No sábado 27 de Junho às 14.30h celebraremos umha nova ediçom do jantar revolucionário chegando já à número XIV. Nesta ocasiom escolhemos à figura do revolucionário colombiano Manuel Marulanda Vélez "Tirofijo".

Leia mais »

O nosso local na Rua Quiroga Palácios acolheu o passado fim de semana o encontro interno para militantes, simpatizantes e amig@s do independentismo organizado polo partido comunista Primeira Linha com o galho da vinda à Galiza do brasileiro Valério Arcary, a portuguesa Ana Barradas e o basco Iñaki Gil de San Vicente, além da visita à capital do País do camarada Domingos Antom Garcia. Eles e ela foram convidad@s à XIII ediçom das Jornadas Independentistas Galegas.

Leia mais »

Até quatro jantares decorrêrom nas instalaçons do nosso Centro Social com motivo da participaçom de dezenas de pessoas nas Jornadas Independentistas Galegas. O partido Primeira Linha organizou, com a colaboraçom do Henriqueta Outeiro, bonos por um preço módico para que amig@s de todo o País pudessem defrutar dum jantar e umha ceia no Sábado, e um almorço e um jantar no Domingo, dia em que, a iniciativa do partido, se prolongárom os encontros nacionais com os e a ponente na decimoterceira ediçom das suas Jornadas.

Leia mais »

A nossa participaçom no Dia das nossas Letras nom passou desaparcebida. Umha faixa de cor amarelo, com a legenda "Umha naçom sem língua, umha naçom sem coraçom", com o logótipo do nosso Centro Social, serviu de cabeceira ao segmento independentista e socialista de sóci@s agrupad@s à volta do nosso local.

Leia mais »

Com ocasiom do mês de Maio, quando se celebra o Dia do Internacionalismo Proletário, a assembleia decide homenagear o autor de obras inconfundíveis, de manuais de uso do socialismo nos últimos 150 anos, como O Capital ou O Manifesto Comunista: Karl Marx. Obras que servírom para a formaçom do espírito rebelde germinado na Galiza, como a da camarada Henriqueta, a quem devemos o nome do local.

Leia mais »

A Plataforma Galego Sempre Mais, iniciativa dos centros sociais do país, entre os quais a maior parte som membros da mesma, é umha proposta polo galego construida como alternativa à procissom dependente do BNG que nos propom desde o autoritarismo e o menosprezo a Mesa pola Normalización Lingüística para este dia 17.

É por esse motivo que, após umha juntança com esta entidade normalizadora, os centros sociais da Galiza entendemos que nom se davam as condiçons de mínimo respeito e pluralidade exigíveis para trabalhar conjuntamente. Porém, e no afám de nom criar testemunhalismos imbecis, queremos trabalhar polo dia 17 pensando em chave nacional, em todas as pessoas que esse dia virám de todas as esquinas da Galiza a expor nas ruas a demanda de Mais Galego, agora e sempre, governe quem governe.

O Centro Social Henriqueta Outeiro, junto com os demais centros sociais da comarca, nom teremos que deslocar-nos para participar na mobilizaçom que partirá às 12,15 da Alameda da capital. Mas sim faremos um esforço por acolher nesta cidade de todas e todos, à militáncia normalizadora que aposta na ubicaçom do galego no seu marco lingüístico próprio, a lusofonia.

O Centro Social Henriqueta Outeiro é convocante, junto com os demais centros sociais da comaca (A Fouce de Ouro, A Casa Encantada, A Gentalha do Pichel), do acto lúdico-reivindicativo previsto para a manhá da vêspera das letras. Amanhá 16, concentraçom no Toural às 12 horas com o motivo de "A RAG É UMHA FRAUDE. POR UM DIA DAS LETRAS POPULAR".

Esperamos começar com bom humor a cadeia de actos que por todo o País antecedem à marcha massiva que acolherá a capital do país a manhá do 17.

Assistide com a raiva acessa contra os que vivem da morte lenta da nossa língua!

A última ceia celebrada no local social, a vietnamita, foi preparada com umha imponente ementa incluindo 4 pratos. Desde os saborosos rolinhos de primavera até o sorvete de limom, passando polo frango ao curri e as bananas flambeadas em riquíssima laranja. Mais um exercício de cozinha de alto nível, com produtos facilmente adquiríveis, realizado pola nossa equipa dirigida polo incombustível Paco.

Leia mais »

Na próxima quarta-feira, 29 de Abril, organizamos um novo debate no nosso Centro Social. Desta vez o tema escolhido é "Turismo e turistificaçom". Contaremos com as intervençons do Geógrafo compostelano José Constenla, o professor da USC José Carlos Bermejo Barrera e da membro da executiva nacional da CIG Mar Peteira.
O acto começará às 20.30h.

Na próxima sexta-feira, 17 de Abril, celebraremos umha nova ceia revolucionária dedicada esta vez à figura do revoucionário vietnamita Ho Chi Minh.
O nosso cozinheiro escolheu para esta ementa vietnamita Rolinhos de primavera, Frango ao curry com basmati, Sorvete de limom e Bananas flambeadas.
O preço da ceia, que começará às 21.30h, será de 10 euros. Para reservar o bono podes ligar com o telefone 660 713 095.

Leia mais »