O próximo Domingo dia 1 de agosto, organizamos um roteiro pola Fraga da Marronda no Concelho de Baleira, Comarca de Burom. Quem queira vir deve avisar antes do dia 31 de Julho (no correio madialeva.gz@gmail ou bem no local sito na Rua Manuel Amor Meilám 18 res-do-chao).

A Fraga da Marronda, situada entre as entidades de Branha, Mendreiras, Martím e a estrada que une O Cádavo com Martím, é considerada a mai de todos os bosques de Baleira que, junto com outros bosques do município como son os de Freixido, Bosque do Eo, Monte Grande e Carvalhal, Bosque da Lastra e Bosque de Córneas entre outros, conformam umha extensom de mais de 30 quilómetros quadrados de bosque. A Fraga de A Marronda, cumha extensom de 1.239 Ha. constitue um magnífico exemplo de bosque autóctone Galego que aliás conserva um excepcional estado de conservaçom.

Mais info. em http://www.amarronda.com/index_galego.htm

Leia mais »

Amanhá, quarta-feira 28, comedor popular às 14h45.

Desde esta semana até setembro o local social só abrirá de 20h00 a 22h00, mas abriremos de segundas a sextas como vinhamos fazendo.

O próximo dia 25 de julho chamamos a participar na manifestaçom que convoca Causa Galiza, que partirá desde a Alameda de Compostela às 13h00.

A terça-feira , dia 20, está convocada umha marcha em bici pola cidade de Lugo para anunciar a manifestaçom que sairá da praça Maior de Lugo às 18h30

MANIFESTO: A simbologia galega de volta às ruas!

Umha parte importante do nosso povo decidiu aderir ao vendaval espanholista que tem monopolizado nos últimos meses jornais, televisons, rádios e resto de meios empresariais.
Bandeiras espanholas nas janelas e varandas, camisolas da selecçom, panos, pulseiras, bonés e variadíssimo merchandisng invadem as nossas ruas num esforço sem precedentes por invisibilizar a discrepáncia com o pensamento único, com o único pensamento permitido.
Esta potente operaçom mediática nom é inocente; está planificada e responde aos interesses políticos do projecto nacional espanhol, negador da nossa cultura nacional e principal responsável polo extermínio da nossa língua.
Achega-se o Dia da Pátria; achega-se o dia em que as pessoas que queremos que a Galiza continue a existir saímos à rua para reivindicar os nossos direitos nacionais.
Por isso cremos que chegou o momento de recuperarmos as ruas: com a nossa presença nas mobilizaçons, com a nossa participaçom nas festas e especialmente agora, com a bandeira da Pátria.
Vamos exibir a nossa bandeira, a bandeira galega; AGORA TOCA-NOS A NÓS.
Eles ganhárom o mundial de futebol: nós havemos ganhar o futuro.

TODAS AS CASAS COM BANDEIRA!

Esta quarta-feira, dia 21 de julho, comedor popular às 14h45.

Companheiras e Companheiros:

Nom vou saber como vos agradecer a honra de pronunciar hoje este discurso, neste festa das vésperas do Día da Nossa Pátria, perante vós –as minhas irmãs e os meus irmãos-, precissamente aquí, na Chaira, na terra dos meus devanceiros. Nom podo deixar de vos dizer que, esta bisbarra, tem um fondo significado para mim: topónimos que ecoam desde a lembrança sempre saudosa da minha nenice: Robra, Joibam, Gaibor..., rios coma este ou como o Ladra, onde meu avó quijo aprender-me, sem sucesso nengum, a pescar; a Terra Chá é a pasiagem paradigmática da Galiza na minha memória mais profunda. Como dicia Otero, o 25 de Julho de 1930, no Garcia Barbom de Vigo: É natural, senhoras e senhores, que as minhas primeiras palavras foram adicadas á aldeia. Sempre na Galiza qualquer manifestaçom vidal tem que vir dela (...) O povo labrego e marinheiro soupo sempre o seu dever; namentras os homes de cultura, ou os que se chaman de tais, esqueziam a terra e procuravam um vivir de imitança, o povo guardava-se fiel ao espírito. Trabalhando de sol a sol, aldrajado e servo, nom perdeu a confiança. Cangado em col de probes leiras de centeo cantava as catigas antergas, cada manhã novas de novo orvalho, e pola noite, ao redor dum probe lume de garamatas, em cada fogar latejava a lenda, a imaginaçom, a arte dos celtas inspirados. Neste Dia, nosa primeira admiraçom para o povo.

