Agrupaçom Cultural O Facho
Rua: Frederico Tápia 12-1º
15005 A Corunha

A Agrupaçom Cultural O Facho de A Corunha tem a bem o convidar para assistir aos seus ciclos de palestras públicas do período 2011-12

Palestra

Na vindoura terça-feira, 15 de Novembro, José Alfredo Pereira Martínez falará dentro do ciclo, ?Economia, História e C.C. Sociais, organizado pola nossa Agrupaçom. A sua palestra está subordinada ao título: ?A privatizaçom dos Montes Vizinhais? e terá lugar às 20h na Fundaçom Caixa Galiza da Corunha (no Cantom Grande).

Pereira Martínez está vencelhado ao movimento da recuperaçom dos montes vicinais em maos comum desde a década dos 70 do século passado, participando nos Comités de ajuda à luita labrega e na Coordenadora de montes de Pontevedra. Desde o ano 1989 fai parte da Coordenadora de Montes da Galiza.
Assim mesmo é coo-fundador da Mancomunidades de Comunidades de Montes de Vale Minhor, a primeira mancomunidade de comunidades de montes que se creia no País (1992).

No ano 1997 preside o I Congresso Galego de comunidades de montes celebrado na Câmara Municipal de Poio. No ano 2002, preside o II Congresso Galego de comunidades de montes celebrado na Câmara Municipal de Pontevedra. No ano 1999 é nomeado Presidente da Organizaçom Galega de comunidades de montes vicinais em maos comum (ORGACCMM), cargo que ostenta na actualidade.
Actualmente é o presidente da comunidade de montes vicinais em maos comum da paroquia de Santa Cristina da Ramalhosa na Câmara Municipal de Baiona.

Dia: 15 de Novembro do 2011 - Hora: 8 do serám
Local: Fundaçom Caixa Galiza
Cantom Grande ? A Corunha

J. Alberte Corral Iglesias
Secretário d?O Facho

Todas as conferências anteriores estám: http://agal-gz.org/blogues/index.php/ofacho/

O passado dia 08 de Novembro, às 8 do serám; o investigador e catedrático da USC, Anjo Carracedo Alvares, falou dentro do ciclo ?Ciência na Galiza?. A sua palestra intitulada ?Aplicaçom da Genómica? chamou grandemente e gratamente a atençom pola cidadania assistente ao evento a claridade da exposiçom.
O doutor Carracedo fizo umha intervençom amena e cheia de anedotas que ajudárom aos ouvintes a melhor compreender a importância da Genómica no saber cientifico actual, e como as suas aportaçons mudárom em grande instância outros saberes. Também o publico percebeu como graças a científicos como o conferenciante, hoje Galiza é um dos esteios mundiais nessa área do conhecimento.
Findando a sua agradável narraçom e contestando às perguntas dos presentes mostrou-lhes um mapa dos grandes movimentos de povoaçom aclarando o que a ciência genómica pode dizer sobre os mesmos.

Agrupaçom Cultural O Facho
Frederico Tápia 12-1º
15011 A Corunha

A Agrupaçom Cultural O Facho de A Corunha convida-o assistir aos seus ciclos de palestras públicas do período 2011-12

Palestra

O vindouro dia 08 de Novembro, terça-feira (martes), às 8 do serám; o investigador e catedrático da USC, Anjo Carracedo Alvares, falará dentro do ciclo ?Ciência na Galiza?. A conferencia tratará da ?Aplicaçom da Genómica?

O professor Anjo Carracedo licenciou-se em Medicina na USC em 1978, e obtivo o grau de doutor, na mesma universidade no ano 1982, depois de umha estância pre-doutoral na Universidade de Uppsala. Desde 1989 é catedrático de Medina Legal na USC.
Na primeira etapa da sua carreira profissional dedicou-se à Genética Forense e à Genética de Populaçons onde conseguiu logo umha grande fama internacional. Promoveu a criaçom do Grupo Espanhol e Português de Genética Forense que integrou na ?Sociedade Internacional de Genética Forense?, da que é membro do conselho desde 1989 e da que foi presidente no período 1999-2003 e da que é actualmente vice-presidente.
Leva publicado 10 livros e mais de 300 trabalhos de investigaçom nas revistas mais prestigiosas. Actualmente é editor da revista ?FSI: Genetics? e editor associado ou membro do conselho editorial de mais de 15 revistas internacionais de Medina Legal e Genética.
Entre os numerosos prémios e reconhecimentos nacionais e internacionais, é de justeza sublinhar dous que nos informam da qualidade humana do professor Carracedo: Medalha de ouro ?Terra de Xallas? e o Título de Filho predilecto de Santa Comba.

