O próximo sábado 29 de março às 12h, o C.S.Lume! acolherá umha palestra sobre a repressom contra a juventude basca, organizada por Briga.

A continuaçom apresentamos o texto da notícia:
Fiéis ao nosso compromisso internacionalista, BRIGA organiza junto a com a nossa entidade irmá, a estudantil AGIR, dúas palestras na Galiza com a juventude independentista, socialista e feminista basca. Essa mesma juventude que nos últimos anos percorreu umha dura travessia no deserto da ilegalizaçom, a clandestinizaçom, a tortura,? A repressom generalizada e totalizada como cultura política espanhola imposta em Euskal Herria.

Como conseqüência da batalha dada contra o capital, centos de jovens vírom as suas vidas truncadas por procedimentos jurídicos e policiais que determinariam a sua existência, e portanto a da sua própria naçom, sobmetida a embates duros e constantes empenhados em pôr freio ao seu desenvolvimento.

Estes dias estarám na Galiza para contar a sua experiência várias jovens bascas. Da sua trajetória política, e do seu infatígavel combate contra a prisom, o calabouço, os fardados e armados, os violentos e prepotentes, os poderosos e impunes, temos muito que escuitar.

Sexta-feira 28 às 19h será na faculdade de Filosofia da USC, em Compostela, co-organizando com AGIR.
E sábado 29 às 12h será no CS Lume! de Vigo.

A juventude rebelde galega estará sempre com a juventude dos povos que luitam por umha Pátria soberana, lilás e vermelha.