O passado sábado Dia da Pátria, a romaria popular organizada pola plataforma unitária da esquerda soberanista galega, Causa Galiza, em Belvis, contou com a apresentaçom dum livro dentro do acto programado polo Centro Social Henriqueta Outeiro essa tarde, entre muitos outros eventos públicos e mostras de diferentes entidades, incluidas outros Centros Sociais do País.

Maurício Castro, professor de filologia portuguesa na EOI de Ferrol, e histórico militante da esquerda independentista galega, ofereceu umha exposiçom oral do conteúdo e da razom de ser dumha obra concibida na defesa do idioma nacional neste período de ofensiva espanholista e de incapacidade de competência da oferta do galego-castelhano da RAG-ILG.

A Abrente Editora correu com a ediçom deste novo título, "Galiza vencerá!", composto de 29 artigos do autor publicados nos útlimos anos em diferentes meios jornalísticos. O livro está prologado polo professor da USC José Luis Rodrigues, e vende-se ao preço de 10 euros no nosso local.