Dia: 08 de Novembro - Hora: 8 do serám
Local: Fundaçom Caixa Galicia
Cantom Grande ? A Corunha

J. Alberte Corral Iglesias
Secretário d?O Facho

Na noitinha do passado dia 25 de Octubro, o historiador, escritor, e membro da AGLP, José Manuel Barbosa Alvares, falou dentro do ciclo, Economia, História, e Realidade Social. A sua interveçom intitulada: "A mudança do paradigma historiográfico na Galiza" foi seguida por umha interessada cidadania.
Barbosa Alvares encetou sua intervençom agradecendo o convite do Facho. Tendo como piar para sua exposiçom a imagem electrónica ilustrou aos assistentes sobre o constante ocoubar de Galiza na história oficial do Estado espanhol, assim como na do português.
A constataçom de inumeráveis documentos medievais deturpados conscientemente para falsificar os dados históricos levados a cabo por pessoeiros do Reino de Castela, som provas irrefutáveis do afirmado polo historiador..
Ao findar a sua exposiçom o palestrista mantivo um interessante colóquio com os assistentes.

Agrupaçom Cultural O Facho
Frederico Taipa 12-1º
15011 A Corunha

A Agrupaçom Cultural O Facho d?A Corunha convida-o assistir aos seus ciclos de palestras públicas do período 2011-12


Palestra

O vindouro dia 25 de Outubro, terça (martes), o escritor e historiador, José Manuel Barbosa Alvares, falará dentro do ciclo, Economia, História, e Realidade Social. A sua charla versará sobre: "A mudança do paradigma historiográfico na Galiza"

O historiador Barbosa Alvares, desenvolve as tarefas de professor de Galego e Educaçom Física, desde 1992, como funcionário da Junta de Galiza, e de professor nos cursos de Língua, Literatura, História, Arte e Cultura Galegas organizados pela Universidade de Vigo e/ou a AGAL. Desde 2008 forma parte da Academia Galega da Língua Portuguesa (AGLP). Entre as suas angueiras está de ser um grande activista no eido da cultura:

Organizador do I Ciclo de Cultura Galega dentro da qual se arranjárom as I Jornadas de História de Galiza em 2003. Productor de várias representaçons de obras teatrais como "Quanto vales tu, meu tentador" de Joel R. Gomes, e as Jornadas de Jogos populares de Riba d'Ávia. Colabora em publicaçons periódicas galegas e portuguesas (Agália, La Región, etc...)

Possui também umha interessante obra publicada:

Curso Prático de Galego
Ámago/Magoa (livro de poesia em parceria com Roi Brâs)
Bandeiras da Galiza (Estudo vexilológico das bandeiras da Galiza no transcurso da história)
Atlas histórica da Galiza

Dia: 25 de Outubro do 2011 - Hora: 8 do serám
Local: Fundaçom Caixa Galiza
Cantom Grande - A Corunha

Na tarde do dia 11 do mês que corre a cidadania corunhesa tivo a ocasiom de desfrutar da interessante palestra intitulada ?Breogám, Hércules, e A Torre de Brigatia? ministrada polo doutor André Pena Granha

O investigador Pena Granha é na actualidade arquiveiro da Câmara municipal de Narom, encetou sua intervençom agradecendo o convite do Facho. Pena Granha, doutor em arqueologia e história antiga pola USC, jogou numerosos dados sobre o que ele definiu como ?irrefutável celtismo galego?. É a identidade cultural nas extremas mais ocidentais da Europa, em canto ser os peiraos de onde partem os mortos para a ?Ilha do Além?. Demostrou com provas irrefutáveis que o mito de Breogám é de origem galego, ao dar a conhecer um ara onde pré-romana atopada em território galego na que se invoca o seu nome. Lembrou ao público a lenda de Breogám e do seu filho Ith som galegas, e acusou que alguns historiadores castelás de tentar que Galiza ficara excluída do circuito dos povos e países celtas. André Pena é a tese que defende a existência do caminho de Santiago como um roteiro pré-cristao que já era percorrido por gregos e romanos antes da suposta chegada do Apóstolo Santiago. De ai a confluência de Breogám com Hércules.

