O FACHO: Letras Galegas: Júlio Lopes Valcárcel - Xosé Maria Díaz Castro

09-05-2014

Agrupaçom Cultural O Facho
Rua: Frederico Tápia 12-1º
15005 A Corunha


Palestra

A Agrupaçom Cultural O Facho tem a bem o convidar a assistir à palestra que o vindouro dia 13 de Maio, o escritor e poeta, Júlio Lopes Valcárcel que falará sobre o poeta d'Os Vilares de Parga, Xosé Maria Díaz Castro, figura homenageada neste ano com o galho das Letras Galegas.

Lopes Valcárcel é membro destacado da Geraçom Poética dos 80, figura nas mais importantes antologias da poesia galega contemporânea, como Escolma da Poesía galega, Poesía Galega de hoy, etc... Os seus poemas fôrom traduzidos ao espanhol, catalám, inglês, italiano, alemám, russo e francês. É colaborador habitual de prensa e radio, membro da Asociación Española de Críticos Literarios,

Assim mesmo está em possessom, entre outros, dos prémios Celso Emílio Ferreiro, Antón Tovar e Miguel González Garcés, sendo Premio da Crítica Española em duas ocasions. Entre os seus livros podemos citar Víspera do día, Solaina da ausencia, Memoria de agosto, Casa última, A melancolía dos corpos e a escolma de poesia mapuche traduzida ao galego Lúa de xemas frías. Em narrativa publicou o libro de relatos Anel de mel e a novela Campo de Marte. Como ensaísta, a ediçom da Poesía galega de Miguel González Garcés, Viaxe ao corazón de Galicia, Sinais na Area, Mineiro de Luz, Confesión de Parte, O escano baleiro

Dia: 13 de Maio do 2014 - Hora: 8 do serao
Local: Portas Artabras
R/ Sinagoga 22- Cidade Velha ? Crunha


J. Alberte Corral Iglesias
Secretário d?O Facho

Todas as palestras estám em: http://agal-gz.org/blogues/index.php/ofacho/

O FACHO: Letras Galegas-Actos

08-05-2014

Agrupaçom Cultural O Facho
Rua: Frederico Tapia 12-1º-C
15005 A Corunha

Actos com o galho das Letras Galegas do ano 2014

13 de Maio 2014


Manhá

Às 12 e 1/2 da manhá: Oferenda floral nos jardins de Mendes Nunes diante do monumento a Curros Henriques. Falará o presidente d?O Facho, José Luís Rodrigues Pardo, sobre Xosé María Díaz Castro o homenageado este ano com o ?Dia das Letras Galegas? ,
Na cerimonia haverá musica de gaiteiros.

Tarde

Às 8 do serám em Portas Artabras, Rua Sinagoga 22 - Cidade Velha, o poeta e ensaísta, Júlio Lopes Valcárcel falará sobre o poeta d'Os Vilares de Parga, Xosé María Díaz Castro.

J. Alberte Corral Iglesias
Secretário d?O Facho

O FACHO: O galego-português, umha aposta chave no desenvolvimento da Galiza? por David O. Peom Pose -

05-05-2014

O FACHO: O galego-português, umha aposta chave no desenvolvimento da Galiza? por David O. Peom Pose -
O FACHO: O galego-português, umha aposta chave no desenvolvimento da Galiza? por David O. Peom Pose -

O passado 30 de Abril e perante um interessado público, o professor da UDC, David O. Peom Pose, compartilhou umha muito interessante palestra sobre: O galego-português, umha aposta chave no desenvolvimento da Galiza?.

Na sua exposiçom, apoiada com esquemas e imagens que dialogavam com a conferencia avalada desde a experiência pessoal, mostrou como o galego-português é um veiculo nom só de cultural senom também umha ferramenta de desenvolvimento económico do País, e um elemento curricular de grande valor na Europa.

Umha vez findada a sua exposiçom houvo um interessante colóquio com os assistentes

O FACHO: José Paz Rodrigues - ?Galiza e Tagore?

