Esta sexta-feira, dia 3 de junho, teremos umha nova sessom do grupo de estudos continuando co debate sobre a crise energética. Rematará-se de ver a projecçom do documentário "Colapso" e haverá debate a seguir.
Lembrar que a ceia começa às 21h00.

Leia mais »

Este domingo, 29 de maio, desputá-se o Play Off Nacional de Conxo, a finalíssima da Liga Nacional de Bilharda. Nestas finais participám os melhores palanadores e palanadoras de cada conferência, decidindo-se neste aberto os e as campioas nacionais do 2011.
O mundo da bilharda nom para nunca e prova disto é a apariçom de novas publicaçons relacionadas com este desporto. Podes ler e descargar aqui o primeiro número da Revista Bilharda.
Preme aquí

Esta semana nom haverá grupo de estudos como estava previsto. Adiá-se umha semana ficando pois para a sexta-feira, dia 3 de junho a seguinte sessom.

O Mádia Leva! participará na concentraçom do dia 17 de maio convocada pola Plataforma Queremos Galego.

Data: 17 de maio. Dia das Letras Galegas.
Lugar: Rua da Rainha em frente do Hotel Mendez Núñez.
Hora: 12h00.

De cara a este 17 de maio, Dia das Letras Galegas, lançamos nova propaganda com textos de autores/as bem conhecidos das nossas letras para reinvindicar o uso e defesa da nossa língua. Esses mesmos que agredem a nossa língua e que fam homenagens hipócritas e interessadas, agochando o que em vida defenderom muitos dos nossos escritores e escritoras. Entre eles escolhemos a Manuel Maria, Castelao, Celso Emilio, Rosalia, Novoneira e Carvalho Calero.
Diante dos ataques que sofre o nosso idioma, agudizados ainda mais se cabe desde a chegada do Partido Popular à Xunta, temos a responsabilidade de luitar e defender o idioma porque senom veremó-lo morrer nesta geraçom, ficando só como língua de museu ou de homenagens umha vez ao ano.
Do Mádia Leva temos claro que a língua defende-se usando-a , criando espaços onde esteja normalizada e denúnciando aos desleigados que odiam o galego e atacam a nossa língua. Este é um trabalho de todos e todas e que cumpre manter no dia-a-dia.
Todo o ano defendendo o idioma. Na Galiza em galego.

Leia mais »

Estaleiro Editora vem de traducir e publicar o livro "Um dia da minha vida" de Bobby Sands. Pode-lo adquirir no nosso centro social por 6 euros.

Leia mais »

Está a ponto a segunda ediçom do concurso Angelo Casal que organiza a Associaçom Cultural Fontaira, promotora da bebida de cola galega, a Galicola. O 5% das vendas vam destinados à normalizaçom da nossa língua através do concurso que se celebra o dia 17 de maio.No centro social temos umha furna onde podes depositar o teu voto ao projecto que prefiras dos que se apresentam este ano.

Leia mais »

Esta sexta-feira, dia 13 de maio, volta o grupo de estudos. Debate e ceia a partir das 21h00.

Trás termos rematada a primeira parte da crise capitalista na Galiza, o Grupo de Estudos Mádia Leva, em colaboraçom com a EPG, alternará os conteúdos dos debates nas sextas feiras cada quinze dias.
Na vindoura, dia 13 de maio, abordaremos umha questom já tocada em debates noutras comarcas do país: a trascendência da crise energética e a pertinência de aquelas teses que vincam no esgotamento dos combustíveis fóssiles.
Ante a impossibilidade, por enquanto, de garantirmos a presença dos conferenciantes especialistas no tema, projetaremos o documentário 'Colapso', protagonizado polo investigador estadounidense Michael Ruppert. O trabalho está legendado em galego e tem umha focagem eminentemente didática. Trás a projeçom realizará-se um colóquio sobre os seus conteúdos.
Antes do debate teremos a ceia habitual, que custa 5 euros para trabalhadores/as e 2 euros para pessoas no desemprego.

O próximo domingo , dia 15 de maio, remata a Liga regular de bilharda em Remourelhe (Ribadeu). Deste último aberto sairám os ganhadores e ganhadoras da conferência Norleste e mais os e as classificadas para as finais em Compostela o 29 de maio.

O Mádia Leva! secundará a manifestaçom convocada para este domingo pola Rede Galiza Nom Se Vende da que fazemos parte. “CONTRA O SAQUEO SOCIOAMBIENTAL DA NOSA TERRA” “Terra viva e vida digna para tod@s” som as legendas coas que se convoca esta manifestaçom que partirá desde a Alameda de Compostela às 12h00.
Depois às 17h da tarde a Sala Nasa acolherá o último concerto da III Caravana de GNSV, onde actuarám os grupos Guintervan e GalegoZ, apresentados polo grupo de teatro Berrobamban.

Leia mais »