O passado dia 23 de Setembro do 2014, às 8 do serám, o Doutor em Lingüística pola Universidade de Stanford -EE.UU e investigador, James Duran (Séamas Ó Direáin) intervéu dentro do ciclo, Economia, História e C.C. Sociais com a sua palestra: ?A Pré-História, a Lingüística e Galiza: Antigos Laços entre Galiza e Irlanda".
Com umha sala ateigada de público, o professor Séamas Ó Direáin compartilhou com os assistentes sobre os manifestos indícios entre Irlanda e Galiza, desde achados lingüísticos até manifestaçons etnográficas e arqueológicas.
Ao findar a sua exposiçom houvo um colóquio com grande participaçom dos assistentes.

Agrupaçom Cultural O Facho
Frederico Taipa 12-1º
15011 A Corunha

A Agrupaçom Cultural ?O Facho? d?A Corunha enceta os seus ciclos de palestras publicas e abertas do período 2014-15.

Palestra:

O vindouro dia 23 de Setembro do 2014, às 8 do serám, o Doutor em lingüística gaélica e investigador, James Duran (Séamas Ó Direáin) falará dentro do ciclo, Economia, História e C.C. Sociais. A sua charla intitula-se: ?A Pré-História, a Lingüística e Galiza: Antigos Laços entre Galiza e Irlanda".

Séamas Ó Direáin é Doutor em Lingüística pola Universidade de Stanford -EE.UU- Exerceu como professor nas Universidades de: Sam Jose State University; B.A., Ciếncias Sociais. Duquesne University; M.A., Estudos Africanos. Michigan State University; M. A., Lingüística. Stanford University; Ph.D., Lingüística.
Em Califórnia deu aulas de lingüística aplicada bilingüismo, inglês como segunda língua, e gaélico irlandês moderno n'Os Ángeles na UCLA. Loyola Marymount University, etc...
Em Irlanda foi professor de dialectologia, terminologia, história e teoria da traduçom, e lingüística no University College, Cork. No University College, Galway, em gaélico-irlandês.
Como investigador tem publicado diversos livros e numerosos trabalhos. Os mais recentes: The Survival and Growth of Gaelic Language Communities, Journal of Celtic Language Learning. Em preparaçom: A Survey of Spoken Irish Gaelic in the Aran Islands. Co.Galway, baseada em 25 anos de investigaçom sobre as falas das Ilhas de Arán.

Dia: 23 de Setembro do 2014 - Hora: 8 do serám
Local: Portas Ártabras
Cidade Velha ? A Corunha

J. Alberte Corral Iglesias
Secretário d?O Facho

A Agrupaçom Cultural O Facho rejeita dedicar o Dia das Letras Galegas 2015 a Xosé Filgueira Valverde

A designaçom de Filgueira Valverde como pessoeiro no dia mais simbólico da Língua e Cultura Galega é um aldraje para todos os cidadaos que sofrêrom torturas, morte, cadeia, e exílio em defesa das liberdades do povo galego. Assim mesmo é umha afronta a toda a história de resistência na defesa da língua e cultura galega levada a cabo por mulheres e homens das distintas associaçons culturais do País na longa noite de pedra.

O falangista Filgueira Valverde participou desde o começo do Alçamento Fascista do ano 1936, formou parte do mesmo, tanto polo rádio como em jornais chamou em tomar parte do genocídio franquista. Naqueles momentos centos e milheiros de galegos eram desaparecidos com um tiro na caluga na beira das estradas. Como prémio foi procurador nas Cortes franquistas, entre outros muitos postos de poder que possuiu no Regime Clerical-Fascista. Regime que fizo da perseguiçom mais feroz da língua e cultura galega um dos seus objectivos, e extirpar deste jeito toda raizame de pertença à naçom galega, com conseqüências que hoje estamos a padecer os cidadaos galegos.

