O FACHO: Oferenda floral no monumento a Curros Henriques com o galho das Letras Galegas do ano 2013

14-05-2013

Agrupaçom Cultural O Facho
Rua: Frederico Tapia 12-1º-C
15005 A Crunha

Oferenda floral no monumento a Curros Henriques com o galho das Letras Galegas do ano 2013

16 de Maio 2013

Com o galho das Letras Galegas, a Agrupaçom Cultural O Facho convida-o assistir à tradicional oferenda floral nos jardins de Mendes Nunes diante do monumento a Curros Henriques. O evento terá lugar o dia 16 de Maio às 12 e ½ da manhá nos jardins de Méndez Núñez da Crunha em lembrança Roberto Vidal Bolanho a quem se lhe adica este ano as Letras Galegas. No acto falará o presidente d’O Facho, José Luís Rodrigues Pardo.

Dia: 16 de Maio
Hora: 12 e 1/2 da manhá
Lugar: Jardins Méndez Núñez-Crunha

J. Alberte Corral Iglesias
Secretário d’O Facho

O FACHO: Manifesto em defesa da Língua Galega

13-05-2013

Agrupaçom Cultural O Facho
Rua: Frederico Tapia 12-1º
15005 A Crunha

Manifesto em defesa da Língua Galega

Os falantes do galego somos discriminados de cote

A situaçom da língua galega está em grande perigo ao nom desfrutarmos os galegos de direitos lingüísticos plenos para desenvolver a nossa vida com normalidade a Língua Galega no nosso País.

Como povo e cultura, temos direito a que nossa Língua própria, de origem, seja oficial a todos os efeitos no seu âmbito territorial. Os falantes galegos devemos desfrutar do mesmo "status" legal no nosso território do que o castelá no seu.

As políticas etnocidas levadas a cabo contra o galego ditadas desde há séculos pola casta dos altos cortesaos de Madrid e também hoje reiteradas pola actual “Xunta de Galicia”, ponhem em perigo a Língua Nacional, ao ser violentados decote os galegos falantes.

O verdadeiro problema nom está na co-oficialidade de idiomas como o galego, senom na actitude de quem nega a existência de povos e línguas diferentes dentro do Estado Espanhol. Esta posiçom etnocida é a negaçom da convivência e da igualdade.

A imposiçom do castelá nom tem discussom desde o momento em que é a única língua que todos os cidadaos do Estado tenhem a obriga de conhecer segundo a constituiçom espanhola.

Reclamamos:

A aboliçom do sistema legal que subordina o galego ao castelá, a aboliçom do supremacismo castelá que procura a desapariçom do galego e exigimos a implementaçom de autênticas políticas de normalizaçom lingüística ao serviço da nossa sociedade. Ampliar a co-oficialidade de todas as línguas do Estado em todo o seu território. O dever de conhecer o galego em todos os territórios onde é fala de seu.

* * *

Ante a necessidade de respostas à política etnocida preconizada pola actual “Xunta de Galicia”, O Facho pede aos sócios e amigos a sua participaçom na manifestaçom convocada para o

17 de Maio 2013 às 12 horas na Alameda de Compostela.

O FACHO: Contra o novo julgamento de Carlos Callón

10-05-2013

Agrupaçom Cultural O Facho
Rua: Frederico Tápia 12-1º
15005 A Crunha

Manifesto contra o novo julgamento de Carlos Callón

A Agrupaçom Cultural O Facho quer mostrar o seu desacougo polo novo julgamento do professor Carlos Callón e opom-se ao mesmo. Carlos Callón já foi juzgado por ter criticado, em 2008, o uso de toponímia deturpada e o instar a cumprir a legalidade pola pessoa que na altura era juiz decano da Corunha, António Fraga Mandián,

Temos que lembrar que no anterior juízo nem a fiscalia nem a juíza instrutora viram indícios de delito por parte do presidente da Mesa pola Normalizaçom Lingüística. O novo juízo supom a possibilidade de outorgar um aval para a “caça de bruxas” em toda regra contra a nossa língua e a nossa cultura.
.
Ante este chocante episódio, O Facho manifesta o seu apoio a Carlos Callón, e aguarda que a legalidade e o sentido comum prive sobre qualquer manifestaçom de arbitrariedade e estrago da Justiça.

