Alguns dirám que foi um éxito a organizaçom das touradas em Sárria no dia de ontem, que já há umha grande tradiçom taurina na vila,etc. Nós só podemos estar satisfeitos por continuar coa tradiçom anti-taurina da vila, por juntar a mais de cem activistas diante da praça colocada na Outarela e sobretodo por lograr conscienciar a muitas sarrianas, especialmente entre a mocidade, da barbarie da sua "festa nacional".

Leia mais »

Mais um ano Lugo viviu intensamente a noite do 23 de junho, as fogueiras iluminarom quase todos os bairros e paróquias, com esse sentimento que geram aquelas festas arraigadas na cultura popular e que configuram a nossa identidade atraves da história. No lume novo, chamado também a noite de Sam Joám, denominaçom cristianizada, celebra-se a chegada do solsticio de verao e está muito vinculada as tradiçons agrárias e pagans. Supom também toda umha demostraçom da auto-organizaçom do povo para fazer as suas festas.

Leia mais »

Cartaz da convocatoria en pdf aquí'

-A saida de Lugo será às 11h00 desde a estación de autocarros para repartirse nos carros-
-A outra oportunidade é às 16h00 na mesma praza mobel en Outarela-
-Lembra: hai que fazer umha concentración festeira, levade instrumentos, mascaras, "banderillas" no lombo,...-

Despois de dous anos sen touradas, vários empresários de hotelaria da vila, teiman con traer de novo a sua "festa nacional" . As touradas son unha lamentábel exaltación da violencia, da tortura e da morte de animais. As festas populares do san Xoan terán que conviver nas rúas con esta triste apoloxía da barbárie.

Leia mais »

Mais um ano organizamos o lume novo e iste repetimos experiência com a gentalha da associaçom pola defesa do parque Rosalia e sumamos o pessoal do C.S. Vagalume.

Como de costume na rúa Sam Xillao, baixo o Mercadona de Fontinhas. Desde às 20h00 com foliada, jogos populares, chouriços, comida vegana, sardinhas,...muita festa e reivindicaçom contra os destrutor-especuladores

A assembleia de mulheres em formaçom do Centro Social organiza umhas interesantes jornadas: Saude, mulher e direitos reprodutivos. Conheçamos o nosso corpo para ser mais livres.

Leia mais »

A passada quarta-feira dia 3 de junho, apresentou-se Iniciativa Internacionalista, Solidariedade entre os povos, no nosso centro social. Nela participarom o escritor e militante da Frente Popular Galega, Xosé Luis Mendez Ferrín e o também militante da FPG em Lugo, Xosé Manuel Seixas. Durante o acto analisarom-se os principais pontos programáticos desta candidatura às eleiçons europeias do dia 7 de junho, assim como também se falou da genese da mesma e da tentativa de ilegalizaçom protagonizada polo Ministério del Interior, que afinal nom foi avante.

Leia mais »

“A crise da língua e a lógica do Capital” a cargo de Celso Álvarez Cáccamo.

No Centro Social Madia Leva! continuam os actos do Mês da Língua. Nesta quinta-feira 4 de Junho, Celso Álvarez Cáccamo ministrará a palestra “A crise da língua e a lógica do Capital”. Nela falará sobre o conflito lingüístico, o significado do uso do galego como extração de classe e o seu significado de resistência cultural e política, aplicando ao caso galego os conceptos 'capital cultural', 'mercado' e 'submercado' de Bourdieu.

Celso Álvarez Cáccamo (Vigo, 1958) é escritor, sociolingüista e professor titular de Linguística geral na Universidade da Corunha. Filho de José María Álvarez Blázquez, entre 1975 e 1990 estudou e viviu em Compostela, Barcelona, Buffalo (EUA) e Berkeley (EUA). Doutor en Filología Hispánica, a sua tese de doutoramento, The Institutionalization of Galician: Linguistic Practices, Power, and Ideology in Public Discourse, foi apresentada na UC Berkeley. É administrador da página Versão Original e da revista çopyright de pensamento, crítica e criação.

Leia mais »

-A feira mantem-se em formato reducido e reivindicativo a partires das 12h00 do Sábado-

Por segundo ano consecutivo o Concelho de Lugo volta a suspender a feira de associaçons de Lugo. Os concelheiros responsáveis da proibiçom, Basadre, Zarzuela e Rábade, nom derom nenhumha razom convincente para voltar a censurar ao associacionismo da cidade. A petiçom para o uso das casetas e da praça realizou-se fai meses e contestarom justo três dias antes e quando os cartazes (tirados co apoio da Deputaçom de Lugo) já estavam editados. Dizer que se denega porque o Conselho de Associaçons de Lugo nom tem "personalidade jurídica" é rídiculo. Só nos demostra umha cousa: o espaço público é regulado de acordo aos interesses políticos de quem governa o Concelho, sendo quase inviável organizar qualquer evento em praças públicas de Lugo sem ter que passar pola sua peneira.

Leia mais »

A luita contra as obras em Rosalia demostrou este sábado na manifestaçom de Galiza Nom Se Vende que tem o apoio do povo lucense. O conflito polas construçons nas costas do Parque Rosalia uniu a 300 pessoas ao berro de "Orozco atende, o parque nom se vende" ou "Esta obra imo-la parar". Depois dumha semana de muita propaganda, com cartazes em todos os bairros e reparto de milheiros de panfletos, nem o mal tempo mingou a participaçom. Estamos a conseguir que todo Lugo perceba que o parque é de todas, que o nosso património público deve ser defendido sem trégua e que nom passaremos mais umha burrada urbanística na nossa cidade. Já vencerom os especuladores quando foi derrubado o Gram Teatro, agora venceremos nós.

Leia mais »

Tertúlia:A situaçom do galego na comarca do Návia-Eu.

A Associaçom Cultural Abertal nasce no ano 2003 para defender a língua e culturas galegas na comarca do Návia-Eu. O seu presidente, o académico Carlos Varela, falará esta sexta-feira às 20h30, dentro do Mês da Língua, sobre a situaçom na que se encontra a nossa língua nesta comarca da chamada Galiza "irredenta". Abertal trabalha pola consecuçom da co-oficialidade do galego dentro da Comunidade Autónoma de Asturias.

Leia mais »