Nengumha obra literária, cientifica, artística, pode acochar à trajectória social e política de umha pessoa. A dignidade de um povo e de umha cultura nom é indiferente à barbárie.

A língua a cultura galega nom pode estar seqüestrada por uns mandarins/nas que se consideram com direito de pernada.

O dia 6 do mês que corre, decorreu na Sala de Actos da Once da Crunha, a cerimónia de entrega dos Prémios Literários d'O Facho: Contos de Nenos para Nenos e Teatro Infantil que contárom com a colaboraçom de Casa Hamlet, Ediçons Xerais, Editorial Galaxia, e Editorial Toxos Outos.

Na ocasiom estivérom presentes para outorgar os prémios ao seleccionados, os membros dos júris: Manuel Lourenço, Xabier P. do Campo, Xosé Manuel Martínez Oca, que elogiárom as obras premiadas assim como aos seus autores.

Posteriormente houvo umha colaçom na que participárom os premiados com as suas familias.

Agrupaçom Cultural O Facho
Rua: Federico Tapia 12-1º
15005 Crunha
http://agal-gz.org/blogues/index.php/ofacho/
o.facho_corunha@yahoo.com.br

A Agrupaçom Cultural O FACHO tem a bem de comunicar-lhes o veredicto do concurso ?Teatro Infantil? na convocatória do ano 2014, segundo acordo do júri formado polos dramaturgos: Manuel Lourenço Pérez, Carme Martínez Mosquera, Rubém Ruibal Armesto.

Obra: Moito morro corporation Sociedade Ilimitada
Autor: Carlos Labraña

Agradecemos a colaboraçom de: Galaxia, Casa Hamlet, Xerais; assim como a participaçom de todos os/as concursantes e felicitamos especialmente aos ganhador. Também queremos recordar que o acto de entrega de diplomas e prémios será o dia 6 de Junho as 19 H , no Salom de actos da ONCE, Cantom Grande, 3 - Crunha.
Parabéns e cumprimentos.

Assdo.: Henrique Sánchez Rodríguez, da Agrupaçom O Facho e Secretario do Júri. Telefone : 619.536.540


Na cidade da Crunha, 24 de Maio de 2014

Agrupaçom Cultural O Facho
Rua: Federico Tapia 12-1º
15005 Crunha
http://agal-gz.org/blogues/index.php/ofacho/
o.facho_corunha@yahoo.com.br

A Agrupaçom Cultural O FACHO tem a bem de comunicar-lhes o veredicto do concurso literário ?Contos de nenos para nenos? na convocatória do ano 2014, segundo acordo do júri formado polos escritores Xabier P. Docampo, Breogán Riveiro Vázquez, Xosé Manuel Martínez Oca.

1º.- Prémios da Categoria A (Nenos e nenas de 9 a 12 anos):

Primeiro prémio: ?Onde estás?? de Claudia Neira Pérez
Aluna do IES do Caminho, de Palas de Rei (Lugo)
Segundo prémio: ?O espantalho? de Victor Vidal Anta
Aluno do CEIP Tuela Bibey de Lubian (Zamora)

2º.- Prémios da categoria B . (Rapazes e rapazas de 13 a 16 anos):

Primeiro prémio: ?Onde remata o real? e comezo eu? de Alba Pérez Barcala
Aluna do IES de Cacheiras, Teo (A Corunha)
Segundo prémio: ?Na cara escura da Lúa? de Helena Aurora Risco Montero
Aluna do IES Lucus Augusti de Lugo

Agradecemos a colaboraçom das editoriais: Galáxia, Toxos Outos, Xerais; assim como a participaçom de todos os/as concursantes e felicitamos especialmente às ganhadoras e ganhadores. Também queremos recordar que o acto de entrega de diplomas e prémios será o dia 6 de Junho as 19 H , no Salom de actos da ONCE, Cantom Grande, 3 - Crunha.
Parabéns e cumprimentos.