02-05-2014

Agrupaçom Cultural O Facho
Frederico Tápia 12-1º
15011 Crunha

A Agrupaçom Cultural O Facho de A Corunha convida-lo assistir aos seus ciclos de palestras públicas do período 2013-14

Palestra

O vindouro dia dia 07 de Maio, quarta (mércores), o Professor jubilado da UDV, José Paz Rodrigues, falará dentro do ciclo, Língua, Literatura e Naçom. organizado pola nossa Agrupaçom, com a sua exposiçom intitulada:: ?Galiza e Tagore.? O acto realizara-se em Portas Artabras - Rua Sinagoga 22- Cidade Velha

Paz Rodrigues é académico da AGLP, membro de AGAL, Didacta e Pedagogo Tagoreano e Presidente da ASPGP (Associaçom Sócio-Pedagógica Galaico-Portuguesa). Professor na Universidade de Tagore em Bengala, República da Índia. Assim mesmo é autor de numerosas investigaçons sobre pedagogia, sobre a cultura de Bengala, e um grande conhecedor do cinema hindu, tendo publicado múltiplos trabalhos sobre o mesmo tanto na Uniom Índia como na Galiza. No Portal Galego da Língua sustem as séries: "Dizer e Fazer" e "As Aulas no Cinema".

Dia: 07 de Maio - Hora: 8,00 do serám
Local: Portas Artabras
R/ Sinagoga 22
Cidade Velha ? A Corunha

J. Alberte Corral Iglesias
Secretario d?O Facho

O FACHO: David O. Peom Pose - O galego-português, umha aposta chave no desenvolvimento da Galiza?.

16-04-2014

Agrupaçom Cultural O Facho
Frederico Tápia 12-1º
15011 A Crunha

A Agrupaçom Cultural ?O Facho? d?A Crunha convida-o assistir aos seus ciclos de palestras publicas e abertas do período 2013-14.

Palestra

O vindouro dia 30 de Abril do 2014 às 8,00 do serám, terça, o Professor da UDC, David O. Peom Pose, intervirá dentro do Ciclo, Economia, História e Realidade Social. A sua charla versará sobre: O galego-português, umha aposta chave no desenvolvimento da Galiza?.

Peom Pose é Lcdo. em Economia pola USC, Doutor em C.C.E.E. e Empresariais pola UDC, assim mesmo está intitulado em Chartered Financial Analyst (CFA) polo CFA Institute e Mestrado em Finanças (MSc Finance) polo Birkbeck College - University of London. Actualmente é professor de Finanças na U. da Crunha, assim mesmo é membro de ?Economistas fronte à crise?.

Como autor tem umha interessantíssima obra, tanto em artigos como em livros. Destes últimos sublinhamos: ?Financial Markets: A Guided Tour?, como co-autor. Tem multiplos trabalhos sobre diferentes aspectos da economia galega e mundial, tanto em médios do País como do estrangeiro, dos mesmos só acentuamos: A Crise dos Médios em Galego, Using Behavioral Economics to Analyze Credit Policies on the Banking Industry, Mais Europa e menos España, Pom português no teu CV, Playing with fire: Internal devaluation for GIPSI countries,

.

Dia: 30 de Abril 2014 - Hora: 8 do serám
Local: Portas Artabras- Rua Sinagoga 22
Cidade Velha - Crunha

J. Alberte Corral Iglesias
Secretário d?O Facho

O FACHO: "Rosália de Castro, a perspectiva galega do mundo" por Francisco Rodrigues Sanches

02-04-2014

O FACHO: "Rosália de Castro, a perspectiva galega do mundo" por Francisco Rodrigues Sanches

O passado dia dia 1 de Abril, terça, o Doutor em Filologia Românica e Catedrático de Literatura espanhola Francisco Rodrigues Sanches, compartilhou com os cidadás assistentes ao ciclo ?Língua, Literatura, e Naçom?, os seus estudos e investigaçons sobre a vida e obra da nossa grande poeta, Rosália de Castro, a perspectiva galega do mundo.

O professor Francisco Rodrigues expujo a sua mui interessante palestra ilustrando-a com significativos poemas da figura estudada. As reflexons expostas polo conferencista leva-nos a afirmar que muitas das eivas e pechas sob os que estavam escravizadas as classes populares galegas seguem hoje tam rejas como há dous séculos: despotismo, emigraçom, miséria, etc.. o que nos leva a pensar se de facto nom existe umha política desenhada para Nós desaparecermos como povo e naçom.

