Modelos linguísticos para o ensino

21-04-2010



Pablo Gamallo

Dia e hora da palestra: 10 de Abril às 12h00.

Desde há trinta anos, a Galiza adoptou como modelo linguístico no ensino obrigatório a imersom parcial, com umha presença da língua dominada que nom ultrapassa 50% das cadeiras leccionadas. A análise rigorosa das experiências vividas noutros países e territórios mostra que este modelo nom consegue atingir os objectivos de igualdade de uso e competência para os que foi posto em prática.

Descarregar mp3 [30,6 MB | 1h 29min 04s]

Biografia do professor Pablo Gamallo

Nasceu em Freixeiro (Vigo) em 1969. É licenciado em Filologia Hispánica pola USC e Doutor em Linguística pola Université Blaise Pascal, França. Actualmente, é docente-investigador Ramón y Cajal na USC, especializado em lingüística computacional.

Conceitos básicos de sociolingüística a partir de dous casos práticos: Porto Rico e Galiza

21-04-2010



Professor Maurício Castro

Dia e hora da palestra: 10 de Abril às 10h00.

Por vezes, podemos pensar que a situaçom de conflito lingüístico existente na Galiza é anómala em relaçom a outros processos de substituiçom lingüística no mundo existentes, mas realmente é umha problemática comum a outros casos.

Para comprovarmos que os problemas que enfrenta a comunidade lingüística galega nom som devidos a algum mal atávico e que se reproduzem em contextos semelhantes, será útil compararmos como funcionam num outro caso em que é o espanhol que ocupa a posiçom minorizada: Porto Rico. Também veremos como, no fundamental, em ambos casos funcionam os mecanismos ideológicos de dominaçom sociolingüística.

Descarregar mp3 [39,1 MB | 1h 53min 46s]

Biografia do professor Maurício Castro

Nasceu em Ferrol, Galiza, no ano 1970. É licenciado em Filologia Galego-Portuguesa pola Universidade de Santiago de Compostela (USC), exercendo na actualidade a docência de português na Escola Oficial de Idiomas de Ferrol, após ter leccionado nas escolas oficiais de Badajoz (Estremadura), da Corunha e noutros pontos da Galiza durante a última década.

Porém, a sua relaçom com o idioma galego-português remonta à sua adesom militante desde a juventude, tendo participado em diferentes projectos de auto-organizaçom em defesa dos direitos lingüísticos do povo galego.

É autor ou co-autor de obras divulgativas como a História da Galiza em Banda Desenhada (1995), Manual de Iniciaçom à Língua Galega (1998), Manual Galego de Língua e Estilo (2007) ou Galiza Vencerá! (2009). Presidiu o primeiro Centro Social reintegracionista em defesa do galego, aberto pola Fundaçom Artábria em Ferrol no ano 98.

Ensinar português e em português na Galiza

21-04-2010



Professor Filipe Presas

Dia e hora da palestra: 9 de Abril às 18h00.

O ensino de português como umha oportunidade docente. Actualmente muitos professores de ensino secundário, por necessidades horárias, estám a leccionar português. O facto de incluir português no CV dá umha vantagem competitiva aos docentes. Existe também as secções bilingues, a maioria em inglês e em francês quando em português seriam muito mais acessíveis para docentes e alunos(as).

Descarregar mp3 [29,1 MB | 1h 24min 51s]

Biografia de Felipe Presas

Nasceu no Rio de Janeiro, passou a infância em Niterói e a adolescência em Vigo. Viajou um pouco daqui para acolá. Licenciado em Tradução e Interpretação, dedica-se no presente à docência de língua portuguesa na EOI de Vigo e na Faculdade de Filologia e Tradução da Universidade de Vigo. Preside desde 2008 à associação Docentes de Português na Galiza. Todos os dias ensina e aprende português.

Léxico galego: problemas e soluçons

21-04-2010



Professor Carlos Garrido

Dia e hora da palestra: 9 de Abril às 16h00.

A partir da consideraçom e análise de umha rica mostra de usos lexicais hoje realizados por utentes cultos de galego, fai-se um levantamento dos processos de degradaçom que historicamente tenhem afectado o léxico galego e das correspondentes atitudes dos actuais codificadores.

