O ato de Néstor Kohan foi um sucesso. Nom apenas porque assistissem mais de médio cento de pessoas, também porque o conteúdo do seu discurso, introduzido polo secretário geral de Primeira Linha -entidade convocante-, foi recebido com grande interesse e motivo para a reflexom.

O Centro Social sente-se vivo graças a atos assim, e graças à assistência toda de vós, que tornades estes humildes contributos à teoria da revoluçom socialista em grandes lembranças que terá a Compostela vermelha de amanhá para rememorar e tirar liçons e argumentos para o debate sobre como fazer um mundo melhor.

A organizaçom partidária comunista Primeira Linha, integrada no Movimento de Libertaçom Nacional Galego, vai trazer às nossas instalaçons o argentino Néstor Kohan.

O intelectual marxista estará pola segunda vez em menos de três anos no nosso Local Social, e poderemos escuitá-lo e departir com ele durante horas.

Remetemos ao comunicado publicado por Primeira Linha no seu web, citando-vos a partir das 20,30 com a esquerda revolucionária galega, para a formaçom e o debate.

O inteletual marxista argentino Néstor Kohan participará em duas palestras organizadas por Primeira Linha vindoura segunda-feira 7 e terça-feira 8 de fevereiro em Compostela e Vigo respetivamente.

Os dous atos públicos intitulados “A vigência do marxismo. Alternativa emancipadora à crise capitalista“, que se realizarám nos centros sociais Henriqueta Outeiro e Lume!, permitirám analisar a validez do método de análise de Karl Marx e a sua aplicaçom revolucionária na atual crise sistémica que padece o capitalismo senil.

O Centro de Estudos Marxistas retorna às nossas instalaçons. Após muitos meses de paralisaçom da actividade formativa deste grupo incentivado por pessoas de princípios marxistas, independentistas e antipatriarcais, na linha política do nosso Centro Social orgulhosamente ideologizado, volve-se começar.

Nesta ocasiom o perfil dos encontros do Centro de Estudos Marxistas (CEM, em adiante) variará. Já nom se repetirám as falidas reunions informais de há mais de um ano. Agora reuniremo-nos ao longo dum dia, com descanso para jantar, com um horário de manhá e tarde durante o qual aprofundar sobre a leitura de determinados textos de referência acordados previamente. Umha ou várias pessoas encarregarám-se nas citas da ponência dumha temática concreta. Sobre ela e a partir dos conhecimentos de cada quem, teóricos e práticos, formularemos um encontro interactivo entra todas as pessoas participantes, pretendendo alcançar consensos, discutir matizes, orientar interpretaçons enganosas ou mesmo qüestionar-nos ideas de fundo.

Se quigeres saber mais do Centro de Estudos Marxistas do Centro Social Henriqueta Outeiro, podes consultar-nos escrevendo para o nosso correio: cshenriquetaouteirogz@gmail.com

Irreverência na discussom!

Lealdade na acçom!

Finalmente foi só Laura Bugalho quem assistiu ao nosso local para ministrar umha longa palestra com a presença dum público composto na sua metade por vizinhos e vizinhas de Compostela de nacionalidades foráneas, trabalhadoras/es na Galiza. A ausência do companheiro de São Tomé foi desculpada, e esperamos poder contar noutra ocasiom com a sua participaçom.

Leia mais »

A Assembleia Aberta tem o prazer de comunicar no nosso blogue a realizaçom de mais um acto de clara identidade política por parte de umha das diferentes organizaçons que empregam o Local Social da Rua Quiroga Palácios, onde a Assembleia Aberta desenvolve as nossas actividades e anima outrem a fazê-lo.

Leia mais »

A palestra do comandante da Sierra Maestra Manuel Diaz, nascido na Póvoa do Brolhom, realizada quarta-feira 2 de Maio superou as expectativas. A organizaçom do acto, NÓS-Unidade Popular, tivo que instalar mais cadeiras para atender ao numeroso número de pessoas congregadas.

Leia mais »

Senim Gonçalves, do Conselho Nacional de AGIR, e José Cabido, em representaçom do STEG, coincidírom em reivindicar a criaçom dumha escola nacional galega pública e laica para a Galiza no debate realizado no CS Henriqueta Outeiro 27 de Março.

Leia mais »

Dous representantes da comunidae educativa galega, um profesor membro do Sindicato de Trabalhadoras/es do Ensino da Galiza (STEG) e um aluno, membro da organizaçom estudantil independentista AGIR, participam num debate sobre a escola galega.

José Cabido e Senim Gonçalves intervirám a terça 27 de Março às 20.30 no Centro Social Henriqueta Outeiro.

O músico, escritor, jornalista e basicamente divulgador da cultura galega, o polifacético Xurxo Souto, participou onte na primeira sessom da homenagem ao fundador dos matraquilhos promovida polo Centro Social Henriqueta Outeiro.
Numha intervençom breve mas cargada de anedotas relatou as lembranças das conversas que mantivo com Alexandre Fisterra, a quem definiu como umha "mistura entre Valle Inclán e Corto Maltês".

Leia mais »

O Centro Social Henriqueta Outeiro de Compostela organiza o debate “Situaçom e perspectivas da juventude galega”.

Leia mais »