Como sempre ao findar a sua exposiçom o conferenciante mantivo um colóquio com o público assistente.

O FACHO: Francisco Rodrigues Sanches - Rosalia de Castro, a perspectiva galega do mundo

28-03-2014

Agrupaçom Cultural O Facho
Frederico Tápia 12-1º
15011 A Corunha

A Agrupaçom Cultural O Facho de A Corunha convida-o assistir aos seus ciclos de palestras públicas do período 2013-14

Palestra

O vindouro dia 1 de Abril, terça-feira (martes), o Doutor em Filologia Românica e Catedrático de Literatura espanhola Francisco Rodrigues Sanches, falará dentro do ciclo, Língua, Literatura e Naçom. A sua palestra versará sobre: Rosalia de Castro, a perspectiva galega do mundo. O acto realizara-se às 8 do serám em Portas Artabras, Rua Sinagoga 22 ? Cidade Velha.

Rodrigues Sanches é autor dumha ampla obra de investigaçom e ensaio em temas lingüísticos, literários, culturais e políticos desde unha perspectiva nacionalista. Inaugura unha linha de análise sócio-lingüística com a publicaçom de "Conflicto lingüístico e ideoloxía na Galiza". Especialista em figuras de grande relevância como Rosália de Castro -Análise sociolóxica da obra de Rosalía Castro-, Curros Enríquez -A evolución ideolóxica de Manuel Curros Enríquez-, Blanco Amor -O desacougo da nación negada, Eduardo Blanco Amor-. Neste âmbito realizou trabalhos como o ?Literatura galega, problemas de método e interpretación?

Paco Rodrigues foi um dos impulsores da criaçom e dinamizaçom de organizaçons sindicais e políticas como INTG e BNG. Também participou como deputado do Parlamento Galego e nas Cortes Espanholas como membro do Bloque Nacionalista Galego.


Acto: Dia: 1 de Abril 2014 - Hora: 8 do serám
Local: Portas Artabras
Rua Sinagoga 22 ? Crunha

J. Alberte Corral Iglesias
Secretário d'O Facho

O FACHO: ?Toponímia Galega? por Antón Luís Santamarina Fernández

26-03-2014

O FACHO: ?Toponímia Galega? por Antón Luís Santamarina Fernández
O FACHO: ?Toponímia Galega? por Antón Luís Santamarina Fernández

O passado dia 25 de Março do 2014 às 8,00 do serám, o Doutor e o Catedrático de Filologia Românica na Faculdade de Filologia da U.S.C. e membro da R. Academia Galega, Antón Luís Santamarina Fernández, falou dentro do ciclo ?Língua, Literatura, e Naçom?, organizado pola nossa
Agrupaçom. A sua conferencia intitulada ?Toponímia Galega? decorreu no local social de ?Portas Artabras?, e foi seguida com grande interesse polo publico assistente.

Santamarina Fernandes mostrou numha exaustiva exposiçom o processo de configuraçom da toponímia do País, e como na Galiza cada recuncho, cada lugar tem a sua denominaçom e nunca repetitiva, pateteando isto a grande riqueza lingüística e conceptual nom só da linguagem galega assim como do imaginário da sua gente.

Ao findar a conferencia, o palestrista mantivo um interessante debate.

O FACHO: Concurso de Teatro Infantil

21-03-2014

Agrupaçom Cultural O Facho
Rua: Frederico Taipa 12-1º
15005 Crunha

CONCURSO DE TEATRO INFANTIL CONVOCADO POLA AGRUPAÇOM CULTURAL O FACHO.

