Apesar das dificultades financeiras criadas polo saqueio do capitalismo especulador e bancário, O Facho continua apresentar a analise e as reflexons nos distintos eidos das ciências e o conhecimento que estám a elaborar os investigadores e ensaístas do País assim como intelectuais da área da Galeguia (Lusofonia)

O passado dia 07 de Maio, convidado pola nossa Agrupaçom, o escritor e cineasta, Xosé Antom López Dobao intervéu num dos actos que com o galho das “Letras Galegas” está a realizar a nossa Associaçom. A sua palestra decorreu sob o lema “Roberto Vidal Bolanho”, figura homenageada neste ano.
López Dobao expujo ante umha interessada cidadania umha ilustrada e documentada análise a figura do intelectual e dramaturgo homenageado fazendo finca-pé na lucidez da visom de Vidal Bolanho cara a construçom de umha dramaturgia galega à par com qualquer outra existente, assim como o seu compromisso permanente com o País e a sua cultura.
O conferencista mostrou polo miúdo a relevância de Vidal Bolanho no eido do teatro, nom só pola sua entrega nas distintas áreas do mesmo, se nom também pola suas aportaçons tanto de textos como de postas em cenário. Pode-se afirmar que as aportaçons de Vidal Bolanho marcam um fito no que-fazer teatral na Galiza.

Ao findar a sua exposiçom mantivo um interessante colóquio com os assistentes.

Apesar das dificultades financeiras criadas polo saqueio do capitalismo especulador e bancário, O Facho continua apresentar a analise e as reflexons nos distintos eidos das ciências e o conhecimento que estám a elaborar os investigadores e ensaístas do País assim como intelectuais da área da Galeguia (Lusofonia)

No salom de actos da R. Academia Galega, o conferencista, Bermejo Patinho, com umha interessante exposiçom mostrou como o Emília Pardo Bazám mantinha contacto desde a sua nenez com o saber cientifico e em particular com António Casares, motivado pola amizade existente entre as suas famílias que compunha um pequeno reduto dos ilustrados do século XIX. Assim mesmo deu a conhecer como a obra da escritora está marcada desde o seu começo polas descobertas cientificas do século que só podia as ter escuitado no ambiente das tertúlias de ilustrados que se mantinham, de seguro, na sua casa petrucial

Assim mesmo apontou como a figura de António Casares presenta grandes escuros na sua actuaçom cívica, negando na sua prática social-política as posiçons de avançada que mantinha no eido cientifico. Numha das obras teatrais fulcrais, “As actas escuras” da figura homenageada este ano com o galho das Letras Galegas, Roberto Vidal Bolanho, retrata com profundidade e acerto, a toma de posiçom contra o livre pensamento e em particular contra a Teoria da Evoluçom das Espécies por parte de António Casares, pom-se com o seu voto de qualidade com o doutrinário do reaccionárismo católico enviando deste jeito a dous professores da universidade, da escola kraussista, ao penal do Castelo de S. Antom na Crunha

Ao findar o conferenciante mantivo um mui interessante colóquio com o público assistente.

Apesar das dificultades financeiras criadas polo saqueio do capitalismo especulador e bancário, O Facho continua apresentar a analise e as reflexons nos distintos eidos das ciências e o conhecimento que estám a elaborar os investigadores e ensaístas do País assim como intelectuais da área da Galeguia (Lusofonia).

O passado dia 17 de Abril, quarta-feira (mércores,o investigador e professor em História, Alberte Lago Vilaverde,falou dentro do ciclo, “Economia, História e C.C. Sociais”. Na sua exposiçom sobre: “Raízes Célticas da Galiza” mostrou numerosos dados sobre o que ele definiu como “irrefutável celtismo galego”. É a identidade cultural nas extremas mais ocidentais da Europa, que vem desde milheiros de anos, é um feito que desde a antropologia e as modernas investigaçons manifestam de um jeito evidente

Ao findar a sua exposiçom o conferenciante mantivo um cálido colóquio com os assistentes.

Apesar das dificultades financeiras criadas polo saqueio do capitalismo especulador e bancário, O Facho continua apresentar a analise e as reflexons nos distintos eidos das ciências e o conhecimento que estám a elaborar os investigadores e ensaístas do País assim como intelectuais da área da Galeguia (Lusofonia).

O passado dia 12 de Março, o Doutor em Psicología, José V. Martínez-Romero Gandos, partilhou dentro do ciclo, Língua, Literatura e Naçom organizado pola nossa Agrupaçom. Na sua exposiçom tratou sobre: Ricardo Palmás Casal-Um galego do além-mar. A palestra realizou-se no Salom de Actos da R. Academia Galega, que desde há um par de anos nos presta a sua ajuda para fazer possível as nossas actividades.

Martínez-Romero Gandos, filho de emigrantes da Terra de Montes e nado na Argentina desenvolveu umha dilatada actuaçom na Colectividade galega emigrada no Rio da Prata, participando na vida cultural galega da emigraçom desde 1960 até o seu retorno definitivo à Terra no 2002. Na sua explicaçom mostrou a ingente actividade civico-cultural levada a cabo no Além-Mar por emigrantes, polos seus filhos e netos foi fulcral para nossa história como Naçom.

Ao findar a sua exposiçom o conferenciante mantivo um cálido colóquio com os assistentes.

A pesar das dificultades financeiras criadas polo saqueio do capitalismo especulador e bancário, O Facho continua apresentar a analise e as reflexons nos distintos eidos das ciências e o conhecimento que estám a elaborar os investigadores e ensaístas do País assim como intelectuais da área da Galeguia (Lusofonia).