?Hoje há estudos genéticos médicos que demostram que etnicamente o povo irlandês descende do galego, e que os ingleses venhem sendo descendes dos irlandeses

Agrupaçom Cultural O Facho
Rua: Frederico Tapia 12-1º-C
15005 A Corunha

A Agrupaçom Cultural O Facho de A Corunha convida-o assistir aos seus ciclos de palestras públicas do período 2009-10

Palestra



O vindouro dia 11 de Outubro, terça-feira (martes), o doutor André Pena Granha intervirá dentro do ciclo, Economia, História, e Realidade Social. A sua palestra intitulada ?Breogám, Hércules, e A Torre de Brigatia.é Pena Granha é Doutor em Arqueologia e Historia Antiga pola U.S.C. Historiador, Arqueólogo e Arquiveiro do Concelho de Narom. André Pena está especializado em investigaçons sobre a cultura céltica do Atlântico europeu e particularmente na sobrevivência de traços culturais da antiga Gallaecia, no Reino da Galiza medieval, e no folclore galego contemporâneo.
É autor de umha numerosa obra, da que somente sublinhamos alguns dos seus trabalhos:

- O território e as categorias sociais na Gallaecia antiga
- Um matrimonio entre Terra (Treva) e a Deusa Mae (Mater)
- Cerimonias celtas de entronizaçom real na Galiza.
- Treva e Territorium (Tese Doutoral)
- O mistério do trisquel na religiom celta ancestral
- As Trevas, ?tribos? celtas de Gallaecia e a sua constituçom política

Dia: 11 de Outubro 2011 - Hora: 8 do serám
Local: Fundaçom Caixa Galiza
Cantom Grande ? A Corunha

O professor Benevides Eculica Maurício, partilhou ontem, 4 de Outubro com os cidadaos assistentes, sobre: ?Angola e Galiza, Língua?, palestra enquadrada dentro do ciclo ?Língua, Literatura e Naçom?.

Encetou a sua exposiçom com um bosquejo da história e dos povos de Angola, para logo mostrar o jeito de falar galego-português em Angola, e as suas características. Ilustrou que em Angola convivem mais de duas dúzias de línguas nacionais, a mais do galego-português que a única oficial. Ainda que hoje existe possibilidade de estudar algumhas das línguas africanas como opçom optativa, e também tenhem programas de rádio e de televisom.

Como é costume ao rematar a palestra houvo um interessante colóquio.

Agrupaçom Cultural O Facho
Rua: Frederico Taipa 12-1º-C
15005 Corunha

A Agrupaçom Cultural O Facho da Corunha convida-lo assistir aos seus ciclos de palestras públicas do período 2011-12

Palestra

O vindouro dia 4 de Outubro, terça-feira (martes), o Professor leitor de Língua e Literatura africana de expressom portuguesa ? USC, Benevides Eculica Maurício, falará dentro do ciclo, Língua, Literatura e Naçom. A sua charla versará sobre: ?Angola e Galiza, Língua?.

O professor Benevides Eculica Maurício, é licenciado em Lingüística portuguesa pola ISCED de Luanda, assim mesmo é doutorado em Lingüística Portuguesa pola USC, tendo o Mestrado em Lingüística Galega pola mesma universidade.

Foi professor das Universidades Metodista e Católica de Angola, também deu aulas como professor de Morfossintaxe e Semântica da Língua portuguesa no ISCED de Luanda. É um estudioso e grande conhecedor da cultura e língua Umbundu

Dia: 4 de Outubro 2011 - Hora: 8 do serám
Local: Fundaçom Caixa Galiza
Cantom Grande ? Corunha

J. Alberte Corral Iglesias
Secretario d?O Facho

O passado dia 27 de Setembro e com umha sala ateigada de assistentes, a doutora, directora cinematográfica,e escritora, Margarida Ledo Andión, encetou a tempada de palestras 2011-12 organizadas pola Agrupaçom Cultural O Facho, oferecendo umha interessantíssima conferencia intitualada ?Fotografia dende onde o mundo se chama Galiza? dentro do ciclo, ?Língua, Literatura e Naçom?.

A professora Ledo Andión fizo a sua exposiçom mostrando distintas fotografias de prensa desde começos do século XX até quase o seu remate para evidenciar a evoluçom do reporterismo gráfico no nosso País, salvando o silêncio fotográfico por obrigado cumprimento da impressa periódica nos anos do terror nacional-católico do franquismo. Ressaltou a importância da fotografia de impressa como ferramentas de testemunha dos acontecimentos colectivos dos povos. E sublinhou como importantes documentos gráficos som hoje mercados por grandes corporaçons económico-financeiras afastando-as do conhecimento cidadao.

O findar houvo um mui interessante colóquio.