Asdo.: Soledad González Maside, da Agrupaçom O Facho, e Secretaria do Júri. Telefone : 628 531 082

Na cidade da Crunha, 24 de Maio de 2014

Com o galho das Letras Galegas o dia 13 de Maio do 2014, O Facho realizou a oferenda floral diante do monumento a Curros Henriques, na lembrança de todos os bons e generosos que figérom possível a nossa existência como Povo e Naçom.

No mesmo, José L. Rodrigues Pardo, presidente da nossa agrupaçom pronunciou umhas palavras sobre Xosé M. Dias Castro, o escritor homenageado este ano com o Dia das Letras Galegas. Ao findar o acto todo-los presentes cantárom o Hino Galego acompanhados de música de gaiteiros

Com o galho das Letras Galegas o dia 13 de Maio do 2014, o intelectual e poeta Júlio Lopes Valcárcel comentou com os assistentes à palestra a sua leitura sobre o escritor homenageado este ano com o Dia das Letras Galegas, Xosé M. Dias Castro. Na sua exposiçom o palestrista deu a conhecer distintos aspectos tanto literários como pessoais de Dias Castro.

Ao findar a sua exposiçom houvo um colóquio com grande participaçom dos assistentes.

Com umha sala ateigada de público, o Professor jubilado da UDV, José Paz Rodrigues, compartilhou com os assistentes sobre a relaçom existente entre diversos pensadores e autores galegos com a literatura e o pensamentode R. Tagore, que com a sua escrita, em todos os eidos da literatura e do pensamento transcendeu até ser considerado com um dos maiores intelectuais do século XX.

Dando a conhecer distintos escritos de intelectuais galegos sobre a figura de Tagore, mostrou o grande interesse que despertou dentro da geraçom Nós, em particular em V. Risco, que chegou a viajar a Berlim para o escuitar.

Ao findar a sua exposiçom houvo um colóquio com grande participaçom dos assistentes.

Tagore1.doc Tagore2.doc Tagore3.doc Tagore4.pdf Tagore5.pdf

Agrupaçom Cultural O Facho
Rua: Frederico Tápia 12-1º
15005 A Corunha

Palestra

A Agrupaçom Cultural O Facho tem a bem o convidar a assistir à palestra que o vindouro dia 13 de Maio, o escritor e poeta, Júlio Lopes Valcárcel que falará sobre o poeta d'Os Vilares de Parga, Xosé Maria Díaz Castro, figura homenageada neste ano com o galho das Letras Galegas.

Lopes Valcárcel é membro destacado da Geraçom Poética dos 80, figura nas mais importantes antologias da poesia galega contemporânea, como Escolma da Poesía galega, Poesía Galega de hoy, etc... Os seus poemas fôrom traduzidos ao espanhol, catalám, inglês, italiano, alemám, russo e francês. É colaborador habitual de prensa e radio, membro da Asociación Española de Críticos Literarios,

Assim mesmo está em possessom, entre outros, dos prémios Celso Emílio Ferreiro, Antón Tovar e Miguel González Garcés, sendo Premio da Crítica Española em duas ocasions. Entre os seus livros podemos citar Víspera do día, Solaina da ausencia, Memoria de agosto, Casa última, A melancolía dos corpos e a escolma de poesia mapuche traduzida ao galego Lúa de xemas frías. Em narrativa publicou o libro de relatos Anel de mel e a novela Campo de Marte. Como ensaísta, a ediçom da Poesía galega de Miguel González Garcés, Viaxe ao corazón de Galicia, Sinais na Area, Mineiro de Luz, Confesión de Parte, O escano baleiro

Dia: 13 de Maio do 2014 - Hora: 8 do serao
Local: Portas Artabras
R/ Sinagoga 22- Cidade Velha ? Crunha

J. Alberte Corral Iglesias
Secretário d?O Facho

Todas as palestras estám em: http://agal-gz.org/blogues/index.php/ofacho/