Subimos algumhas imagens da ceia e recital poético que a assembleia comarcal de Causa Galiza organizou no nosso centro social esta sexta-feira passada.Na mesma participarom Xiana Arias, Maria Rosendo, Alberte Momán, Rosa Enríquez e Alba Bidueira.

Leia mais »

7 DE MARZO [ CONCELLO DO PINO ]
twitter-conexións en directo ás 14:30 h e 19 h vía >> www.latri.ca/ovaral

Iste vindeiro domingo 7 de Marzo , na pista do Marquiño ( ó carón da estrada nacional ) no Concello do Pino , vai celebrarse o Billarda All Stars_2010 , unha auténtica reunión de estrelas diste emerxente e espectacular deporte de esencia tradicional que en sesión de mañá prepara o espectacular Concurso de Varados e Habilidades: 12 h , e o explosivo Concurso de Mates : 13 h. Despois dun xantar de irmandade , ás 16:30 H. do serán realizarase o gran Aberto das Estrelas, un partido que reunirá na pista do Pino os mellores palanadores e palanadoras do país xunto cos rouquis ou novatos que queiran inicarse niste deporte que arrinca chantos e invade leiras. Ademáis A LNB prepara o referencia disco de apoio a ista revolución deportivo-social con temas exclusivos de temática billardeiro dos mellores grupos galegos, temas que soaran nas respectivas sesiósn a pé de pista na mañán e tarde que o LNB SOUND SYSTEM, o colectivo de djs que acompañan cada un dos asaltos da LNB, realizarán no concello do Pino nun dos de seguro históricos machucos billardeiro.

BILLARDA SEMPRE ADIANTE CO VARAL!!

www.ovaral.blogspot.com

A Plataforma anti-ordenança, formada por um conjunto de organicaçons sociais e políticas lucenses convoca umha Rolda de imprensa o vindouro sábado 27 de fevereiro às 12h00. no C.S. Uxío Novoneira, na que se informará sobre o contéudo da ordenança que pretende aprovar o grupo de governo do Concelho de Lugo, assim como das actividades que se porám em marcha para contrarrestar esta vulneraçom dos direitos civís de todos/as os/as lucenses.

A Plataforma anti-ordenança está formada polos seguintes colectivos:

CIG (Confederación Intersindical Galega), Asociación Parque Rosalía, Centro Social Mádia Leva!, CNT (Confederación Nacional de Traballo), Plataforma Alternativa, Sinerxia, Axunica, PCG (Partido Comunista de Galicia), XCG (Xuventudes Comunistas de Galicia), Abriga (Asociación Brigadista de Galiza), Adega, Foro pola memoria, Cova da Terra, Masa Crítica e Taller de solidaridad.

- Máis información: http://ordenanzaincivica.blogspot.com/

Sobre nós decidirmos nós. Soberania e democracia.
A próxima sexta-feira dia 26 às 21h00 a assembleia comarcal de Lugo de Causa Galiza organiza umha ceia e recital poético no nosso centro social.

No recital intervirám Rosa Enríquez, Alberte Momán, Alba Bidueiro, Xiana Arias, Maria Rosendo e Jose Manuel Nunes.

A festa fechará-se com umha foliada no Cubil do Lobo a partir das 24h00.

O debate sobre as alternativas à crise continua com os seguintes textos:

-GUY DEBORD. A Sociedade do Espectáculo.
-MIGUEL AMORÓS. Onde estamos? Algumhas consideraçons sobre o tema da técnica e os jeitos de combater o seu domínio.
-MIGUEL AMORÓS.Os meus amigos russos e polacos.

A sessom do dia 26 de fevereiro será às 19h00 mudando o horário habitual.

Além desta nova sessom do grupo de estudos, e também em colaboraçom coa Escola Popular Galega, adiantamos que o sábado dia 6 de março teremos um curso de electricidade doméstica básica.Será a partir das 17h00.

Ai deixamos umha imagem do nosso circo. Onte foi dia de entruido e celebramo-lo com um bo cocido e disfarçando-nos polas ruas de Lugo.
Em breve subiremos mais imagens da comparsa.

Este entruido chega a cidade um circo muito especial. Nada será como num circo normal: desde os paiasos aos malabaristas passando polas funçons especiais de forçudas e domadores perseguidos. Trucos de mágia e lançador miope de coitelos.O dia 16 de fevereiro imos estar na praça da Soidade desde às 16h30.
Antes faremos um jantar popular típico do entruido no centro social.Há que anotar-se antes do dia 15 no local ou enviando um mail.(Custo 10 euros)
O próprio dia 16 às 11h00 combinamos no centro social para preparar o jantar e mais ultimar os disfarces do circo. O jantar será às 14h00.
Um espectáculo único e por riba de balde.

Continua esta sexta-feira o debate do grupo de estudos sobre alternativas comunitárias à crise. Desta volta seguiremos trabalhando sobre o texto de Alex Callinicos no que critica as teorias de Toni Negri.
A ceia como sempre às 21h30.

No dia de onte, 4 de Fevereiro, morria o histórico militante nacionalista, Antom Moreda. Desde o Mádia Leva! queremos lembra-lo como o que foi: um luitador pola liberdade do nosso povo.
Antom Moreda natural da Marinha, finou como consequência dumha grave doença. Levava desde os 32 anos no Psiquiátrico de Castro. Mas antes tivo umha longa trajectória no nacionalismo. Primeiro foi fundador das Mocidades Galeguistas de Bos Aires a começos dos anos 50, que seguiam a linha dos arredistas agrupados no jornal A Fouce. A sua volta a Terra adicou-se a re-organizar o movimento que depois do golpe militar ficara esfarelado. Tomou contacto co grupo Brais Pinto e trabalhou para a editorial Galaxia.
Destacou por artelhar na clandestinidade o Conselho da Mocidade, do que seria segredário geral, até que foi purgado polo pinheirismo, que os riscava de "agentes comunistas". O seu pecado forá tratar de artelhar o galeguismo político frente as teses culturalistas.
Depois desta purga, que significou o fim do Conselho, Antom ingressaria no psiquiátrico mas ainda tivo participaçom em distintas iniciativas nacionalistas e de esquerdas. Um exemplo foi a revista a Gaiola Aberta da que era presidente.
O seu corpo será enterrado hoje na sua paróquia em Sam Miguel de Reinante(Barreiros).

Leia mais »