A vindoura quinta-feira 21 de Junho, a partir das 20.30 horas, o investigador Ricardo Gurriarán impartilhará no Centro Social Henriqueta Outeiro umha palestra sobre o movimento estudantil em Compostela.

Sob o título "Do 68 ao 68. As mobilizaçons estudantis em Compostela" o investigador originário de Valdeorras, que vem de receber o prémio da crítica de 2007, debulhará algumhas das chaves que permitem compreender o nascimento e andaina do movimento estudantil na capital da Galiza num período histórico que abarca um século, desde a queda da monarquia, instauraçom da I República espanhola, posterior restauraçom bourbónica, ditadura de Primo de Rivera, II República, levantamento fascista e ditadura franquista. A revolta estudantil de 1967, anterior ao Maio francês, fechará o períplo histórico.

Ricardo Gurriarán

É licenciado en Educaçom Física (INEF) pola Universidade Politécnica de Madrid. Actualmente é professor de Secundária no IES Gelmíres I de Compostela. Tem publicado um ronsel de obras sobre diversos aspectos da história do nosso País com destaque para o ensino.