A Crunha, 10 de Maio do 2013

O FACHO: Letras Galegas: Vidal Bolanho por Xosé Antón López Dobao

09-05-2013

Apesar das dificultades financeiras criadas polo saqueio do capitalismo especulador e bancário, O Facho continua apresentar a analise e as reflexons nos distintos eidos das ciências e o conhecimento que estám a elaborar os investigadores e ensaístas do País assim como intelectuais da área da Galeguia (Lusofonia)

O passado dia 07 de Maio, convidado pola nossa Agrupaçom, o escritor e cineasta, Xosé Antom López Dobao intervéu num dos actos que com o galho das “Letras Galegas” está a realizar a nossa Associaçom. A sua palestra decorreu sob o lema “Roberto Vidal Bolanho”, figura homenageada neste ano.
López Dobao expujo ante umha interessada cidadania umha ilustrada e documentada análise a figura do intelectual e dramaturgo homenageado fazendo finca-pé na lucidez da visom de Vidal Bolanho cara a construçom de umha dramaturgia galega à par com qualquer outra existente, assim como o seu compromisso permanente com o País e a sua cultura.
O conferencista mostrou polo miúdo a relevância de Vidal Bolanho no eido do teatro, nom só pola sua entrega nas distintas áreas do mesmo, se nom também pola suas aportaçons tanto de textos como de postas em cenário. Pode-se afirmar que as aportaçons de Vidal Bolanho marcam um fito no que-fazer teatral na Galiza.

Ao findar a sua exposiçom mantivo um interessante colóquio com os assistentes.

O FACHO: AELG premia ao Facho junto com outras Associaçons Culturais

07-05-2013

A Associaçom de Escritoras e Escritores em Língua Galega (AELG) concedeu O Prémio “Instituiçons” a diversas associaçons culturais de base criadas na Galiza nas décadas de 60 e 70 e que hoje em dia continuam com a sua actividade em defesa do País e da sua Língua e Cultura nacionais.

Este reconhecimento outorgado por AELG a quem contribuí à divulgaçom da Língua e Cultura Galega. Este ano foi entregado ao associativismo cultural nado nas décadas dos 60 e 70, e que continuam a dia de hoje com a sua actividade de defesa da língua e cultura da Naçom galega: Agrupaçom Cultural O Galo, Agrupaçom Cultural O Facho, Clube Cultural Valle Inclán, Agrupaçom Cultural Auriense, Agrupaçom Cultural Francisco Lanza, Agrupaçom Cultural Avantar, Agrupaçom Cultural Alexandre Bóveda, Agrupaçom Cultural Lumieira, Sociedade Cultural Medulio, Associaçom Cultural Amig@s da Cultura de Pontevedra.

A Agrupaçom Cultural O Facho quere agradecer a toda-las sócias e sócios da associaçom que fam e fizérom possível com a sua afiliaçom, a defesa da Língua e Cultura Galega. Sendo esta distinçom um reconhecimento a sua entrega.

Esta deferência é um aguilhom para actual Junta Directiva que a obriga continuar "picando pedra" em prol da emancipaçom do País e da sua Língua e Cultura. Só sendo donos de nós, seremos livres.

O FACHO: Letras Galegas: Xosé Antón López Dobao - Roberto Vidal Bolanho

05-05-2013

Agrupaçom Cultural O Facho
Rua: Frederico Tápia 12-1º
15005 Crunha

Palestra

A Agrupaçom Cultural O Facho tem a bem o convidar à palestra que o vindouro dia 07 de Maio, terça, o escritor e professor, “Xosé Antón López Dobao” falará da figura homenageada neste ano com o galho das Letras Galegas, “Roberto Vidal Bolanho”.

