O passado dia 7 de Fevereiro, terça-feira, às 8 do serám; a professora e ensaísta, Carme Rios Panisse, compartilhou com os cidadás assistentes ao ciclo “Língua, Literatura, e Naçom”, o seu estudo e investigaçom sobre a vida e obra do precursor “Joám M. Pintos”. O acto celebrou-se na R. Academia Galega, Rua Tabernas n. 11 – Cidade Velha – A Corunha.

A professora Rios Panisse expujo a sua mui interessante palestra ilustrando-a com significativos poemas da figura estudada assim como com fotografias da época para a melhor compressom da transcendência da obra e vida de Joám Pintos. Reflexionando sobre o exposto pola conferencista leva-nos a afirmar que muitas das eivas e pechas sob os que estavam escravizadas as classes populares galegas seguem hoje tam rejas como há dous séculos: emigraçom, miséria, etc.. o que nos leva a pensar se de facto nom existe umha política desenhada para Nós desaparecermos como povo e naçom.

Como sempre ao findar a sua exposiçom a conferenciante mantivo um colóquio com o público assistente.

Como bem sendo tradicional a Agrupaçom Cultural O Facho no derradeiro sábado do primeiro mês de cada ano, fizo a oferenda floral diante do monumento do grande poeta do povo galego, Curros Henriques, em lembrança de todos os precursores e mártires que nos precedêrom, pola sua entrega na emancipaçom dos humildes e da nossa Naçom. No acto falou o secretário do Facho, J. Alberte Corral Iglesias, em ausência do seu Presidente, tanto ao rematar como a encetar o mesmo houvo música de gaita. Ao findar a representaçom cívica todos os assistentes cantárom o Hino Galego.

O passado dia 24 de Janeiro, terça (martes), às 8 do serám; o geólogo e professor da UDC, Joám R. Vidal Romani, encetou a nova jeira de palestras da nossa Agrupaçom que se realizarám na sala de actos da R. Academia Galega. Agradecemos-lhe a essa querida Instituiçom a sua colaboraçom para connosco; dado que a nova entidade bancaria “Novagalicia Banco” cobra-nos 80 euros mais Iva pola utilizaçom do mesmo local que Caixa Galicia cedia-nos grátis.

O professor Vidal Romaní expujo a sua ricaz palestra intitulada “O mar e a costa e a costa galega” dentro do ciclo “A Ciência na Galiza”, ilustrando-a com significativos gráficos para a melhor compressom da cidadania assistente. Com os mesmos deu a conhecer as novas leituras e estudos sobre a interacçom entre a terra de Galiza e Norte de Portugal com o mar, dado que o velho território da antiga “Gallaecia” constituem umha mesma unidade geológica. A sua explicaçons estivo apoiada nos seus estudos geoambientais do nosso País.

Como sempre ao findar a descriçom o conferenciante mantivo um mui interessante colóquio com o público assistente.

O professor e economista Xavier Peres da Vila intervéu dentro do ciclo, Economia, História, e Realidade Social, organizado pola nossa Associaçom. A sua exposiçom intitulada: “Privatizaçons das pensons. A grande expropiaçom.” foi seguida com grande interesse pola cidadania assistente.

Peres da Vila ilustrou a sua ricaz palestra com significativos gráficos elaborados com dados obtidos de trabalhos realizados por gabinetes de estudo financiados polos especuladores financeiros - lease banqueiros, fundos privados de pensons, e demais sequazes- sobre o sistema de pensons espanhol. Mostrando claramente a falsidade das conclusons, assim como a falácia das suas previsons. Assim mesmos pujo em evidência a cacofonia permanente dos médios de comunicaçom para adoutrinar à cidadania da inviabilidade do actual sistema de pensons quando é umha falsidade ditada polos donos últimos do actual regime económico-político dominante - lease Wall Street, e as suas instituiçons de saqueio-
Como sempre ao findar a descriçom o conferenciante mantivo um mui interessante colóquio com o público assistente.

Findando a primeira jeira de palestras do actual período 2011-12, a conhecida advogada Luz Canal Paz intervéu dentro do ciclo, Economia, História, e Realidade Social”, com a sua palestra intitulada “Língua Galega e Advocacia” .

Canal Paz na sua dissertaçom e posterior colóquio mostrou os grandes atrancos que ainda tem hoje por hoje o uso da Língua própria da Galiza, o galego, nos eidos jurídicos. Nom só polas posturas ideológicas da maioria dos advogados senom também polo posicionamento da judicatura com respeito a nossa Língua. E isso se contar com a grande carência de material jurídico para poder levar a cabo de um jeito cómodo a funçom da advocacia, dado que os distintos Colégios de advogados do País virám costas para o uso do idioma galego.

Ao remate da sua exposiçom houvo um interessante colóquio.