A conclusom de tal inventário é desalentadora: para a maioria dos actuais utentes cultos de galego Nom existe nesta língua um sistema lexical funcional, estável e coerente, nem um modelo de correcçom lexical autónomo diferente do castelhano, de modo que só a ingenuidade de muitos e a impostura de alguns sustenta um estado de anomia e subsidiaridade expressivas que noutras coordenadas sociais e culturais, menos problematizadas do que as galegas, constituiria um verdadeiro escândalo.

Descarregar mp3 [32,9 MB | 1h 35min 58s]

Biografia do professor Carlos Garrido

Carlos Garrido Rodrigues (Ourense, 1967). É licenciado e doutor em Biologia pola Universidade de Santiago de Compostela (1990 e 1996 respectivamente) e licenciado em Traduçom e Interpretaçom pola Universidade de Vigo (1996).

Actualmente é professor titular da cadeira de Traduçom de Textos Científicos e Técnicos de inglês e alemám na Universidade de Vigo, presidente da Comissom Linguística e membro do Conselho de Redacçom da revista Agália.

É autor, entre outras obras, do Dicionário Terminológico Quadrilíngue de Zoologia dos Invertebrados (AGAL, 1997), do Manual de Galego Científico. Orientaçons Lingüísticas (AGAL, 2000) e de Aspectos Teóricos e Práticos da Traduçom Científico-Técnica (Inglês > Galego) (AGAL, 2001).

Igualmente, é autor da traduçom do Manual de Evoluçom e Sistemática (Laiovento, 2003), de Walter Sudhaus e Klaus Rehfeld, umha das primeiras traduções científicas na Galiza, e a primeira do alemám; e co-organizador da colectánea dos trabalhos Ferramentas para a Traduçom (AGAL, 2004).

Para que nos serve umha cultura?: Sistema e planificaçom cultural na Galiza

21-04-2010



Professor Elias Torres

Dia e hora da palestra: 9 de Abril às 10h00.

As comunidades precisam de elementos culturais para funcionar sobre  a base da sua coesom social. Nos seus processos e por diferentes  mecanismos vam seleccionando aqueles em que se reconhecem com maior  facilidade, aceitando ou resistindo propostas, imposiçons, etc., algumhas das quais acabam mesmo por ser interpretadas como inerentes ("essenciais") à comunidade por parte de algumhas elites ou grupos.

Isto pode empecer as tomadas de decisom para a continuidade da comunidade e a sua coesom e pôr em risco o próprio objectivo que se persegue, ao perder de vista o carácter instrumental desses elementos, fixar umha hierarquia que nom se corresponde com os valores e desejos da comunidade ou apresentá-la de modo insatisfatório para um conjunto importante da mesma. Galiza está numha tessitura destas características.

Descarregar mp3 [23,0 MB | 1h 07min 05s]

Biografia do professor Elias Torres

Nascido em Tui no ano 1964. Professor Titular da Universidade de Santiago de Compostela.

Prémio Extraordinário de Doutoramento 1996. Director do Grupo de Investigaçom GALABRA da USC nos sistemas culturais galego, luso, africanos de língua portuguesa e brasileira.

Presidente da Associação Internacional de Lusitanistas.

Foi Vice-reitor da USC (2006-2009). Co-fundador e primeiro Presidente das Associações Itaca e Nau Catrineta e Coordenador editorial de Candeia Editora, e ex-vicepresidente da Mesa pola Normalización Lingüística (1989-1993).

Didáctica renovadora: O Projeto Burela

21-04-2010



Professor Bernardo Penabade

Dia e hora da palestra: 8 de Abril às 18h00.

O modelo aditivo de política linguística municipal foi aprovado e aplicado por unanimidade de todas as forças políticas no Concelho de Burela desde o mês de Abril de 2008. O autor incidirá na área didáctica em tudo aquilo que tem de renovador.

Descarregar mp3 [30,6 MB | 1h 29min 07s]

Biografia do professor Bernardo Penabade

Coordenador do Arquivo Documental do Concelho de Burela, Bernardo Penabade é professor de ensino secundário no Instituto Perdouro da mesma localidade.

