O próximo sábado, 1 de outubro, temos festa. E é que celebramos os quatro anos de andaina e queremos mais. Imos ter ceia, petiscos, foliada e festa. Sobre isso das 20h00 passa polo centro social.
Também projectaremos diversos material destes anos, videos, fotos, cartazes,etc.

As sessons formativas e de debate voltam esta sexta-feira, dia 30 de setembro. O objectivo deste curso que começa será o achegamento a nossa história com diversos textos e projecçons. Combinaremos cada quinze dias, as sextas-feiras às 21h00 com ceia e debate.
Este actividade é organizada polo grupo de estudos em colaboraçom coa Escola Popular Galega.

Informamos que a charla programada para esta quarta-feira, dia 28, fica adiada. Informaremos quando se confirme a data para a sua celebraçom.

Horários dos cursos que imos ofertar este ano:

-GAITA. Quartas-feiras de21h00 a 22h00.
-PANDEIRETA.Segundas-feiras.
- 20h15 a 21h15. Aperfeiçoamento.
- 21h15 a 22h15. Iniciaçom.
-ESGRIMA MEDIEVAL.Terças-feiras e quintas-feiras de 20h30 a 21h30.

O vindouro sábado 24 de setembro distintas pessoas e colectivos, entre eles Sindicato Labrego Galego, o Encontro Irmandinho, a Liga Estudantil Galega, o Movemento Estudantil Universitário ou Causa Galiza, convocam umha manifestaçom para rechaçar a farsa da reforma da Constituiçom espanhola com o único fim de blindar constitucionalmente a doutrina económica neoliberal.
A sua constituiçom intocável no referente aos direitos e libertades dos povos é reformada em questom de dias quando assim o exige o Fundo Monetário Internacional ou nos conselhos das grandes corporaçons transnacionais. Esta reforma vem por no centro do debate a imperiosa necessidade de exercermos o direito de autodeterminaçom e conseguir para a Galiza a soberania nacional plena como garantia para definirmos um quadro jurídico-político e umha estrutura económica acorde com as necessidades da maioria social.

A manifestaçom partirá às 18h00 da Alameda de Compostela este sábado 24 de setembro.

Leia mais »

O curso de pandeireta começará neste mês. Haverá umha juntança coa mestra e a gente interessada a próxima quarta-feira, dia 21 de setembro, às 20h00, onde se decidirám horários e dia da semana no que serám as aulas.
Em quanto se confirme o horário definitivo penduraremos a informaçom completa do curso.

Este sábado, 17 de setembro, às 16h30 no porto de Burela, celebrá-se o III Aberto do Bonito que será o começo da Liga de bilharda na Conferência Norleste.O aberto será novamente organizado polo Colectivo Cultural O Buril.
Conhece o calendário de abertos para este ano:

Leia mais »

Desde esta segunda-feira, dia 12 de setembro, voltaremos a abrir co horário que tinhamos antes do verao.

NOVO HORÁRIO DO CENTRO SOCIAL:
De segundas-feiras a sextas-feiras de 19h30 a 22h30.

Este sábado às 16h00 na praça da festa de Feira do Monte, Cospeito,celebra-se o II Aberto de bilharda da Rá da Lagoa de Cospeito.
Boa oportunidade para ir-se preparando porque só umha semana depois,o 17 de setembro, começa a liga.

Este sábado, 10 de setembro, organiza-se o dia da Landra no campo da feira da Póvoa de Sam Juliám. Esta iniciativa, que apoiamos desde o Mádia Leva, pretende recuperar a landra como símbolo nacional. Nasce da iniciativa de Destino Galaico. Entre as actividades haverá bilharda e jantar (com produtos gastronómicos da landra)entre outras actividades.

Leia mais »