As Jornadas Independentistas Galegas organizadas por Primeira Linha decorrêrom com o sustento das nossas instalaçons como espaço para as quatro comidas oferecidas ao longo do fim-de-semana.

Dúzias de pessoas passárom e comprovárom as habilidades culinárias das muitas pessoas que figérom possível a acolhida dentro dum local reabilitado com a nova decoraçom exterior e alguns serviços interiores como a biblioteca.

Também as pessoas vindas doutros países da península, umhas pola primeira vez e outras já conhecedoras do nosso Centro Social, marchárom da Galiza conhecendo as possibilidades que a autoorganizaçom na esquerda independentista permite para coordenar encontros nacionais de vários dias com os serviços básicos cobertos.

O ato de Néstor Kohan foi um sucesso. Nom apenas porque assistissem mais de médio cento de pessoas, também porque o conteúdo do seu discurso, introduzido polo secretário geral de Primeira Linha -entidade convocante-, foi recebido com grande interesse e motivo para a reflexom.

O Centro Social sente-se vivo graças a atos assim, e graças à assistência toda de vós, que tornades estes humildes contributos à teoria da revoluçom socialista em grandes lembranças que terá a Compostela vermelha de amanhá para rememorar e tirar liçons e argumentos para o debate sobre como fazer um mundo melhor.

Após o encontro com o camarada argentino Néstor Kohan, o Centro Social tem o prazer de oferecer-vos mais umha oportunidade para compartir mesa arredor dumha boa ementa tradicional.

O próprio argentino poderá degostar com nós dumha ceia consistente de:

- Sopa de peixe e marisco
- Carne ao caldeiro
- Peras ao vinho
- Café e bica

De seguro que marchará para Vigo com umha boa sensaçom, polo menos gastronómica, que @s companheir@s da Henriqueta Outeiro trabalharemos para oferecer-lhe.

Anima-te a vir ao debate e... nom duvides em apontar-te a comer com nós!

A organizaçom partidária comunista Primeira Linha, integrada no Movimento de Libertaçom Nacional Galego, vai trazer às nossas instalaçons o argentino Néstor Kohan.

O intelectual marxista estará pola segunda vez em menos de três anos no nosso Local Social, e poderemos escuitá-lo e departir com ele durante horas.

Remetemos ao comunicado publicado por Primeira Linha no seu web, citando-vos a partir das 20,30 com a esquerda revolucionária galega, para a formaçom e o debate.

O inteletual marxista argentino Néstor Kohan participará em duas palestras organizadas por Primeira Linha vindoura segunda-feira 7 e terça-feira 8 de fevereiro em Compostela e Vigo respetivamente.

Os dous atos públicos intitulados “A vigência do marxismo. Alternativa emancipadora à crise capitalista“, que se realizarám nos centros sociais Henriqueta Outeiro e Lume!, permitirám analisar a validez do método de análise de Karl Marx e a sua aplicaçom revolucionária na atual crise sistémica que padece o capitalismo senil.

O passado 20 de Março decorreu no local da rua Quiroga Palácios o quarto encontro de debate e formaçom impulsionado desde o Centro Social Henriqueta Outeiro.

Mais umha vez, várias pessoas juntárom-se ao longo de manhá e tarde para debater sobre a base duns textos recomendados. Estes fôrom explicados ou utilizados de referência durante a ponência por parte dum militante experimentado na elaboraçom teórica do pensamento nacional e de esquerdas sobre os modelos de estruturaçom das organizaçons nacionais e de classe.

Amanhá começa o mês de Abril e será entom que procuraremos continuar esta jeira mensal de encontros para a formaçom.

A quarta-feira às 20,30 o Centro Social oferece-vos umha nova cita. Desta volta trata-se dumha palestra sobre língua com o autor trasanquês Maurício Castro.

Ele póprio apresentará o seu livro "Galiza vencerá!". Sob este título recolhe a novidade da Abrente Editora na altura de Julho do presente ano. Umha selecçom de artigos escritos polo professor de português, que já fora apresentado no Parque de Belvis coincidindo com o Dia da Pátria e a sua recente publicaçom. Todos eles relacionados com a nossa língua e a sociolingüística.

No Centro Social Henriqueta Outeiro coidamos que devemos reivindicar agora mais do que nunca a vigência do nosso idioma como instrumento internacional e útil de desenvolvimento social e individual sem sobmetimento ao espanhol. Temos umha língua rica, com umha grafia história conservada nos cinco continentes, à qual queremos aderir para afortalar a consciência da identidade nacional-cultural do Povo Trabalhador Galego.

Deste e de quaisquer aspectos da realidade lingüística da Galiza poderemos falar e debater a quarta-feira.

Ficades convidad@s!

O Centro de Estudos Marxistas retorna às nossas instalaçons. Após muitos meses de paralisaçom da actividade formativa deste grupo incentivado por pessoas de princípios marxistas, independentistas e antipatriarcais, na linha política do nosso Centro Social orgulhosamente ideologizado, volve-se começar.

Nesta ocasiom o perfil dos encontros do Centro de Estudos Marxistas (CEM, em adiante) variará. Já nom se repetirám as falidas reunions informais de há mais de um ano. Agora reuniremo-nos ao longo dum dia, com descanso para jantar, com um horário de manhá e tarde durante o qual aprofundar sobre a leitura de determinados textos de referência acordados previamente. Umha ou várias pessoas encarregarám-se nas citas da ponência dumha temática concreta. Sobre ela e a partir dos conhecimentos de cada quem, teóricos e práticos, formularemos um encontro interactivo entra todas as pessoas participantes, pretendendo alcançar consensos, discutir matizes, orientar interpretaçons enganosas ou mesmo qüestionar-nos ideas de fundo.

Se quigeres saber mais do Centro de Estudos Marxistas do Centro Social Henriqueta Outeiro, podes consultar-nos escrevendo para o nosso correio: cshenriquetaouteirogz@gmail.com

Irreverência na discussom!

Lealdade na acçom!

O nosso local na Rua Quiroga Palácios acolheu o passado fim de semana o encontro interno para militantes, simpatizantes e amig@s do independentismo organizado polo partido comunista Primeira Linha com o galho da vinda à Galiza do brasileiro Valério Arcary, a portuguesa Ana Barradas e o basco Iñaki Gil de San Vicente, além da visita à capital do País do camarada Domingos Antom Garcia. Eles e ela foram convidad@s à XIII ediçom das Jornadas Independentistas Galegas.

Leia mais »

Quinta-feira temos um bom argumento para estarmos no Centro Social Henriqueta Outeiro. Para nos volver encontrar sob a interessante proposta da assembleia aberta: umha palestra sobre 'Imigraçom e pobreza'.

Leia mais »

Mohamed Safa, médico palestiniano residente em Galiza e histórico activista da OLP, impartiu umha charla no Centro Social Henriqueta Outeiro a passada terça-feira sobre a ocupaçom de Palestina.

Leia mais »