Antón Dobao, é licenciado em Filologia galega pola USC, onde foi professor associado da Faculdade de Ciências da Informaçom. Trabalha como lingüista na TVGA desde o ano 1986. É membro do comité de redacçom da revista “Trabe de Ouro”. Participou na criaçom do livro “Xuro que nunca volverei pasar fame”, editado polas Redes Escarlate, organizaçom à que pertence. Assim mesmo é um dos impulsores de ProLingua. Tomou parte de criaçom de numerosas obras colectivas assim como individuais, entre as que sublinhamos: Os escritores lucenses arredor de Anxel Fole, XII Festival da Poesia no Condado, A poesía é o gran milagre do mundo, Alma de beiramar, Intifada. Ofrenda dos poetas galegos a Palestina, Volverlles a palabra. Homenaxe aos represaliados do franquismo. Incertos. Assim mesmo tem umha obra fílmica grandemente reconhecida: A biblioteca da iguana, O bosque de Levas, A marinheira, O clube da calceta.

Dia: 07 de Maio do 2013 - Hora: 7,30 do serao
Local: R. Academia Galega
R/ Tabernas na 11- Cidade Velha – A Corunha

J. Alberte Corral Iglesias
Secretário d’O Facho

Todas as palestras estám em: http://agal-gz.org/blogues/index.php/ofacho/

O FACHO: “Emília Pardo Bazám e António Casares”. por Manuel Bermejo Patinho

26-04-2013

Apesar das dificultades financeiras criadas polo saqueio do capitalismo especulador e bancário, O Facho continua apresentar a analise e as reflexons nos distintos eidos das ciências e o conhecimento que estám a elaborar os investigadores e ensaístas do País assim como intelectuais da área da Galeguia (Lusofonia)

No salom de actos da R. Academia Galega, o conferencista, Bermejo Patinho, com umha interessante exposiçom mostrou como o Emília Pardo Bazám mantinha contacto desde a sua nenez com o saber cientifico e em particular com António Casares, motivado pola amizade existente entre as suas famílias que compunha um pequeno reduto dos ilustrados do século XIX. Assim mesmo deu a conhecer como a obra da escritora está marcada desde o seu começo polas descobertas cientificas do século que só podia as ter escuitado no ambiente das tertúlias de ilustrados que se mantinham, de seguro, na sua casa petrucial

Assim mesmo apontou como a figura de António Casares presenta grandes escuros na sua actuaçom cívica, negando na sua prática social-política as posiçons de avançada que mantinha no eido cientifico. Numha das obras teatrais fulcrais, “As actas escuras” da figura homenageada este ano com o galho das Letras Galegas, Roberto Vidal Bolanho, retrata com profundidade e acerto, a toma de posiçom contra o livre pensamento e em particular contra a Teoria da Evoluçom das Espécies por parte de António Casares, pom-se com o seu voto de qualidade com o doutrinário do reaccionárismo católico enviando deste jeito a dous professores da universidade, da escola kraussista, ao penal do Castelo de S. Antom na Crunha

Ao findar o conferenciante mantivo um mui interessante colóquio com o público assistente.

O FACHO: Manuel Bermejo Patinho - “Emília Pardo Bazám e António Casares”.

19-04-2013

Agrupaçom Cultural O Facho
Frederico Tápia 12-1º
15011 A Corunha


A Agrupaçom Cultural O Facho de A Corunha convida-o a assistir aos seus ciclos de palestras públicas do período 2012-13

Palestra

O vindoiro dia 23 de Abril, terça (martes), o Catedrático de Química Inorgánica da U.S.C., Manuel Bermejo Patinho, falará dentro do ciclo “O saber cientifico na Galiza”, com a palestra intitulada “Emília Pardo Bazám e António Casares”.

