclui num lateral a frase:
EU COLABOREI COM 20 € NA ABERTURA DA PRIMEIRA ESCOLA DE ENSINO GALEGO DO SÉCULO XXI

É umha ediçom limitada de 30 exemplares. Se queres reservar um, podes enviar um mail ou ir polo Pichel. Ficam poucos!

No passado sábado dia 25 de junho, com temperaturas que superavam os 35 graus, um ousado grupo de pessoas percorreu as ruas do bairro de Sam Pedro acompanhado do filólogo Xosé Ramón Lopes Boulhom, que nos foi desvendando muitas das histórias que se escondiam atrás dos nomes das ruas.
Apesar das condiçons climatológicas adversas, o passeio foi um autêntico prazer.
Proximamente disponibilizaremos um documento resumindo algumhas das origens toponímicas mais interessantes.

No próximo sábado dia 25 a Gentalha do Pichel organiza um roteiro toponímico polo bairro de sam Pedro. A ideia é darmos um passeio e conhecer um pouco mais a história da cidade através dos nomes das suas ruas e lugares. Virá connosco o especialista em toponímia compostelana Xosé Ramón López Boullón

Saberemos de onde vem o nome da Trisca, As Chufas, os Lagartos, Belvis, Bonaval, Fráguas, Caramoninha...

Começaremos polo bairro de Sam Pedro, mas nos próximos meses tentaremos ir conhecendo o resto da cidade.

Queríamos convidar-vos a participar do passeio e animar-vos a convidardes pessoas que queiram informar dos nomes "nom oficiais" (os nomes tradicionais que nom aparecem no mapa).

Esperamos ver-vos!

de que falam as ruas de compostela?
um passeio polos nomes dos lugares de sam pedro

com o especialista em toponímia Xosé Ramón López Boullón
sábado 25 de junho
18h00 na Porta do Caminho

Cada casa, umha escola. Um achegamento ao conflito lingüístico no Curdistám Norte.
Irfan Guler
Pepa Bahamonde
Séchu Sende

A partir da experiéncia de traduçom do livro Made in Galiza, de Séchu Sende, para o curdo e o turco

segunda-feira 2 de maio às 20h15 (PONTUAL!)