O passado dia 26 de Fevereiro, terça (martes), o Doutor e historiador, Carlos Sixirei Paredes falou sobre “Os galegos nas independências latino-americanas” dentro do ciclo, Economia, História e C.C. Sociais organizado pola nossa Agrupaçom
O professor Sixirei fizo umha análise da presencia dos galegos e descendentes de galegos nas luitas independentistas em América Latina. Na sua exposiçom deu a conhecer a importância dos mesmos tanto no bando realista como independentista, mostrando como muitas das vezes a inserçom num bando ou outro dependia de interesses imediatos concretos mais que de concepçons ideológicas.

Como é costume ao findar a sua exposiçom o conferenciante mantivo um interessante colóquio com a atenta cidadania assistente.

A pesar das dificultades financeiras criadas polo saqueio do capitalismo especulador e bancário, O Facho continua apresentar a analise e as reflexons nos distintos eidos das ciências e o conhecimento que estám a elaborar os investigadores e ensaístas do País assim como intelectuais da área da Galeguia (Lusofonia).
O passado dia 19 de Fevereiro, terça, às 7,30 do serám; o doutor e professor no Departamento de Física de Partículas na área de Física Atómica Molecular e Nuclear da U. de S., Cibrao Santamarina Rios, dissertou dentro do ciclo “O saber cientifico na Galiza”, com a sua exposiçom intitulada “Pescudando na origem da matéria”. O acto celebrou-se na R. Academia Galega.

O professor Cibrao Santamarina expujo umha amena e rica visom sobre a Ciência de Partículas que se esta a desenvolver no País acorde com o saber no eido da Física Nuclear mundo, nos que um feixe de científicos galegos deixam a sua pegada nessa área fulcral para ciência.

Como é costume ao findar a sua exposiçom o conferenciante mantivo um interessante colóquio com a atenta cidadania assistente.

A pesar das dificultades financeiras criadas polo saqueio do capitalismo especulador e bancário, O Facho continua apresentar a analise e as reflexons nos distintos eidos das ciências e o conhecimento que estám a elaborar os investigadores e ensaístas do País e pensadores da área da Galeguia (Lusofónia).

O professor moçambicano, Gervásio Absolone Chambo intervéu dentro do ciclo “Língua, Literatura e Naçom”. A sua palestra decorreu sob o lema "Convivência e desconvivência lingüística entre as línguas bantu e a língua portuguesa". O acto celebrou-se no salom de actos R. Academia Galega na Corunha.
Absolone Chambo expujo umha ricaz visom sobre o mundo moçambicano para logo expôr os aspectos relativos à diversidade étnico-linguística e cultural de Moçambique, a sua problemática poli-lingüística assim como a convivência linguísta e cultural no País Austral-Africano.
Como sempre ao findar a descriçom o conferenciante mantivo um interessante colóquio com a atenta cidadania assistente.

A pesar das dificultades financeiras criadas polo capitalismo especulador e bancário, O Facho continua apresentar a analise e as reflexons nos distintos eidos das ciências e o conhecimento que estám a elaborar os investigadores e ensaístas do País.

A professora e investigadora, Ascensom Cambrón Infante intervéu dentro do ciclo “Economia, História e Realidade Social”. A sua palestra decorreu sob o lema “Ramom de la Sagra, um ilustrado galego”. O acto celebrou-se no salom de actos R. Academia Galega na Corunha.

Cambrón Infante expujo a sua análise sobre a figura do intelectual, empresário e político corunhês, fazendo finca-pé na lucidez da visom de Ramom de la Sagra cara a construçom de um processo emancipador e de industrializaçom da Galiza. Da sua presencia nos movimentos sociais do século XIX. Durante a sua residência em Paris estivo em contacto com o pensamento socialista da época, Marx, Engels, Proudhom... com este último colaborou e publicou Banque du Peuple. Théorie et pratique de cette institution, fondée sur la théorie rationelle; sendo co-fundador deste banco. Em 1845 junto com Antolin Faraldo funda em Compostela“El Porvenir”, o primeiro jornal anarquista publicado dentro do Estado espanhol. Assim mesmo foi testemunha da revoluçom parisina do 1848, e expulsado de França no ano 1849 pola sua actividade prol do socialismo.

Como sempre ao findar a descriçom a conferenciante mantivo um interessante colóquio com o público assistente.

A professora e ensaísta Goretti Sanmartim Rei intervéu dentro do ciclo "Língua, Literatura, e Naçom" organizado pola nossa Agrupaçom. A sua palestra decorreu sob o lema “O direito à Normalizaçom Lingüística"

Goretti Sanmartim expujo a sua análise sobre a situaçom da língua galega hoje, fazendo finca-pé na na necessidade de umha apertura política lingüística do galego cara obter a sua hegemonia social. Lembrou como já o professor Garcia Branco a começos do século XIX manifestou a existência de um desenho ditado pola Vila e Corte e assumido polas capas médias colonizadas do País cara o abandono da Língua Galega como veiculo normalizador da sociedade galega..

Como sempre ao findar a descriçom a conferenciante mantivo um interessante colóquio com o público assistente.

http://archive.org/download/Mozambique_564/AdelinoTimteo.pdf

O escritor, pintor, e jornalista moçambicano, Adelino Timóteo encetou as palestras do novo período 2012-13 intervindo dentro do ciclo "A lusofonia e Nós" com a sua conferencia: Moçambique, umha cultura e literatura por descobrir”

Adelino Timóteo expujo umha ricaz visom sobre o mundo moçambicano para logo se estender sobre o eido literário em particular.
Foi de grande interesse para o publico assistente ouvir na voz do conferencista diversos textos de autores de Moçambique, muitos dos mesmos cargados com funda ironia e beleza. Posteriormente deu a conhecer um pequeno relatório de literatos moçambicanos.

Como sempre ao findar a descriçom o conferenciante mantivo um interessante colóquio com a atenta cidadania assistente.