Manuel Bermejo é professor-investigador da USC. Do amplo currículo deste professor cabe destacar:

Director de um Grupo de Investigaçom em Química Bio-inorgánica e Supra-molecular; director e colaborador na direcçom de diversas Teses de Doutoramento de História da Ciência em Galiza; director de um Grupo de Trabalho sobre Conservaçom e posta em valor do Património Científico de Galiza; Director do trabalho Estrategia Galega de Educaçom Ambiental e participante no Projecto Galiza 2010. Assim mesmo tem organizado e participado em numerosos congressos nacionais e internacionais, tanto da sua especialidade como da Historia da Ciência e de Educaçom Ambiental.
Tem inumeráveis publicaçons de trabalhos em revistas internacionais do mais alto nível e comunicaçons científicas ao longo de todo o mundo. Também é autor de múltiplos trabalhos pedagógico-didácticos, livros de Ciência e Divulgaçom científica, artigos em revistas galegas e espanholas e múltiplas conferencias de divulgaçom.

Dia: 23 de Abril- Hora: 7,30 do serám
Local: R. Academia Galega
R/ Tabernas na 11- Cidade Velha – A Corunha

Todas as palestras dadas estám em: http://agal-gz.org/blogues/index.php/ofacho/

O FACHO: As raizes celtícas da Galiza por Alberte Lago Vilaverde

18-04-2013

Apesar das dificultades financeiras criadas polo saqueio do capitalismo especulador e bancário, O Facho continua apresentar a analise e as reflexons nos distintos eidos das ciências e o conhecimento que estám a elaborar os investigadores e ensaístas do País assim como intelectuais da área da Galeguia (Lusofonia).

O passado dia 17 de Abril, quarta-feira (mércores,o investigador e professor em História, Alberte Lago Vilaverde,falou dentro do ciclo, “Economia, História e C.C. Sociais”. Na sua exposiçom sobre: “Raízes Célticas da Galiza” mostrou numerosos dados sobre o que ele definiu como “irrefutável celtismo galego”. É a identidade cultural nas extremas mais ocidentais da Europa, que vem desde milheiros de anos, é um feito que desde a antropologia e as modernas investigaçons manifestam de um jeito evidente

Ao findar a sua exposiçom o conferenciante mantivo um cálido colóquio com os assistentes.

O FACHO: Alberte Lago Vilaverde - “Raízes Célticas da Galiza”

16-04-2013

Agrupaçom Cultural O Facho
Rua: Frederico Tapia 12-1º-C
15005 A Corunha

A Agrupaçom Cultural O Facho de A Corunha convida-o assistir aos seus ciclos de palestras públicas do período 2012-13

Palestra

O vindouro dia 17 de Abril, quarta-feira (mércores), o professor em História, Alberte Lago Vilaverde, há falar dentro do ciclo, “Economia, História e C.C. Sociais”. A sua exposiçom versará sobre: “Raízes Célticas da Galiza”
O historiador Lago Vilaverde, é licenciado em Geografia e História pola Universidade de Santiago, especialidade de História Medieval. Actualmente exerce de professor de Ensino Secundário no I.E.S. de Poio. É um dos fundadores de Murguia, revista galega de história, escrevendo desde o inicio da mesma tanto artigos como recessons de livros.
Tem publicados diversas investigaçons sobre a cultura celta na revista Murguia.


Dia: 12 de Março do 2013 – Hora: 7,30 do serám
Local: R. Academia Galega R/ Tabernas nº 11-
Cidade Velha – A Corunha

J. Alberte Corral Iglesias
Secretário d’O Facho


Todas as palestras dadas estám em: http://agal-gz.org/blogues/index.php/ofacho/

<< 1 ... 3 4 5 6 7 8 9 10 11 12 13 ... 37 >>

Agrupaçom Cultural O Facho

Agrupaçom Cultural O Facho existe desde o ano 1963 . Nasce da vontade conjunta de umha vintena de estudantes, trabalhadores e profissionais liberais d’A Corunha.
+ info

Agrupaçom Cultural O Facho
Rua: Federico Tapia 12-1º
15005 A Corunha
o_facho_a_cultural@yahoo.com.br

Ligações

Busca

Ferramentas do usuário

Feeds XML

powered by b2evolution