Assumindo como próprias as palavras de Juan Ramón Jiménez quando afirmava que ?Teatro infantil é aquele que também lhe gosta aos nenos?, a Agrupaçom Cultural O FACHO acordou convocar o Concurso de Teatro Infantil, que, nesta nova etapa, se regerá polas seguintes bases:

1º) Poderám optar ao devandito prémio qualquer pessoa, sem restriçom, sempre que a obra seja inédita e redigida em língua galega ?em qualquer tipo de suporte- nom representadas, nem premiadas noutros certames.
2º) Estabelece-se como prémio único de 100,.- ? e umha biblioteca de livros teatrais.
3º) A obra, que nom poderá exceder os 80 fólios, será presenteada por triplicado, em formato DIN A4, a dobre espaço e mecanografados por umha soa cara.
4º) Os originais para o Concurso enviaram-se por correio à sé da Associaçom Cultural O FACHO. R/ Frederico Tápia n.º 12-1º - Crunha (15005) ou a Caixa de Correios n.º 46, Oficina Principal d'A Crunha. Apresentaram-se sob um lema, que figurará na portada dos textos enviados, e viram acompanhados de um envelope fechado que contenha no exterior o lema da obra e, no interior, o nome, apelidos e telefone do autor ou autora.
5º) O prazo de admissom de originais finda o dia 15 de Abril do 2014 às doce da noite. O falho do prémio fará-se público no mês de Maio.
6º) Os ganhadores serám elegidos por um júri nomeado pola Associaçom Cultural O FACHO. O mesmo está composto por pessoas de reconhecido prestigio no âmbito teatral galego.
7º) O júri poderá declarar deserto um ou vários dos prémios do concurso e será o que deverá resolver aquelas situaçons que se pressentem e que nom esteiam contempladas nestas bases, assim como as duvidas que podam existir na sua interpretaçom.
8º) A participaçom neste Certame implica assumir as bases do mesmo.
9º) Os originais nom premiados poderám ser retirados, no prazo de 30 dias, no local de O Facho, prévio correio dirigido ao endereço postal da Agrupaçom. No caso de que o autor o autora nom resida na Corunha poderá solicitar que lhe sejam enviados por correio postal.
Esta convocatória entrará em vigor ao dia seguinte da sua publicaçom nos médios.

J. Alberte Corral Iglesias
Secretário d?O Facho



Na Crunha, 22 Janeiro 2014

O FACHO: Concurso de Contos de Nenos para Nenos

21-03-2014

CONCURSO LITERÁRIO DE CONTOS DE NENOS PARA NENOS CONVOCADO POLA ASSOCIAÇOM CULTURAL O FACHO

Recuperados em 2008 os prémios literários que desde os anos sessenta convocou O FACHO e nos que participárom ou ganhárom muitos dos escritores e escritoras que hoje fam possível com a sua obra umha literatura galega de qualidade e de grande importância nas letras universais, realiza-se a convocatória para 2014 do XLVI Concurso Literário de ?Contos de Nenos para Nenos?

BASES DO CONCURSO

1. Poderám participar rapazes e raparigas que pressentem as suas obras em Língua galega. Os trabalhos presenteados deveram ser originais e inéditos em toda a sua extensom.

2. O prazo de admissom de originais finaliza o dia 31 de Março de 2014 às doce da noite.

3. A apresentaçom de originais para o Concurso fará-se por correio postal dirigido à sede da Associaçom Cultural O FACHO. R/ Frederico Tápia, 12-1º 15005A Corunha. Podendo fazer individualmente ou por médio do centro onde curse os seus estudos.

4. No caso em que sejam os centros escolares os que pressentem os originais ao Concurso, deveram fazer umha pré-selecçom dum máximo de dous trabalhos por categoria, qualquer outro terá que ser apresentado individualmente.

5. As obras haverem de serem relatos originais e nom estarem editados por nengum procedimento impresso ou electrónico, nem terem sido premiados em qualquer outro concurso ou certame literário e em condiçons para que os seus direitos de publicaçom podam ser cedidos à Associaçom Cultural O FACHO por período de cinco anos contados a partir do dia do falho do júri.

6. Para além da originalidade literária, o júri valorizará a riqueza lingüística e o conhecimento gramatical reflectido nas obras.

7. Estabelecem-se duas categorias:

Categoria A Nenos e nenas de 6 a 12 anos.
Categoria B Rapazes e raparigas de 13 a 16 anos.

8. As quantias dos prémios serám as que seguem:

Categoria A 1º: 100,.- ? em efectivo e umha biblioteca de livros.
2º: 100,.- ? em efectivo e umha biblioteca de livros.

Categoria B 1º: 100,.- ? em efectivo e umha biblioteca de livros.
2º: 100,.- ? em efectivo e umha biblioteca de livros.

