Nascido em Melide em 1978 e criado na Corunha, fez estudos de Filologia Galega na Universidade de Santiago de Compostela. Trabalhou em qualidade de bolseiro nos serviços informativos da CRTVG como assessor linguístico e, posteriormente, como bolseiro exercendo funções de Técnico em Normalização Linguística no SNL da USC.
Nascida em Padrom, é licenciada em Filologia Galega pela USC. Desde 2006 é professora no ensino secundário e EOIs. É tradutora e corretora linguística. Também dá aulas para adultos em diversas associações e trabalha em centros de ensino de línguas. Nos tempos livres, redige notícias no blogue de temas lusófonos: lusopatia.wordpress.com
A alcaldesa, Socorro Cea, abriu esta mañá a primeira sesión do obradoiro, dirixida a alumnado de 3º de ESO.
O alumnado de 3º da ESO do IES de Melide tivo hoxe unha mañá especial ao participar no obradoiro de portugués que promoveu o Concello de Melide e o IESda localidade e que presentou a alcaldesa, Socorro Cea e a directora do centro, Margarita Quintela.
En dúas sesións, unha ás 09.30h e outra ás 11.45h, o alumando de 3º da ESO participaron nesta iniciativa que consistía en achegar conceptos básicos do portugués como canle de comunicación máis aló do país veciño. O obradoiro dispuxo de 100 minutos por quenda para interactuar cos alumnos sobre as razóns polas que o portugués é a día de hoxe a sexta lingua máis falada no mundo, e a oficial en oito países, un deles Brasil, nova potencia emerxente.
Para o desenvolvemento deste obradoiro, un relator da AGAL (Asociación Galega da Lingua), Henrique González, empregou unha serie de textos en portugués procurando a interacción cos alumnos nas distintas partes da exposición. O uso de música portuguesa e outros aspectos desta cultura serviron tamén como recursos para o bo desenvolvemento do obradoiro.
Kike Martins no IES Félis Muriel de RianxoAsistimos a un obadoiro que ten un nome moi interesante: OPS! que quere dicir: O portugués simples. Ao noso IES acudiu a darnos a charla Henrique Martíns. Primeiro esinounos as diferenzas gráficas entre o galego e o portugués con exemplos moi claros, actuais e sinxelos. Tamén nos ensinou a capacidade dos galegos para aprendermos o portugués ante outras persoas que non falan galego, polo tanto os galegos temos capacidade competitiva respecto doutras linguas románicas. Despois ensinounos as diferenzas fonéticas entre as dúas linguas da Península Ibérica. [...]
No 21 de setembro de 2011 os alumnos de 2ºSMR asistiron ao obradoiro O Português Simples, impartido polo profesor Henrique Martins.
A través dunha coidada exposición, puideron comprobar de forma amena, que a lingua portuguesa é moito máis fácil de aprender polo feito de sabermos galego.
O ateliê serviu de punto de partida para a sección bilingüe do módulo Sistemas Operativos en Rede.
O alunado o IES Illa San Simón, tirou as seguintes conclusões:
- Que se sabes galego, é fácil aprender portugués.
- Que se quixésemos, poderiamos comunicarnos facilmente en portugués.
- Que o galego é moi semellante ao portugués.
- Que galego e portugués teñen moitísimo en común e que o portugués é a lingua de moitos países.
- Que case falamos portugués.
- Que hai que ter coidado cos falsos amigos.
- Que saber galego é unha avantaxe porque nos permite encontrar traballo tamén fóra de aquí, e tamén pola súa riqueza cultural.
- Que o Brasil é un país máis importante do que eu pensaba, xa que é a 7ª potencia económica.
- Que é unha lingua moi falada no mundo, e que no Xapón hai moitos portugueses.
- Que o portugués é unha lingua moi importante no mundo.
- Que o portugués é unha lingua moi divertida e moi parecida ao galego, e que o galego está moi castelanizado.
- QUE O GALEGO É UNHA LINGUA QUE, TARDE OU TEMPRANO, NOS ABRIRÁ AS PORTAS NO MUNDO, E QUE O PORTUGUÉS NOS AXUDARÁ A FACELO.
