« Jantar de acolhida após marcha polo idiomaGalego Sempre Mais convoca "Contra o bilingüismo Pola hegemonia social do galego" »

Nós, nas ruas com a Galiza que fala

24-10-2009

  10:53:18, por cshenriqueta   , 278 palavras  
Categorias: Todas

Nós, nas ruas com a Galiza que fala

A nossa cidade removeu por umhas horas a impronta espanholista que os poderes fácticos imprimem sobre ela a diário. Umha multidom de galegas e galegos enchérom as ruas céntricas da capital da Galiza. Foi a segunda com apenas 5 meses de diferença. Desde o Dia das Letras até o domingo passado, quando o começo do ano político nos brindou umha ocasiom genuína para mostrar na voz de milhares de pessoas que o povo nom quer os espanholistas no poder, seja como for que estes chegárom a ele.

O Centro Social Henriqueta Outeiro acudiu à manifestaçom com a sua base social integrada no bloco laranja. A diferença da anterior convocatória, a unidade sob a plataforma Galego Sempre Mais desbotou o uso de faixas próprias. Assim, a cor laranja e os cartazes com legendas do tipo ?Monolingüismo social?, ?Na Galiza, só em Galego? ou ?Galego e Português, a mesma língua é? recolhiam o sentir unánime do cortejo reintegracionista.

Muitos outros centros sociais do País, a AGAL e outras entidades participárom com a numerosa massa discrepante do partidismo excluente da Mesa, que rechaçou a unidade total das pessoas defensoras do idioma nesta conjuntura de ofensiva dos galegofobos.

Parabenizamo-nos polo sucesso da convocatória, chamamos a massa social reintegracionista a organizar-se nas múltiplas estruturas políticas, sociais e culturais que há abertas no País para pular mais duro contra o inimigo espanholista. Nom sobram maos à obra.

Tampouco na nossa cidade, Compostela. Onde o Centro Social Henriqueta Outeiro seguirá a oferecer um espaço genuinamente socialista e independentista para estender a nossa língua.


Sem comentários ainda

Que somos?

O CS Henriqueta Outeiro é umha iniciativa da esquerda independentista para se dotar de espaços próprios onde realizar actividades sem nengum tipo de entraves [+info]

Porque nos chamamos Henriqueta Outeiro

Em reconhecimento da luitadora revolucionária Henriqueta Outeiro Branco, símbolo do compromisso e entrega de milhares de mulheres e homens galeg@s à causa das liberdades e da justiça social.

Onde Estamos? Onde Estamos? Internet Onde Estamos?

Categorias

Retain only results that match:

Busca

  Feeds XML

powered by b2evolution