9. Cada autor só poderá apresentar umha obra atendo-se aos seguintes limites de extensom:

Categoria A Um máximo de cinco fólios
Categoria B Um máximo de dez fólios

10. As obras haverem de se apresentar por triplicado, manuscritas ou mecanográficas, encadernadas ou grampadas e levaram por detrás do último folio os seguintes dados:

Nome e apelidos do autor/a.
Endereço e telefone. Correio electrónico.
Centro onde cursa os seus estudos.
Categoria na que participa.

11. Os prémios serám escolhidos por um júri nomeado pola Associaçom Cultural O Facho em falho que se fará público no mês de Maio.

12. O júri poderá declarar deserto um ou vários dos prémios do concurso e será o que deverá resolver aquelas situaçons que se pressentem e que nom esteiam contempladas nestas bases, assim como as dúvidas na sua interpretaçom.

13. A participaçom neste Concurso implica a aceitaçom das presentes bases.

Correo electrónico: o_facho_a_cultural@yahoo.com.br
http://agal-gz.org/blogues/index.php/ofacho/

A Corunha, 31 de Janeiro 2014

J. Alberte Corral Iglesias
Secretário do Facho

<< 1 ... 19 20 21 22 23 24 25 26 27 28 29 ... 58 >>

Agrupaçom Cultural O Facho

Agrupaçom Cultural O Facho existe desde o ano 1963. Nasce da vontade conjunta de umha vintena de estudantes, trabalhadores e profissionais liberais d?A Corunha. A ideia é originaria dos daquela hora estudantes de bacharelato, Henrique Harguindey, André Salgueiro, e Xosé Luis Carneiro; respondendo ao seu chamamento posteriormente somárom-se entre outros: Eduardo Martínez, Henrique Iglesias, X. Alberte Corral, Xosé L. Rodríguez, etc... É a primeira agrupaçom de resistência cultural criada numha cidade do Pais polos seus cidadaos, já que O Galo é conformada por estudantes universitários de todo o Pais em Compostela, naquelas datas era a única cidade galega com Universidade. O grupo nasceu cos sinais de identidade da resistência contra o franquismo e da defesa da plena valia da língua e da cultura galega. Existia unha claríssima vocaçom política do que se fazia precisamente porque essa era toda a actividade publica com repercussons políticas que se podia fazer. A defesa da cultura e a língua galega é a cerna do que-fazer d?O Facho, que passou de fazer cultura de resistência nos anos da longa noite de pedra a se constituir hoje numha autentica mostra de resistência da cultura. Desde os primeiros momentos O Facho destaca-se com os seus cursos de língua com apoio de alguns exemplares da ?Gramática do idioma galego? de Manuel Lugrís Freire. Estes cursos tivérom umha importância mui grande na Corunha;. Daquela o galego nom se escrevia apenas e estava expulso da sociedade ?bem pensante?, nem sequer tinha secçom galego a faculdade de Filologia de Compostela. Umha das figuras fundamentais dos cursos foi D. Leandro Carré Alvarellos quem dirigiu esta actividade. Os ciclos dedicados á cultura galega, os encontros nos que se tratava economia e sociedade, os concursos literários. O seu grupo de teatro criado nas primeira datas de existência da Agrupaçom do quem eram responsáveis Manuel Lourenzo, e Francisco Pillado, foi dos pioneiros em representar obras no nosso idioma, tanto de autores galegos como de outras nacionalidades ( Brecht, Ionesco...). Na actualidade, O Facho é consciente dos desafio culturais do século XXI. Agora há que tentar ver o significado que pode ter hoje o sermos galegos num mundo globalizado. A ideia básica é que sermos galegos agora implica ser dumha maneira concreta numha sociedade mundial. Entre as iniciativas mais recentes é a criaçom do Facho de Ouro, um prémio para reivindicar galegos, o que amossa a própria agrupaçom é unha cultura que resiste. d’A Corunha.
+ info

Agrupaçom Cultural O Facho
Apartado de Correios n.º 46, Oficina Principal da Coruña
o_facho_a_cultural@yahoo.com.br

Busca

  Feeds XML

Ferramentas de administraçom

powered by b2evolution