O próximo sábado, dia 28 de janeiro, despediremos o velho local cumha foliada que dará começo por volta das 19h30. A seguir faremos um passa-ruas até o novo local na rua Serra de Ancares. Nom perder esta festa que será a última em Amor Meilám e será a jornada prévia a inauguraçom das novas instalaçons em Serra de Ancares que já anunciamos para os dias 10 e 11 de fevereiro.

O local velho abrirá esta semana só a quarta-feira, dia 25, e o dia da despedida, o sábado 28.Aliás esta semana temos fixadas as seguintes quendas de trabalho no local novo:
-Terça-feira, de 16h30 a 22h30. -Quinta e sexta de 19h30 a 22h30. -Sábado de 9h00 a 14h00.

Coa legenda "Fraga foi um fascista" diversos colectivos convocam umha manifestaçom denunciando a campanha de tergiversaçom que pretende lavar a imagem de Fraga, vendendo-o coma um demócrata. A manifestaçom partirá da Alameda às 12h00.

A seguir o manifesto da convocatória.

Leia mais »

A próxima segunda-feira, dia 23 de janeiro, às 20h30 teremos umha assembleia aberta no novo centro social.Convocamos esta assembleia co propósito de que se achegue à gente a conhecer o novo local, a aportar ideias e colaborar nesta nova etapa que aginha começa.

Se queres botar umha mao nas obras do traslado estas som as quendas desta semana:

-Terça-feira, dia 17. Às 10h30 em diante (mais ou menos até as 12h30) e de 19h30 a 22h30 No velho local de Amor Meilám. De 19h30 a 22h30 também no velho local.
-Quarta-feira, dia 18. Às 10h30 em diante no novo local. De 19h30 a 22h30 no velho local.
-Quinta-feira, dia 19. Às 16h30 no novo local.De 19h30 a 22h30 no velho local.
-Sexta-feira, dia 20. Às 10h30 no novo local.De 19h30 a 22h30 no velho local.
-Sábado e domingo (dias 21 e 22). De 9h a 14h00 e de 16h00 a 20h00. No novo local.

O local velho seguirá aberto co mesmo horário durante esta semana.

Arrincamos 2012 coa olhada posta na nossa mudança de local. Durante janeiro trasladaremo-nos à rua Serra de Ancares, no número 18. O novo local oferece melhores possibilidades. Contaremos cuns 320 metros, divididos em três partes. Aliás continuamos no centro de Lugo, ainda que fora das muralhas, estamos a poucos metros da Ronda da Muralha (na zona do Multiusos da Xunta).
A decissom de mudar de local vem-se baralhando desde fai meses, estudando bem todas as alternativas que fômos atopando. Para nós é importante o tema das finanças, o ser um projecto autogerido, sem cobrar qualquer subvençom de instituiçons, polo que é complexo manter a quantidade de gastos que gera um centro social.
A nova ubicaçom e o novo local gostarom a maioria de sócios e sócias logo de olhar distintas alternativas que fôrom aparescendo. Começamos pois umha nova etapa deste projecto, igual de carregada de ilusons, novas ideiais e projectos a que animamos a participar.
Janeiro será o mês do traslado e obras e a partir de fevereiro já estaremos em Serra de Ancares. Manteremos aberto o velho local co horário habitual durante o que resta de mês.
Todo este ingente trabalho vai requerir de todas as colaboraçons possíveis polo que animamos a que cadaquem ajude ou colabore da melhor maneira que veja.
De momento as segundas-feiras do mês haverá juntanças para coordenar os trabalhos. A próxima o dia 16 às 20h30.

O próximo sábado, dia 14 de janeiro, às 16h00 desputará-se a sexta jornada da LNB na Conferência Norleste. O II Aberto da Galinha de Mos terá lugar no velho campo de futebol de Castro Ribeiras de Lea.

Leia mais »

Esta quinta-feira, dia 12 de janeiro, às 20h30 apresentará-se no centro social o livro "Teoria de Inverno. Os presente do Apalpador", editado polo centro social Gentalha do Pichel de Compostela. Teoria de Inverno é um trabalho coletivo que conta com a participaçom de Jorge Paços, André Pena, Pepe Árias, Maria Iglesias, José André Lôpez, André Seoane, Mar Llinares, Carlos Calvo, Anjo Rua Nova e Jose Cadaveira.

Teoria de Inverno é umha reflexom coletiva que pretende abrir caminho, ser a primeira pedra de um conjunto de estudos mais profundos, mais sistemáticos e mais alargados sobre a nossa identidade, mitologia e tradiçons. Nom se apresenta, pois, como um produto final ou acabado, mas como a primeira tentativa de estudo multidisciplinar sobre um fenómeno poliédrico –o Apalpador- que é abordado aqui de diferentes perspetivas: a perspetiva etnográfica do mito, a perspetiva social da sua recuperaçom e a perspetiva antropológica do seu papel na nossa sociedade tradicional e atual.

O livro está à venda na nossa loja. Parte dos lucros irám destinados à escola de ensino infantil Semente.

Remata o ano e queremos deixar aqui um pequeno resumo da actividade do nosso centro social no 2011. Celebramos as nossas festas, o entruido, o lume novo, o samaim, os magustos,...Trouxemos mais um ano ao Apalpador, conhecimos a nossa comarca, figemos o grupo de estudos debatindo sobre a crise na Galiza e também sobre a nossa história, participamos na Liga Nacional de Bilharda, colaboramos co associacionismo lucense. O nosso local acolheu coletivos cidadáns e plataformas que luitam por um Lugo, por umha Galiza e um mundo mais justo. Todo isto sem receber por suposto, nem um peso das instituiçons, dependendo exclussivamente do nosso trabalho voluntário.
Em definitiva trabalhamos dum jeito aberto e plural, como vimos fazendo nos últimos quatro anos, polo bem da nossa cultura, da nossa língua e dos direitos do nosso povo. Assim queremos continuar, ainda que alguns teimem em manipular e mentir sobre nós. Sabemos que o que lhes amola é o nosso compromiso e a nossa existência.
Seguiremos também berrando com força: Antom e Maria liberdade! Liberdade independentistas!
No 2012 seguiremos adiante. Mais um ano contruindo Galiza e contruindo poder popular.
A seguir podes olhar alguns cartazes das actividades feitas neste ano.

Leia mais »

O Apalpador baixou do Courel a passada sexta-feira até Lugo, convidado polo Mádia Leva! e mais a Cova da Terra. Gostou como poidemos saber de ter participado neste evento que promovia um consumo responsável, porque como sabemos ele nom gosta do consumismo destas festas.

Leia mais »

Manhá 23 de dezembro co-organizamos umha feira de consumo responsável junto coa Cova da Terra. O Apalpador visitará nesse mesmo dia a cidade de Lugo. Às 18h00 da tarde na praça Maior temos umha cita co gigante carvoeiro do Courel.
Ao mesmo tempo haverá diversas actividades como obradoiros de brinquedos reciclados, chocolate quente, castanhas e jogos para crianças,etc. Também teremos mesas de material e diversa informaçom das associaçons.Como em anos anteriores o Apalpador fará a sua visita acompanhado de trasnos e de foliada polo que animamos à gente a que traia os seus instrumentos.
Neste evento colaboram também a Fundación Preescolar na Casa e a Granxa Garabullos.

Leia mais »