Desde 1983 é membro da AGAL e, actualmente, tamén da sua Comissom de Lingüística. Os seus trabalhos, nomeadamente orientados para a planificaçom, dinamizaçom lingüística e para a didáctica, podem-se ler na revista Agália e nas actas de diversos congressos e reunions de carácter científico.

Educaçom e Língua na Galiza

21-04-2010



Narciso de Gabriel

Dia e hora da palestra: 8 de Abril às 16h00.

Relatório através da qual nos aproximaremos à intensidade do projecto educativo na Galiza, prestando especial atençom à língua no devir e desenvolvimento do espírito profissional dos mestres e mestras galegos durante os séculos XIX e XX principalmente.

Descarregar mp3 [29,7 MB | 1h 26min 35s]

Professor Narciso de Gabriel

Narciso de Gabriel (O Cádavo, Lugo, 1955) é catedrático de Teoria e História da Educaçom e na actualidade decano da Faculdade de Ciências da Educaçom da Universidade da Corunha. Publicou diversos livros e artigos de carácter histórico-educativo, centrados especialmente na história da escolarizaçom, a alfabetizaçom, a profissom docente, a cultura escolar popular, a educaçom da mulheres e as relaçons entre escolarizaçom e prática lingüística. Alguns destes trabalhos valeram-lhe, entre outros, os prémios de investigaçom María Barbeito, Losada Diéguez, Crítica-Galicia e Concepción Arenal.

Palestras

07-04-2010



Descarregar cartaz [PDF]

Descarregar tríptico [PDF]

8 de Abril

16h00 - Narciso de Gabriel.
Decano da Faculdade de Ciências da Educaçom.
Educaçom e Língua na Galiza.

18h00 - Bernardo Penabade.
Professor no Instituto Perdouro de Burela.
Didáctica renovadora: O Projeto Burela.

9 de Abril

10h00 - Elias Torres.
Director Grupo de investigaçom Galabra na USC.
Para que nos serve umha cultura?: Sistema e planificaçom cultural na Galiza.

12h00 - Coletivo GLU-GLU, representado por João Aveledo.
Documentário Entre Línguas.

16h00 - Carlos Garrido.
Professor da Faculdade de Filologia e traduçom da Universidade de Vigo.
Léxico galego: problemas e soluçons.

18h00 - Filipe Presas.
Presidente de Docentes de Português na Galiza (DPG).
Ensinar português e em português na Galiza.

10 de Abril

10h00 - Maurício Castro.
Professor na EOI de Ferrol e sociolingüísta.
Conceitos básicos de sociolingüística a partir de dous casos práticos: Porto Rico e Galiza.

12h00 - Pablo Gamallo.
Docente-investigador Ramón y Cajal na USC.
Modelos Linguísticos para a educaçom.

Inscriçons

09-03-2010


Para se inscrever:

O prazo de inscriçom acaba o dia 07 de abril, incluído este dia.

Envie um email para tesouraria@agal-gz.org com o assunto: Jornadas e indique-nos o seu nome completo e o número do Documento de Identidade.

Receberá um email indicando a conta bancária onde deve fazer o depósito de 30 euros.

Envie uma cópia do justificante por email para formalizar a inscriçom.

Organizaçom

06-03-2010



http://www.pglingua.org



http://www.udc.es

Jornadas de Cultura, Língua e Ensino

Corunha 2010

Faculdade de Ciências da Educaçom

8, 9 e 10 de Abril

Diploma do Departamento de Didácticas Específicas por 16 horas

Está solicitado 1 crédito de livre configuraçom

Prazo de inscriçom

8 de março a 07 de abril

Comissom organizadora

Narciso de Gabriel

Xulio Pardo de Neyra

Valentim R. Fagim

Corunha 2010

Faculdade de Ciências da Educaçom

8, 9 e 10 de Abril

Diploma do Departamento de Didácticas Específicas por 16 horas

Está solicitado 1 crédito de livre configuraçom

Prazo de inscriçom


Até o dia 07 de abril

Comissom organizadora


Narciso de Gabriel
Xulio Pardo de Neyra
Valentim R. Fagim

  Feeds XML

powered by b2evolution free blog software