O engenheiro e economista Joám Lopes Facal intervéu dentro do ciclo, Economia, História, e Realidade Social, organizado pola nossa Associaçom. A sua exposiçom intitulada: “Gz-2011. Umha avaliaçom” tivo lugar o passado dia 29 Novembro.

Lopes Facal ilustrou a sua ricaz palestra com significativos gráficos elaborados com dados recentes tanto da economia europeia, espanhola, como galega que fôrom expostos na ecrám para facilitar umha melhor compreensom da situaçom da economia galega à cidadania pressente na conferência. Assim mesmo, quales teriam que ser os eixos para construir umha política eficaz de exportaçom e industrializaçom.

Como sempre ao findar a descriçom o conferenciante mantivo um mui interessante colóquio com o público assistente.

O presidente da Comunidade de Montes Vicinais em mao comum da paroquia de Santa Cristina da Ramalhosa na Câmara Municipal de Baiona, José Alfredo Pereira Martínez falou dentro do ciclo, “Economia, História e C.C. Sociais, organizado pola nossa Agrupaçom. A sua palestra está subordinada ao título: “A privatizaçom dos Montes Vizinhais” e tivo lugar o passado dia 15 de Novembro.

Pereira Martínez ilustrou tanto com imagens na ecrám como com distinta documentaçom a importância que tem e tivo para a economia labrega a existência dos montes em mao comum, e como é preciso que na legislaçom do Estado espanhol recolha esta peculiar modo de propriedade e uso, tal como esta recolhido na Constituiçom da República portuguesa. Dado que esta figura de propriedade só é existe nos territórios do antigo Reino da Galiza, a velha Gallaecia, e é fulcral que tenha reconhecimento jurídico, nom só por razons sociais económicas senom também como piar da nossa especificidade como Naçom.
Também mostrou como o assedio e derribo que existe contra esta figura de domínio do monte por parte dos especuladores urbanísticos, madeireiros,e vinícolas, assim como polo capitalismo centralista espanhol, que contando com o seu “braço armado”, o Partido Popular quer levar por asfixia económica e política a sua desapariçom. Toda a legislaçom criada polo actual governinho de Feijoo e os seus “mariachis” está dirigida a esse fim; só é preciso lembrar a lei actual de parques eólicos, feita para servir a interesses alheios ao povo galego, e em particular aos vizinhos dos Montes Comunais, introduzindo na mesma a figura de expropiaçom.

Ao findar a sua exposiçom houvo um ameno colóquio.

O passado dia 08 de Novembro, às 8 do serám; o investigador e catedrático da USC, Anjo Carracedo Alvares, falou dentro do ciclo “Ciência na Galiza”. A sua palestra intitulada “Aplicaçom da Genómica” chamou grandemente e gratamente a atençom pola cidadania assistente ao evento a claridade da exposiçom.
O doutor Carracedo fizo umha intervençom amena e cheia de anedotas que ajudárom aos ouvintes a melhor compreender a importância da Genómica no saber cientifico actual, e como as suas aportaçons mudárom em grande instância outros saberes. Também o publico percebeu como graças a científicos como o conferenciante, hoje Galiza é um dos esteios mundiais nessa área do conhecimento.
Findando a sua agradável narraçom e contestando às perguntas dos presentes mostrou-lhes um mapa dos grandes movimentos de povoaçom aclarando o que a ciência genómica pode dizer sobre os mesmos.

Na noitinha do passado dia 25 de Octubro, o historiador, escritor, e membro da AGLP, José Manuel Barbosa Alvares, falou dentro do ciclo, Economia, História, e Realidade Social. A sua interveçom intitulada: "A mudança do paradigma historiográfico na Galiza" foi seguida por umha interessada cidadania.
Barbosa Alvares encetou sua intervençom agradecendo o convite do Facho. Tendo como piar para sua exposiçom a imagem electrónica ilustrou aos assistentes sobre o constante ocoubar de Galiza na história oficial do Estado espanhol, assim como na do português.
A constataçom de inumeráveis documentos medievais deturpados conscientemente para falsificar os dados históricos levados a cabo por pessoeiros do Reino de Castela, som provas irrefutáveis do afirmado polo historiador..
Ao findar a sua exposiçom o palestrista mantivo um interessante colóquio com os assistentes.

O professor Benevides Eculica Maurício, partilhou ontem, 4 de Outubro com os cidadaos assistentes, sobre: “Angola e Galiza, Língua”, palestra enquadrada dentro do ciclo “Língua, Literatura e Naçom”.

Encetou a sua exposiçom com um bosquejo da história e dos povos de Angola, para logo mostrar o jeito de falar galego-português em Angola, e as suas características. Ilustrou que em Angola convivem mais de duas dúzias de línguas nacionais, a mais do galego-português que a única oficial. Ainda que hoje existe possibilidade de estudar algumhas das línguas africanas como opçom optativa, e também tenhem programas de rádio e de televisom.

Como é costume ao rematar a palestra houvo um interessante colóquio.