Dúzias de pessoas ateigárom no serám do sábado 27 de outubro o centro social Lume! para assistir à apresentaçom do último livro de Miguel Urbano Rodrigues.

Com máxima pontoalidade Ilduara Medranho deu a palavra Carlos Morais, encarregado de realizar umha introduçom ao livro do veterano jornalista e militante comunista português.
Posteriormente Miguel Urbano, após manifestar a sua satisfaçom por poder estar novamente na Galiza, realizou umha breve exposiçom sobre as motivaçons de ?Enquanto a memória responde?, para dar passo a um longo colóquio de mais de duas horas onde respondeu a diversas inquietudes das pessoas presentes.

Miguel transmitiu a sua opiniom sobre a refundaçom da equerda, a necessidade da coordenaçom internacional das luitas, a evoluçom e tendências em curso da Revoluçom cubana, a percepçom do povo português sobre a realidade nacional da Galiza, o processo de negociaçom das FARC-EP com o governo colombiano, a situaçom e futuro da revoluçom bolivariana.

A apresentaçom de ?Enquanto a memória responde? foi um ato de afirmaçom revolucionária, da vigência do marxismo-leninismo, da máxima urgência de seguir construindo partidos comunistas para luitar contra a ofensiva burguesa e pola Revoluçom socialista, descartando o eleitoralismo e preparando o movimento obreiro e popular para tomar o poder.

Com o final do verao reiniciamos as atividades regulares do Lume! A continuaçom apresentamos umha galeria gráfica do ambiente do leilom, que precedido de um jantar de sóci@s e amizades, realizamos o passado sábado 22 de setembro.

Quinta-feira 13 de setembro tivo lugar a homenagem a Fito Dominguez, a voz de A Roda.
Foliada do Celta, O andar miudinho, O gato, Sam Benitinho, fôrom algumhas das cançons interpretadas pol@s pandereteir@s do Lume!, com a ajuda das dúzias de pessoas que ateigárom o centro social.

Fito, amigo e companheiro, nom esquecemos a tua voz grave e profunda, que tanta alegria e orgulho nos deu para crescermos com os nossos sons a várias geraçons de galegas e galegos. Tampouco nunca esqueceremos a tua altruista contribuiçom na recuperaçom da cultura tradicional da nossa Pátria.
Até sempre!

CONVÍVIO E FESTA DE REINAUGURAÇOM DO LUME!
Após duas semanas de intenso trabalho, primeiro de desmontagem e mudança do antigo local, e depois de acondicionamento das novas intalaçons, no serám de sábado 9 de junho foi reinaugurado o novo Lume!

Agora na rua Rouxinol 16 rés-do-chao, mas igualmente no coraçom do bairro obreiro do Calvário, o centro social reabriu as suas portas. Dúzias de companheiras e companheiros do MLNG e de amizades da esquerda independentista e socialista de Vigo, desfrutamos em ambiente de alegria e festa, do novo espaço.
Com umhas dimensons similares ao anterior local, a distribuiçom espacial das novas instalaçons, facilitarám os diversos usos para os que está destinado o centro social. Entre petiscos e música popular compartilhamos umha longa velada na que nom faltárom os agradecimentos e lembranças.

INTERVENÇOM POLÍTICA
Numha breve intervençom a companheira Ilduara, em representaçom da diretiva do CS Lume!, agradeceu a todas as presentes ter respondido afirmativamente ao apelo da inauguraçom. Manifestou que ?mudamos de local? mas o ?projeto segue sendo o mesmo?. ?O nosso ADN nom se alterou. Somos um local comunista, feminista e independentista enquadrado no seio do MLNG?. ?Este centro social é umha realidade viva desde há dous anos graças ao esforço inicial do Alberte, Rebeca, Luzia, Tantes, Adriám, Iago, Eva, Manu, Simom, Xavier, Heitor e Nacho?. ?Mas também quero agradecer o esforço e dedicaçom do Raúl, Paco, Samuel, Abraham e Urbano, nas dúzias de horas dedicadas a reformar este velho local para converté-lo neste acolhedor centro social?.

Finalmente, antes de continuar com a festa foi lembrado o camarada Telmo Varela, e pendurada umha foto sua num dos lugares mais emblemáticos do centro social. ?Hoje nom nos pode acompanhar fisicamente mas sabemos que ao igual qie nós estamos com ele, Telmo agora está connosco. Aguardamos que o antes possível poda vir buscar esta foto e levá-la para casa?.

FOTOS, REPICHOCA E QUEIMADA
Durante a intervençom foi projetada umha galeria de fotos com atividades do Lume!, assim como das obras de acondicionamento do novo local.

Ainda com os ecos dos gritos de ?Telmo Varela liberdade!? continuou a festa com umha repichoca de pandeiretas e gaita. Posteriormente foi elaborada umha queimada ao som do Hino do Antigo Reino da Galiza e recitado o conjuro por parte da companheira Érica.