A semana passada morria combatendo o líder revolucionário Alfonso Cano, comandante das FARC-EP colombianas. Para as pessoas que trabalhamos no Centro Social Henriqueta Outeiro, Alfonso e os seus predecesores; Alfonso e as milhares de combatentes que mantenhem o pulso a um dos mais sanguinários estados burgueses do planeta, som estrelas vermelhas que alumeam o caminho da revoluçom socialista.

Como sabedes, nos últimos meses estamos reunindo-nos no local para homenagear com umha boa ceia aquelas pessoas ou acontecimentos históricos que nos merecem reconhecimento.

Este ano político figemo-lo à volta do Dia da Galiza Combatente e O Piloto, o mês passado. Agora em Novembro viramos a olhada cara Colômbia.

Será quinta-feira dia 24, e a ementa...
- Creme de cogumelos
- Raxo com maçá
- Taça de chocolate

Começamos o curso gastronómico 2011/2012 com umha ementa curiosa que nom deixará indiferentes as pessoas comensais. Paco está de volta e receberemo-lo como se merece: com um jantar feito com a mestria das suas maos, nom podiam ser outras!

Achegai-vos a tomar com nós...:

- Salada de espinafres e queijo de cabra
- Estufado de tenreira com caramelo de pimenta
- Copa de pêssego

A ceia, que decorrerá sexta-feira dia 30 a partir das 22 horas, fecha o mês de Setembro e dá passagem ao mês das castanhas, o mês da Galiza Combatente em que lembraremos o guerrilheiro José Castro Veiga, O Piloto, derradeiro guerrilheiro em ser baleado pola Guardia Civil, na altura de 10 de Março de 1965. Foi chefe do Estado Maior da III Agrupaçom Guerrilheira de Galiza, e operou em grande parte do território nacional, nomeadamente no oriente e suleste.

O Piloto, és dos nossos!

Quinta-feira passada Paco foi despedido no nosso local por algumhas amizades antes de emigrar. Até que volva, do CSHO queremos parabenizá-lo polas ensinanzas que nos deixa, e procuraremos inspirar-nos nelas para continuar com o trabalho culinário que tantas alegrias nos deu.

Nessa noite, Paco recebeu dous presentes e alguns aplausos como pequeno gesto de reconhecimento.

Sorte no teu destino, e adiante a cozinha do Centro Social!

O nosso chefe de cozinha Paco vai estar fora do País um tempo... e imo-lo botar de menos, e em falta. Mas isso nom evita que "celebremos", como mandam as tradiçons, esta despedida com algo de mágoa mas sobre todo com ilusiom polo seu futuro e pola aprendizagem que nos legou, e que procuraremos levar à prática sem ele.

Esta sexta-feira a partir das 22 horas, umha ceia à qual estás convidad@ será a última desta primeira jeira ao mando da equipa de cozinha do Centro Social.

Vem-te despedi-lo com nós! Nom o perdas!

A ementa será a seguinte:

- Salada de gambas, queijo e frutos vermelhos
- Abrótea "ajoarriera"
- Copa de creme catalana e mousse de chocolate

Aponta-te chamando ao 676 75 81 64 ou escrevendo para cshenriquetaouteirogz@gmail.com. Até quinta-feira podes!

A nossa habitual equipa de trabalho gastronómico e de serviço, integrada por militantes independentistas filiad@s ao nosso Centro Social, ocupárom-se de facilitar a cozinha e o empratado da ementa que a Gentalha do Pichel solicitou para o jantar da jornada lúdica a reivindicativa.

O 17 de Maio transladou-se este ano até 14 para aproveitar o sábado e ocupar a Praça 8 de Março de Compostela, onde o movimento de base normalizador e reintegracionista galego estivo chamado polo Centro Social A Gentalha do Pichel.

Aos atos, em que participamos diversas pessoas do nosso CS todos os anos dum jeito mais passivo, contribuimos nesta ocasiom ativamente, utilizando as nossas instalaçons em Quiroga Palácios e as nossas habilidades sob a coordenaçom de Paco para oferecer aos amigos e às amigas da Gentalha do Pichel o nosso graozinho de areia.

Alegramo-nos deste tipo de colaboraçons, que dam conta dum natural clima de fraternidade entre as pessoas da cidade e comarca que trabalhamos diariamente por um mesmo fim: a nossa língua, a nossa naçom.

Obrigad@s por confiardes-nos a tarefa!
Parabéns pola Festa do 17!

Quinta-feira, dia 7, acode comer com nós ao Centro Social umha nova elaboraçom da casa, realizada sob o aniversário das marchas antinucleares em Jove contra a instalaçom dumha planta no lugar.

Homenageando essas jornadas de luita de 1977, que alumeárom o Abril daquela altura, serviremos-vos umha deliciosa ementa composta por:

- Tosta de pemento com atum e tomate, queijo e cogumelos
- Galo com vinho e chocolate
- Copa de limom, cabaça e pêxego

Este fim de semana o local acolherá as refeiçons das Jornadas Independentistas Galegas organizadas polo partido comunista patriótico Primeira Linha.

Este ano alcançam a XV ediçom, e na rua Quiroga Palácios teremos o trabalho e a sorte de acolher as dezenas de pessoas que se abonem às refeiçons que durante dous dias proverá a entidade organizadora às pessoas assistentes, entre elas as ponentes chegadas doutros pontos da península.

Será um novo momento em que o Centro Social ficará na memória da construçom nacional dessa Galiza rebelde e lilás que dia a dia ajudamos a construir desde as nossas instalaçons.

Dentro duns dias fará-se mais um aniversário do famoso Banquete de Conjo, em que a vanguarda inteletual do galeguismo do sêculo XIX combina a sua presença no movimento artesao e estudantil para reafirmar os seus postulados protonacionalistas.

Na mesma cidade, muitos anos depois, os e as filiadas do Centro Social cremos que deve perviver na memória da Galiza em construçom o engenho e a impronta dum larguíssimo movimento de reivindicaçom nacional de que somos legatári@s como expressom socialista dele.

Convidamos-vos a um outro banquete, este da mao de Paco e os seus e suas pinches. Nom marcaremos umha data para a posteridade com a sua realizaçom, mas sim achegaremos mais um grao de areia para um movimento político em marcha que sim ficará gravado na história do País.

Ementa:
- Salpicom de marisco
- Costela assada com prebe de mel e limom
- Chulas de maça

Após o encontro com o camarada argentino Néstor Kohan, o Centro Social tem o prazer de oferecer-vos mais umha oportunidade para compartir mesa arredor dumha boa ementa tradicional.

O próprio argentino poderá degostar com nós dumha ceia consistente de:

- Sopa de peixe e marisco
- Carne ao caldeiro
- Peras ao vinho
- Café e bica

De seguro que marchará para Vigo com umha boa sensaçom, polo menos gastronómica, que @s companheir@s da Henriqueta Outeiro trabalharemos para oferecer-lhe.

Anima-te a vir ao debate e... nom duvides em apontar-te a comer com nós!

Vamos lá com umha nova ceia, a primeira deste mês de Fevereiro. Nesta ocasiom homenagearemos o líder e fundador do Frente Sandinista de Libertaçom Nacional, o nicaraguano Carlos Fonseca.

A ementa para a cita estará composta por:

- Tortilha vegetal
- "Gallo pinto"
- Salada de frutas tropical sobre biscoito de milho

Umha típica comida centroamericana que será do gosto de tod@s. Será amanhá sexta-feira a partir das 21h.
Lembra que podes confirmar assistência escrevendo para o correio cshenriquetaouteirogz@gmail.com
Nom o perdas!