Tal como determina o artigo 6 dos seus estatutos “A Fundaçom Meendinho tem por objeto contribuir para a plena normalizaçom da Língua e a cultura galega bem como para a sua projeçom e divulgaçom nacional e internacional.

Assim mesmo terá como finalidade impulsionar e promover ideias e projetos que levem a um potenciamento dos históricos laços culturais e linguísticos com todos os países de fala portuguesa, especialmente com o vizinho Portugal.

Estes fins inspiram-se, nom só em razões históricas, senom também na ideia de supressom de fronteiras culturais que se abre caminho na Europa atual.

Para o cumprimento destes fins, a Fundaçom fomentará a literatura, artes plásticas, música tradicional e moderna, vídeo, cinema, etnografia, sociologia, intercâmbios docentes, viagens culturais e todos os trabalhos que contribuam a um maior relacionamento da Galiza com a cultura portuguesa.

No padroado da Fundaçom estam pessoas da Galiza e de Portugal.