Categoria: "CRÓNICAS"

Fev29

Crónica: A diana obreira decorreu no LUME!

Posted by lume on 29-02-2012  ~  Posted in: CRÓNICAS  ~  Enviar comentário »


A atividade organizada pola organizaçom juvenil da esquerda independentista BRIGA tivo lugar a sexta-feira passada com mui boa acolhida.

As e os jogadores que participárom, pudérom desafogar-se à sua vontade contra os responsáveis da nossa perda de direitos e a erradicaçom das nossas conquistas sob a escusa da crise económica do seu sistema de lucros e exploraçom: o injusto sistema capitalista.

Desde as 20h30 e durante hora e meia, as participantes lançárom um trás outro dardos contra o capitalismo. Num ambiente agradável estivemos entretidos e entretidas nuns duros jogos que, além da vitória simbólica do ganhador (que recebeu os prémios estabelecidos), valeu mais para a raivosa e também simbólica vitória contra os que atacam à juventude galega.

O Centro Social LUME! agradece a dinamizaçom do nosso espaço à esta entidade juvenil revolucionária.

Fev29

Crónica: Homenagem ao Manifesto Comunista

Posted by lume on 29-02-2012  ~  Posted in: CRÓNICAS  ~  Enviar comentário »


O passado sábado 25 de fevereiro no Centro Social LUME! rendimos homenagem, dumha forma criativa e original, à que foi a primeira obra que provocou a ruptura com o socialismo utópico e sentou as bases do nascimento do movimento obreiro internacional. Este manifesto, pilar principal dos e das comunistas do mundo, foi o ponto de inflexom que conduciu a muitos revolucionários e revolucionárias a dotar de ferramentas teóricas à classe trabalhadora na procura da sua emancipaçom. Karl Marx e Friedich Engels contruírom umha das melhores obras para a transformaçom da sociedade, para acabar com a exploraçom por parte da burguesia, apelando sem complexos à necessidade dumha revoluçom comunista, à tomada do poder por parte do proletariado. Ampliado por outros marxistas como Lenine e mal-interpretado (consciente ou inconscientemente) por outros, nom cabe dúvida da importância histórica do Manifesto Comunista.

Dada a procedência alemá dos autores da obra, por volta das 21h30 começava umha ceia típica da Alemanha: Mexilhons à alemá, Bierfleisch e Strudel. Posteriormente, as 27 pessoas assistentes pudérom desfrutar da original obra teatral que, interpretada por pessoas do nosso Centro Social, tentou representar o essencial do Manifesto Comunista. Fôrom dias de preparaçom que deu como resultado umha obra ingeniosa, divertida e consciente, com a finalidade de satisfazer a homenagem a esta obra com criatividade revolucionária.

Finalizada a obra, a confraternizaçom entre os e as assistentes perdurou até bem entrada a madrugada.
Do Centro Social LUME! agradecemos à assistência de todas as pessoas, que som as que realmente mantenhem vivo este projeto e dam forças e ánimos para continuarmos avançando.

Video da obra de teatro: http://www.youtube.com/watch?v=CcFXXpcY5K0&feature=youtu.be

Fev13

Crónica: X ediçom da Hóstia em Verso

Posted by lume on 13-02-2012  ~  Posted in: CRÓNICAS  ~  Enviar comentário »


O passado sábado 11 de fevereiro no Centro Social LUME! acolhimos um novo espetáculo realizado pol@s poetas da hóstia. Poetas galegas de distintos pontos do país reunírom-se mais umha vez numha fantástica velada poética onde o combate acadou a sua máxima tensom com os versos dumha e doutra equipa.

Arredor de 60 pessoas escuitárom e rírom com os espetaculares versos dos e das poetas, que desta volta enfrentávam ao povo contra Urdangarín. Um alto nível poético carregado de elevadas doses de humor que figérom das 2 horas de espetáculo algo efémero.

Desde o Centro Social LUME! queremos agradecer o esforço e entrega das poetas da hóstia assim como a todas e todos os assistentes polo magnífico ambiente ocasionado
e por ser partícipes do nosso projeto, que desta volta tinha como objetivo nom só passar um bom momento, mas difundir a nossa poesia e demonstrar que na nossa língua todo é possível com total naturalidade, em contra da opiniom de muitos.

Esperamos que fosse do vosso agrado. Repetiremo-lo noutra ocasiom :yes:

<< 1 2 3 4 5