Domingo 21 de abril, o C.S.Lume! assistirá a IV Andaina pola proteçom da Serra do Galinheiro, convocada pola Plataforma em defessa da Serra do Galinheiro da qual formamos parte. Saímos às 10h30 do Parque Florestal de Zamans, ao final da andaina haverá um posto do C.S.Lume! com viandas várias. Aguardamos-te!! http://serragalinheiro.wordpress.com/

Próximo debate, sábado 27 de abril às 19h30 no C.S.Lume!
Crise do Estado Espanhol e alternativas da esquerda soberanista e independentista galega.
Fotos debate, link: https://picasaweb.google.com/centrosociallume

Este ano estaremos na rua Teófilo Llorente (antigo Ras). Nom podes faltar, deixar de visitar o nosso posto. Temos vinho do Condado, chouripam reçém feito, ovos, sobremesa, etc... e todo isto, a preços populares.

Também contaremos com a permanente animaçom do grupo d@s pandereiteir@s do Lume! que atuarám ao longo do dia. Que nom cho contem, vem desfrutar com nós! Esperamos-te!!

A próxima quarta-feira 20 de março, terá lugar no C.S.Lume! umha palestra mentalmente interessante... A mente consciente é o resultado da atividade de milheiros de milhons de neurónios que temos no encéfalo. Essas células comunicam-se entre elas mediante sinais elétricos, formando umha complexa rede de conexons.

Quando estamos espertos o encéfalo, utilizando a informaçom dos sentidos e a que guardamos armazenada na memoria, cria umha imagem do mundo que temos arredor; essa imagem é, na meirande parte, umha invençom. Vivemos numha realidade virtual elaborada pola atividade eléctrica e química dos nossos neurónios. Como sirgiu essa funçom no processo evolutivo? É possível ter um conhecimento objetivo do mundo no que nos rodeia? Podemos diferenciar o mundo real do inventado polo nosso encéfalo?

Ministrada por Xurxo Mariño Alfonso (Lugo, 1969), é biólogo e Doutor em Ciências Biológicas pola Universidade de Santiago de Compostela (1998), professor do Departamento de Medicina da Universidade da Corunha e imparte matérias em centros universitários da Corunha, Ferrol e Compostela. É membro da Seçom de Ciência, Natureza e Sociedade do Conselho da Cultura Galega.

Especializado en neurofisiologia, fai parte do grupo de investigaçom Neurocom da UDC, assim como de várias sociedades científicas estatais e internacionais. Tem publicado trabalhos de investigaçom em prestigiosas revistas especializadas e colaborado com o Massachusetts Institute of Technology (MIT).
Realiza múltiples atividades de divulgaçom do conhecimento científico, procurando ademais a interaçom com o mundo das humanidades. Tem publicado os livros Os dados do relogeiro, Ciência amena para mentes inquietas(Conselho da Cultura Galega, 2005) Pó de estrelas (Conselho da Cultura Galega, 2008) e Neurociência para Júlia (Laetoli, 2012); colabora, entre outros, com o portal Culturagalega.org na seçom ADN e com o web de divulgaçom Naukas.com; organiza por toda Galiza os Café-teatro-científicos, umha amena atividade divulgativa que leva a ciência até os bares; e desenvolve outras atividades de divulgaçom como os Discurshows, umha mistura de charla e teatro; ou os monólogos do espaço de ciência e tecnologia da TVG Conexons. No ano 2011 levou o Prémio Especial do Jurado do I Certame FECYT de Comunicaçom Científica.