Categoria: "CRÓNICAS"

Mai30

Os maios voltárom ao Calvário

Posted by lume on 30-05-2012  ~  Posted in: CRÓNICAS  ~  Enviar comentário »


Sábado 26 de maio, o Centro Social Lume!, em colaboraçom com a associaçom vicinal "A Paz Fútbol Sala", celebramos os Maios. A intensa jornada contou com diversas atividades desde as primeiras horas da manhá.

Decoramos "O Maio" seguindo a tradiçom com fiuncho, flores e frutas. A música popular animou a velada que foi seguida por multidom de crianças do bairro onde nom faltárom os petiscos e doces.

Bem chegada a tarde houvo música ao vivo com a participaçom de diversas pessoas, entre elas, as do curso de gaita e pandeireta do Lume! Os companheiros da Paz organizárom jogos populares para todas as crianças presentes, ao carom do Maio de 3 metros de altura que luzia no centro das pistas do Merlo.

Com a festa e a celebraçom dos Maios, o CS Lume! contribuiu a recuperar no bairro do Calvário a tradiçom e a cultura popular galega que festeja a despedida do inverno e dá a bem-vinda à primavera.

Mai04

Crónica do 1º de maio

Posted by lume on 04-05-2012  ~  Posted in: CRÓNICAS  ~  Enviar comentário »


Como o primeiro ano após a nossa inauguraçom, o Centro Social LUME! celebramos um jantar de confraternizaçom polo dia do Internacionalismo Proletário, que este ano veu marcado polos constantes recortes que a burguesia, através dos seus títeres de turno no governo, estám a lançar sobre a classe trabalhadora. Deste jeito, este 1º de maio ficava envolto na resaca da greve geral do 29-M e diversas organizaçons do MLNG solicitárom que a próxima greve geral fosse de 48 horas para parar a brutal ofensiva do Capital.

Nesse sentido fôrom as palavras do Responsável Comarcal de NÓS-UP de Vigo que, após ser apresentado por um membro do LUME! resaltou a linha que a sua organizaçom deve seguir na comarca, com mais empregos destruídos e de maior importáncia no seio da luita obreira.

Posteriormente, e antes da foliada da que desfrutárom as 40 pessoas assistentes, o responsável do Centro Social volveu falar para anunciar com alegria a libertaçom do camarada Miguel Nicolás, que terá um recibimento popular a sexta-feira 4 de maio e umha ceia solidária por volta das 21h no nosso Centro Social.

Agradecemos a presença de todas e todos @s que compartilharom o 1º de maio connosco.
A seguir na luita!

Mar09

Video, obra de teatro do Manifesto Comunista

Posted by lume on 09-03-2012  ~  Posted in: ATIVIDADES, CRÓNICAS  ~  Enviar comentário »


Como anunciamos no seu momento, a Homenagem ao Manifesto Comunista que o Centro Social Lume! realizou o passado 25 de fevereiro, contou com umha representaçom teatral sobre a obra, por parte do Coletivo Lume!
A peça já está disponível em Youtube / Facebook e Twitter!

Link da crónica.
Link do evento.

Mar03

Crónica: O morador da fenda, de Roberto A. Rodrigues

Posted by lume on 03-03-2012  ~  Posted in: CRÓNICAS  ~  1 comentário »




A passada quarta-feira 29 de fevereiro, o escritor Roberto A. Rodrigues apresentou o seu último livro,
O morador da fenda, no Centro Social LUME!

Promovido pola Associaçom Galega da Língua (AGAL), o autor apresentou este novo livro na nossa língua: o galego-português. Fijo-o num de tantos espaços que, ante o silenciamento consciente por parte das instituçons "oficiais" da língua, por deixar já de mencionar a obviedade do planificado impedimento por parte das instituiçons espanholas e os meios de comunicaçom de sempre. Os movimentos sociais e os setores normalizadores reintegracionistas seguiremos trabalhando pola normalizaçom do galego desde a única perspectiva possível: a do nosso tronco lingüístico, a da contruçom nacional e nom dependência do espanhol.

A intervençom começou por volta das 20h30, após a breve introduçom do Fernando, e durou aproximadamente uns 40 minutos, onde o autor salientou o "exótico" do livro e o motivo que o levou a escrevê-lo. Ao remate do evento, companheiros e companheiras que acompanhávam ao escritor convidárom a uns momentos de confraternizaçom com variados petiscos.

Do LUME! apoiamos e apoiaremos sempre este tipo de iniciativas que ajudam a progressar na normalizaçom da nossa língua e a sua inseparável literatura. Agradecemos a assistência de todas as pessoas e estamos dispostos e dispostas a umha próxima.

<< 1 2 3 4 5 >>