Leia mais »

O próximo sábado temos umha cita no Festival da Chaira, primeiro co nosso jantar de irmandade na mesma praia de Baltar (Pastoriza), depois co Aberto de bilharda e pra rematar a jornada co festival.

Combinou-se no centro social às 13h00 para quem nom tenha carro ou nom saiba chegar a Baltar.

Na noite do dia 11 o nosso centro social foi atacado, reproducimos o comunicado da nossa associaçom denunciando os feitos:

COVARDES

Esta é a qualificaçom que merecem os autores dos estragos sofridos no nosso local social na noite do 11 de julho, supostamente na celebraçom da vitória da selecçom de Espanha no mundial de futebol.

Efectivamente o espanholismo mais descerebrado, aquele que nom tem outros argumentos que o álcool e a pressom grupal causou graves danos no nosso local social rompendo a porta de entrada, supostamente com garrafas valeiras.

A nocturnidade e o apoio da situaçom de irracionalidade incitada polos médios de comunicaçom provocou que umha suposta celebraçom futebolística se convertisse numha exaltaçom do fascismo espanholista, da galegofóbia e da violência. Dicimos nocturnidade porque está claro que os autores do ataque nom se atreveriam a fazê-lo coa luz do dia e com membros da associaçom dentro, por medo a ter-se que enfrontar depois às consequências. Issa é a forma de fazer naçom dos espanhóis : covardia, mentira e irracionalidade.

Sabemos que espertamos o ódio de todos aqueles que sentem nostalgia da Espanha imperial e a paz dos cemitérios. Mas anunciamos-lhes desde aquí que o seu projecto está fracassado quando depende básicamente de exaltaçons irracionais como a do Mundial de futebol ou a paletada de Eurovisiom. O seu projecto nacional ganha-os co espectáculo e a emoçom, mentras banqueiros, especuladores e empresários pactam despidos livres, rebaixas nas pensons, jubilaçons aos 70, subidas de IVA, menos sanidade, etc. Covardes som também os autores do ataque ao nom querer enfrentar a crua realidade que lhes vai a impor o capital. É covardia fugir dos problemas reais e refugiar-se na emoçom coletiva fabricada por outros.

Desde Madia Leva ! pensamos seguir dando a cara, sem covardias nem amparando-nos na massa irracional, e coa conviçom da luita polos direitos nacionais que a Galiza correspondem como Povo. Direitos que sabemos que nom se sostenhem sobre os espectáculos de massas nem o embrutecimento das emoçons dirigidas desde arriba, senom sobre as convicçons das pessoas e da solidariedade do nosso Povo bom e generoso.


Denantes mort@s que escrav@s !

Viva Galiza ceive !

Com motivo da celebraçom do Dia da Pátria organizamos um jantar popular o sábado, dia 17 de julho. Este ano deslocaremo-nos até Baltar (na praia fluvial de Riboira) já que coincide co festival da Chaira. Mais info:achainza.blogspot.com

O custo do jantar serám de 10 euros (lacom asado, churrasco, chouriços, salada,empada, omelete e sobremesa,vinho e licores. Também teremos opçom vegetariana)Para anotar-se temos de praço até o dia 15 de julho poidendo anotar-se no local, enviando um mail ou bem no tlf.627232479. Organizaremos a viagem para que aquelas pessoas que nom tenham carro poidam vir até Baltar e também haverá carros de volta para quem nom fique pola noite no festival

Depois do jantar haverá umha arenga por parte de companheir@s de Causa Galiza. Aliás o mesmo dia de tarde organizam um aberto de bilharda dentro das actividades do festival no que animamos a participar.