Ante as inquisitoriais declaraçons do lider da extrema-direita espanhola em Compostela, Conde Roa do PP, onde pede a abertura de investigaçons policiais e administrativas sobre o nosso centro social, junto com a Gentalha do Pichel, a Sala NASA e a associaçom vizinal As Marias, nom podemos eludir a ocasiom para considerar que:

Continua:

1. Nom duvide, senhor Roa (de facto deve estar ao tanto) de que existem investigaçons permanentes e provocadoras sobre todo o tecido social compostelám que nom se prega a PP, PSOE, BNG ou a outros poderes sistémicos como a igreja católica, com tanta força na nossa cidade.

2. As suas declaraçons som umha manifestaçom do clima político-institucional que reina no Estado espanhol e que, como um vírus, os mais extremistas pretendem trasladar desde Euskal Herria a outros territórios do Estado espanhol para amordaçar qualquer atisbo de poder popular.

3. O Centro Social Henriqueta Outeiro nom tem nada que ocultar. Somos umha assembleia plural e aberta que convoca actos publicamente. A diferença dos neofascistas acubilhados no Partido Popular, as pessoas que formamos parte deste Centro Social nom temos nem tivemos problemas relativos com a violaçom de direitos das pessoas, nem encausamentos que nom sejam relativos ao nosso compromisso político e social com a nossa pátria e com a nossa classe.

4. O futuro, para nós, está inçado de ameaças nojentas como as que hoje lança aos médios este indivíduo. Convivemos com elas e enfrentaremo-nos a todas convencid@s e orgulhos@s polo trabalho de centros como o nosso, a Gentalha, As Marias ou a Sala NASA.
Quiças algumha vez atopem eco as suas soflamas. Entretanto seguiremos trabalhando, com mais ganas para nom permitir triunfar o seu afám de difundir o medo.

ADIANTE O MOVIMENTO SOCIAL DE COMPOSTELA!